ദോഹ: ഡിസംബർ മാസത്തിൽ സ്വീകരിച്ച തൊഴിൽ പെർമിറ്റുകളുടെ എണ്ണം പുറത്തുവിട്ട് ഖത്തർ തൊഴിൽ മന്ത്രാലം. 27,020 തൊഴിൽ പെർമിറ്റുകൾ ആണ് നൽകിയിരിക്കുന്നത്. പുതുവർഷം പിറന്നതിനു പിന്നാലെയാണ് ഇത്രയും അപേക്ഷകൾ തങ്ങൾ സ്വീകരിച്ചിരിക്കുന്നത് എന്ന് കണക്ക് അധികൃതർ പുറത്തുവിട്ടത്. ഡിസംബർ മാസത്തിൽ സ്വീകരിച്ച അപേക്ഷകളുടെ കണക്കാണ് പുറത്തുവിട്ടതെന്ന് മന്ത്രാലയവും വ്യക്തമാക്കി.
അപേക്ഷകളിൽ 3707 എണ്ണം പുതിയ തൊഴിൽ റിക്രൂട്ട്മെന്റ് സംബന്ധിച്ച അപേക്ഷകൾ ആയിരുന്നു. 19,102 എണ്ണം സാധാരണ വർക് പെർമിറ്റുകൾക്കുള്ള അപേക്ഷയായിരുന്നു. ഫാമിലി സ്പോൺസർഷിപ്പും ഗൾഫ് പൗരന്മാർ, വസ്തു സംബന്ധം എന്നിവയുമായി ബന്ധപ്പെട്ട് 975 സ്വകാര്യ വർക് പെർമിറ്റ് അപേക്ഷകൾ ഉണ്ടായിരുന്നു. തൊഴിൽ മാറ്റം സംബന്ധിച്ച് കഴിഞ്ഞ മാസം 3236 അപേക്ഷകളും ലഭിച്ചതായി അധികൃതർ വ്യക്തമാക്കി.
തൊഴിൽ നിയമം രാജ്യത്ത് കൃത്യമായി പാലിക്കുന്നുണ്ടോയെന്ന് അറിയുന്നതിന് വേണ്ടി ശക്തമായ പരിശോധന നടത്തുന്നുണ്ട്. മന്ത്രാലയത്തിലെ ഉദ്യോഗസ്ഥർ ആണ് പരിശോധന നടത്തുന്നത്. 67 ഏജൻസികളിലാണ് ഉദ്യോഗസ്ഥർ ഇതുവരെ പരിശോധന നടത്തിയത്. വിവിധ മേഖലകളിലായി ഒരു മാസത്തിനിടെ 5064 തൊഴിൽ പരിശോധനകൾ നടത്തിയിട്ടുണ്ട്. 608 കമ്പനികളിൽ തിരുത്തൽ നടപടികൾ ആവശ്യപ്പെട്ടിട്ടുണ്ട്. 765 കേസുകളിൽ മറ്റു നടപടികളും സ്വീകരിച്ചിട്ടുണ്ട്.
