Gulf
അബുദാബി കിരീടവകാശി ഷെയ്ഖ് ഖാലിദിന് ഔദ്യോഗിക സ്വീകരണമൊരുക്കി മോദി; വ്യവസായരംഗത്തെ പ്രമുഖർ സംബന്ധിച്ചു
ഔദ്യോഗിക സന്ദർശനത്തിനായി ഇന്ത്യയിലെത്തിയ അബുദാബി കിരീടാവകാശി ഷെയ്ഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്യാന് പ്രധാനമന്ത്രി നരേന്ദ്ര മോദി ഒരുക്കിയ സ്വീകരണത്തിൽ വ്യവസായരംഗത്തെ പ്രമുഖർ സംബന്ധിച്ചു.
ഹൈദരാബാദ്‌ ഹൗസിൽ നടന്ന കൂടിക്കാഴ്ചയിലാണ് ഇരുരാജ്യങ്ങളിൽ നിന്നുമുള്ള മന്ത്രിമാർ, ഉന്നത ഉദ്യോഗസ്ഥർ, വ്യവസായരംഗത്തെ പ്രമുഖർ എന്നിവർ സംബന്ധിച്ചത്. അബുദാബി കിരീടാവകാശിയുടെ ബഹുമാനാർത്ഥം പ്രധാനമന്ത്രി നരേന്ദ്രമോദി പ്രത്യേക ഉച്ചവിരുന്നും ഒരുക്കിയിരുന്നു. കൂടിക്കാഴ്ചയിലും ഉച്ചവിരുന്നിലും പ്രമുഖ വ്യവസായികളായ ലുലു ഗ്രൂപ്പ് ചെയർമാൻ എം. എ.യൂസഫലിയും ബുർജീൽ ഹോൾഡിങ്ങ്സ് ചെയർമാൻ ഡോ.ഷംഷീർ വയലിലും സംബന്ധിച്ചു. ഇന്ന് മുംബൈയിൽ നടക്കുന്ന ഇന്ത്യ – യുഎഇ വാണിജ്യ ഉച്ചകോടിയിലും ഇരുവരും പങ്കെടുക്കും.