Gulf
യു എ ഇയില്‍വിവാഹ പ്രായം 18 വയസായി കുറച്ചു
യുഎഇയില്‍ വിവാഹപ്രായം കുറച്ചു. മുന്‍പ് 21 വയസായിരുന്നു വിവാഹം കഴിക്കാനുള്ള പരമാവധി പ്രായം. ഇത് 18 ആക്കിയാണ് കുറച്ചത്. പ്രവാസികൾക്കും പുതിയ നിയമം ബാധകമാണെന്ന് പുതിയ വ്യക്തിഗത സ്റ്റേറ്റസ് നിയമത്തിൽ വ്യക്തമാക്കി. മാതാപിതാക്കളുടെ സംരക്ഷണത്തെ കുറിച്ച് നിയമത്തില്‍ പ്രതിപാദിക്കുന്നുണ്ട്. മാതാപിതാക്കളെ അവഗണിക്കുക, മോശമായി പെരുമാറുക, സാമ്പത്തിക സഹായം നൽകാതിരിക്കുക എന്നിവയ്ക്ക് 1.16 ലക്ഷം മുതൽ 23.36 ലക്ഷം രൂപ വരെ പിഴ ലഭിക്കും. കൂടാതെ, തടവുശിക്ഷയും അനുഭവിക്കണം. പ്രായപൂർത്തിയാകാത്തവർക്കൊപ്പം അനുവാദമില്ലാതെ യാത്ര ചെയ്യുക, സ്വത്ത് തട്ടിയെടുക്കുക തുടങ്ങിയ കുറ്റങ്ങൾക്കും കടുത്ത ശിക്ഷ ലഭിക്കും. വിവാഹമോചന കേസുകളിൽ കുട്ടികളുടെ കസ്റ്റഡി പ്രായം 18 വയസായിരിക്കുമെന്ന് പുതിയ നിയമത്തില്‍ പറയുന്നു.
