ട്വന്റി ട്വന്റി ക്രിക്കറ്റിന്റെ പ്രഥമ ലോകകപ്പില്‍ ഇന്ത്യ ജേതാക്കളായിട്ട് ഇന്ന് 16 വര്‍ഷം. മഹേന്ദ്ര സിംഗ് ധോണി നയിച്ച യുവനിര ക്രിക്കറ്റ് ലോകത്തെ അത്ഭുതപ്പെടുത്തിക്കൊണ്ട് ലോകചാമ്പ്യന്മാരായി. യുവരാജ് സിംഗിന്റെ ഒരോവറിലെ ആറ് സിക്‌സും മലയാളി താരം എസ് ശ്രീശാന്തിന്റെ അഗ്രസീവ് ബൗളിങ്ങും ഫൈനലിലേയ്ക്കുള്ള ഇന്ത്യന്‍ നേട്ടത്തില്‍ തിളങ്ങി നില്‍ക്കുന്നു. കലാശപ്പോരില്‍ പാകിസ്താനുമായുള്ള മത്സരമായിരുന്നു ക്രിക്കറ്റ് ലോകം നെഞ്ചിടിപ്പോടെ കണ്ടിരുന്നത്.
