ടെലിഗ്രാം മേധാവി ഫ്രാൻസിൽ അറസ്റ്റിൽ

മെസേജിംഗ് ആപ്പ് ടെലിഗ്രാമിന്റെ സഹസ്ഥാപകനും ചീഫ് എക്‌സിക്യൂട്ടീവുമായ പാവൽ ദുറോവ് ഫ്രാൻസിൽ വെച്ച് അറസ്റ്റിലായതായി റിപ്പോർട്ട്. പവൽ ദുറോവിനെ ശനിയാഴ്ച വൈകുന്നേരം പാരീസിന് പുറത്തുള്ള ബർഗെറ്റ് വിമാനത്താവളത്തിൽ വെച്ച് അറസ്റ്റ് ചെയ്തത്. അസർബൈജാനിലെ ബാക്കുവിൽ നിന്ന് ഫ്രാൻസിൽ എത്തിയപ്പോഴാണ് അറസ്റ്റ്.

ശതകോടീശ്വരനായ പാവൽ ദുറോവ് തൻ്റെ സ്വകാര്യ ജെറ്റിൽ ഫ്രാൻസിൽ എത്തിയപ്പോഴാണ് അറസ്റ്റ് ഉണ്ടായതെന്നാണ് വിവരം. വാർത്ത സംബന്ധിച്ച റോയിട്ടേഴ്‌സിൻ്റെ ചോദ്യങ്ങളോട് ടെലിഗ്രാം ഇതുവരെ പ്രതികരിച്ചിട്ടില്ല. ഫ്രഞ്ച് ആഭ്യന്തര മന്ത്രാലയവും പൊലിസും ഇക്കാര്യത്തിൽ പ്രതികരിച്ചിട്ടില്ല.

ടെലിഗ്രാമിൻ്റെ മിതത്വമില്ലായ്മ, നിയമപാലകരുമായുള്ള സഹകരണം, ആപ്പ് നൽകുന്ന ടൂളുകൾ എന്നിവ കാരണമാണ് ദുറോവിനെ അറസ്റ്റ് ചെയ്തതെന്നാണ് റിപ്പോർട്ട്. റിപ്പോർട്ടുകൾ പ്രകാരം, ടെലിഗ്രാം വഴി ‘മയക്കുമരുന്ന് കടത്ത്, പെഡോ ക്രിമിനൽ കുറ്റകൃത്യങ്ങൾ, സംഘടിത കുറ്റകൃത്യങ്ങൾ, തീവ്രവാദത്തെ പ്രോത്സാഹിപ്പിക്കൽ, ചീറ്റിങ്ങ് എന്നിവ നടക്കുന്നുവെന്ന എന്ന് ഫ്രഞ്ച് അധികാരികളുടെ കണ്ടെത്തലിന് പിന്നാലെയാണ് നടപടി.

ദുബൈ ആസ്ഥാനമായുള്ള ടെലിഗ്രാം സ്ഥാപിച്ചത് റഷ്യൻ വംശജനായ പാവൽ ദുറോവ് ആണ്. അദ്ദേഹം വിറ്റ തൻ്റെ വികെ സോഷ്യൽ മീഡിയ പ്ലാറ്റ്‌ഫോമിലെ പ്രതിപക്ഷ കമ്മ്യൂണിറ്റികൾ അടച്ചുപൂട്ടാനുള്ള ആവശ്യങ്ങൾ അനുസരിക്കാൻ വിസമ്മതിച്ചതിനെ തുടർന്ന് 2014 ൽ റഷ്യ വിട്ടു. 15.5 ബില്യൺ ഡോളർ ആസ്തിയുള്ളതായി ഫോർബ്സ് കണക്കാക്കുന്ന പാവൽ ദുറോവ്, ചില സർക്കാരുകൾ തന്നെ സമ്മർദ്ദത്തിലാക്കാൻ ശ്രമിച്ചിട്ടുണ്ടെന്നും എന്നാൽ ഇപ്പോൾ 900 ദശലക്ഷം സജീവ ഉപയോക്താക്കളുള്ള ആപ്പ് ഒരു “നിഷ്പക്ഷ പ്ലാറ്റ്ഫോമായി തുടരണമെന്ന് ആവശ്യപ്പെട്ടിരുന്നു