പ്രളയക്കെടുതി മൂലം ദുരിമനുഭവിക്കുന്ന ലിബിയക്ക് പരമാവധി സഹായം എത്തിക്കുന്നതിനുളള ശ്രമത്തിലാണ് സൗദി ഭരണകൂടം. 40 ടണ്‍ സാധനങ്ങളുമായാണ് സൗദിയില്‍ നിന്നുളള രണ്ടാമത്തെ വിമാനം ഇന്ന് ലിബിയയിലെ ബെനിന വിമാനത്താവളത്തിലെത്തിയത്. ഭക്ഷ്യ വസ്തുക്കള്‍ക്ക് പുറെമ മരുന്നുകള്‍, ടെന്റുകള്‍, മെഡിക്കല്‍ ഉപകരണങ്ങള്‍ എന്നിവയും ഇതില്‍ ഉള്‍പ്പെടുന്നു. വരും ദിവസങ്ങളില്‍ കൂടുതല്‍ സഹായം എത്തിക്കുന്നതിനായുള്ള നടപടികളാണ് സൗദിയില്‍ പുരോഗമിക്കുന്നത്.
