ദോഹ: പുതിയ ഭക്ഷ്യസുരക്ഷ പദ്ധതി ഖത്തറിൽ നടപ്പിലാക്കാൻ ഒരുങ്ങുന്നു. 2024 ആദ്യ പാദത്തിൽ ആയിരിക്കും ഖത്തറിൽ ഭക്ഷ്യസുരക്ഷ പദ്ധതി അവതരിപ്പിക്കുന്നതെന്ന് മുനിസിപ്പാലിറ്റി മന്ത്രാലയത്തിലെ ഭക്ഷ്യസുരക്ഷ വകുപ്പ് ഡയറക്ടർ ഡോ. മസ്ഊദ് ജാറല്ല അൽ മർറി അറിയിച്ചു.
ഖത്തർ ദേശീയ ഭക്ഷ്യസുരക്ഷാ തന്ത്രം 2024-2030 വരെ ഏഴ് വർഷത്തേക്കാണ് പദ്ധതികൾ തയ്യാറാക്കുന്നത്. ഇത് സമയത്ത് തന്നെ എല്ലാം പൂർത്തിയാക്കുമെന്ന് ഡോ. മസ്ഊദ് ജാറല്ല അൽ മർറി കൂട്ടിച്ചേർത്തു.
പുതിയ ഭക്ഷ്യസുരക്ഷ തന്ത്രം അന്തിമഘട്ടത്തിലാണ്. വലിയ ചർച്ചകൾക്കും പഠനത്തിനും ശേഷം ആണ് ഇത് നടപ്പിലാക്കാൻ പോകുന്നത്. 2030 എന്ന ലക്ഷ്യത്തിലേക്ക് ഏഴുവർഷത്തെ അകലം മാത്രമാണുള്ളത്. മുൻ പദ്ധതികളിൽനിന്നും ലഭിച്ച അനുഭവങ്ങളിൽ നിന്നാണ് പുതിയ ഒരോ കാര്യങ്ങളും ഖത്തർ പഠിക്കുന്നത്. സുസ്ഥിരത കൈവരിക്കുക, ആധുനിക സാങ്കേതികവിദ്യകളെ ആശ്രയിക്കുക, കാർഷിക മേഖലയിലെ നൂതന സമ്പ്രദായങ്ങൾ എന്നിവ ഉൾപ്പെടെയുള്ള ഘടകങ്ങൾ അടിസ്ഥാനമാക്കിയാണ് പുതിയ ഭക്ഷ്യ സുരക്ഷ പദ്ധതി ഖത്തർ വികസിപ്പിക്കുന്നത്.
വിൽപന കേന്ദ്രങ്ങൾ വിപൂലീകരിക്കും,വിതരണ സംവിധാനങ്ങൾ മെച്ചപ്പെടുത്തും. ഇതെല്ലാം വിപണി സംവിധാനങ്ങൾ മെച്ചപ്പെടുത്താൻ സഹായിക്കുമെന്ന് അധികൃതർ പറയുന്നു. മറ്റു രാജ്യങ്ങളുമായുള്ള വ്യാപാരം മെച്ചപ്പെടുത്തുന്നതിൽ ഖത്തർ ശ്രദ്ധ കേന്ദ്രീകരിക്കുന്നുണ്ട്. ഇതിന് വേണ്ടി പുതിയ തന്ത്രങ്ങൾ മെനയും.
പ്രാദേശിക ഉൽപാദനം മെച്ചപ്പെടുത്തുന്ന തരത്തിലാണ് പുതിയ കാർഷിക രീതിയകൾ ഖത്തർ മുന്നോട്ടുവെക്കുന്നത്. ആധുനിക കാർഷിക രീതികൾ രാജ്യത്ത് വലിയ മാറ്റം ഉണ്ടാക്കും എന്നാണ് പ്രതീക്ഷിക്കുന്നത്. ആഗോള ഫുഡ് സെക്യൂരിറ്റി സൂചികയിൽ ഖത്തർ എപ്പോഴും മികച്ച റാങ്ക് കരസ്ഥമാക്കിയിട്ടുണ്ട് .കാർഷിക, ഭക്ഷ്യസുരക്ഷ മേഖലകളിൽ വലിയ വികസനം കൊണ്ടു വരുന്നതിന് വേണ്ടി ഖത്തർ വലിയ പദ്ധതികൾ ആണ് കഒണ്ടുവരുന്നത്. രാജ്യത്തിന്‍റെ കാർഷികമേഖലയിലെ സ്ഥിതിഗതികൾ സംബന്ധിച്ച് കൃത്യവും വ്യക്തവുമായി സ്ഥിതിവിവരക്കണക്കുകൾ ആണ് ഖത്തർ സൂക്ഷിക്കുന്നത്. 20 വർഷത്തിനിടെ ആദ്യമായി കാർഷിക സെൻസസും മുനിസിപ്പാലിറ്റി മന്ത്രാലയം നടത്തിയിരുന്നു.
