Gulf
ദുബായ് ഭരണാധികാരിയുടെ ചെറുമകന് മികച്ച കേഡറ്റിനുള്ള സ്വോര്‍ഡ് ഓണര്‍ പുരസ്‌കാരം
ദുബായ് രാജകുടുംബത്തിലെ മറ്റൊരു അംഗം കൂടി യുകെയിലെ പ്രശസ്തമായ റോയല്‍ മിലിട്ടറി അക്കാദമി സാന്‍ഡ്ഹര്‍സ്റ്റില്‍ നിന്ന് മികച്ച ബിരുദം നേടി. ഇത്തവണ ദുബായ് ഭരണാധികാരി ശെയ്ഖ് മുഹമ്മദ് ബിന്‍ റാഷിദ് അല്‍ മക്തൂമിന്‍റെ ചെറുമകന്, ശെയ്ഖ് മുഹമ്മദ് ബിന്‍ റാഷിദ് ബിന്‍ മുഹമ്മദ് ബിന്‍ റാഷിദ് അല്‍ മക്തൂമാണ് ഈ നേട്ടം കൊയ്തത്. അക്കാദമിയുടെ കമ്മീഷനിങ് കോഴ്സ് 241 ലെ മികച്ച കേഡറ്റിനുള്ള സ്വോര്‍ഡ് ഓഫ് ഓണര്‍ പുരസ്‌കാരമാണ് ശെയ്ഖ് മുഹമ്മദ് സ്വന്തമാക്കിയത്.
സോഷ്യല്‍ മീഡിയയിൽ ശെയ്ഖ് ഹംദാന്‍ കുറിപ്പും പങ്കുവെച്ചു. ‘മികച്ച അന്താരാഷ്ട്ര കേഡറ്റിനുള്ള അന്താരാഷ്ട്ര വാള്‍ ലഭിച്ച മുഹമ്മദിന്‍റെ കാര്യത്തില്‍ ഞങ്ങള്‍ എല്ലാവരും അഭിമാനിക്കുന്നു. സൈനിക, അക്കാദമിക്, പ്രായോഗിക പഠനങ്ങളില്‍ മൊത്തത്തിലുള്ള മികച്ച ഫലങ്ങള്‍ക്കുള്ള അന്താരാഷ്ട്ര അവാര്‍ഡ് നേടുന്ന ആദ്യത്തെ യുഎഇ പൗരനാണ് ശെയ്ഖ് മുഹമ്മദ്. രണ്ട് ബഹുമതികളും ഒരേസമയം നേടിയെടുക്കാന്‍ അദ്ദേഹത്തിന് കഴിഞ്ഞത് വലിയ നേട്ടമാണ്’ എന്നാണ് കുറിപ്പ്.
