മക്ക: ഉംറ നിർവഹിക്കുന്ന സ്ത്രീകൾക്ക് വസ്ത്രം ധരിക്കുന്നതിൽ നിർദേശം നൽകി സൗദി. ശരീരം മുഴുവൻ മറയ്ക്കുന്ന അയഞ്ഞ വസ്ത്രം ധരിക്കണമെന്നാണ് നിർദേശം നൽകിയിരിക്കുന്നത്. ആഭരണങ്ങളോ അലങ്കാരങ്ങളോ പാടില്ല. ഉംറയ്ക്ക് തിരക്കേറിയതോടെയാണ് മന്ത്രാലയം പുതിയ നിർദേശങ്ങളുമായി രംഗത്തെത്തിയിരിക്കുന്നത്.
ഈ പ്രാവിശ്യത്തെ സീസണിൽ ഒരു കോടി തീർഥാടകരെയാണ് സൗദി പ്രതീക്ഷിക്കുന്നത്. വ്യക്തിഗത, സന്ദർശന, ടൂറിസ്റ്റ് വിസകൾ എന്നിങ്ങനെ വ്യത്യസ്ത തരത്തിലുള്ള എൻട്രി വിസകൾ കെെവശമുള്ളവർ ആണെങ്കിൽ അവർക്ക് ഉംറ നിർഹവിക്കാൻ അനുമതിയുണ്ട്. മുപ്പത് ദിവസത്തിൽ നിന്നും നിന്ന് 90 ദിവസത്തേക്ക് ഉംറ വിസയുടെ കാലാവധി നീട്ടിയിട്ടുണ്ട്.
വനിതാ തീർഥാർടകർക്ക് പുരുഷൻമാരുടെ അകമ്പടിയില്ലാതെ ഉംറ നിർഹനിക്കാൻ സാധിക്കും. ഇതുമായി ബന്ധപ്പെട്ട നിർദേശങ്ങൾ മന്ത്രാലയം നേരത്തെ തന്നെ വ്യക്തമാക്കിയിട്ടുണ്ട്. ജിസിസി രാജ്യങ്ങളിൽ താമസിക്കുന്ന പ്രവാസികൾക്ക് അവരുടെ തൊഴിൽ പരിഗണിക്കാതെ ടൂറിസ്റ്റ് വിസക്കായി അപേക്ഷിക്കാം എന്ന് ഉംറ മന്ത്രാലയം നേരകത്തെ തന്നെ വ്യക്തമാക്കിയിരുന്നു.
