ഖത്തർ: ഖത്തർ – സൗദി അറേബ്യ രാജ്യത്തിന്റെ ആഭ്യന്തര മന്ത്രിമാർ ചർച്ച നടത്തി. കോഓഡിനേഷൻ കൗൺസിൽ യോഗത്തിന്റെ തുടർച്ചയായി ആണ് രണ്ട് രാജ്യങ്ങളിലേയും ആഭ്യന്തര മന്ത്രിമാർ ചർച്ച നടത്തിയത്. റിയാദിൽ നടന്ന ചർച്ചയിൽ ഖത്തർ ആഭ്യന്തര മന്ത്രിയും ലഖ്‍വിയ കമാൻഡറുമായ ശൈഖ് ഖലീഫ ബിൻ ഹമദ് ആൽഥാനിയും, സൗദി ആഭ്യന്തര മന്ത്രി പ്രിൻസ് അബ്ദുൽ അസീസ് ബിൻ സൗദ് ബിൻ നായിഫ് അൽ സൗദും പങ്കെടുത്തു. രണ്ട് രാജ്യങ്ങൾക്കുമിടയിൽ ആഭ്യന്തര സുരക്ഷ സംബന്ധിച്ച് വിവിധ വിഷയങ്ങൾ രണ്ട് പേരും ചർച്ച ചെയ്തു.
സുരക്ഷ സഹകരണവും, വിവിധ മേഖലകളിലെ സുരക്ഷ മെച്ചപ്പെടുത്തുന്നത് സംബന്ധിച്ച് രണ്ട് രാജ്യങ്ങൾക്കും ഇടയിൽ ധാരണയായി. കര അതിർത്തികളിലെ യാത്രക്കാരുടെ വിവരങ്ങൾ പരസ്പരം കെെമാറാനും തീരുമാനിച്ചു. ഇതുമായി ബന്ധപ്പെട്ട മന്ത്രിതല ചർച്ചയിൽ ഇവർ ഒപ്പുവെച്ചു. ഖത്തർ അതിർത്തിയായ അബു സംറയിലെയും സൗദി അതിർത്തിയായ സൽവയിലെയും യാത്രക്കാരുടെ വിശദാംശങ്ങൾ കെെമാറാൻ ആണ് തീരുമാനിച്ചിരിക്കുന്നത്.
മന്ത്രിതല യോഗത്തിന്റെ ഭാഗമായി അതിർത്തി സുരക്ഷാ ഉദ്യോഗസ്ഥ സംഘം ഓൺലെെൻ വഴിയും ചർച്ച നടത്തി. ഖത്തർ ആഭ്യന്തര മന്ത്രാലയം ക്രിമിനൽ എവിഡന്റ് ആൻഡ് ഇൻഫർമേഷൻ വിഭാഗം ഡയറക്ടർ ബ്രിഗേഡിയർ ജനറൽ ഡോ. അലി താലിബ് അഫിഫയും സൗദി പാസ്പോർട്സ് അസി. ഡയറക്ടർ ജനറൽ മേജർ ജനറൽ സൗദ് ബിൻ ബന്ദർ അൽ സൂറും ആണ് ചർച്ച നയിച്ചത്.
യമനിലെ സമാധാന പ്രക്രിയയെ പിന്തുണക്കുന്നതിനായി യുഎൻ മാർഗനിർദേശങ്ങൾ നൽകിയത് ഞങ്ങൾ അംഗീകരിക്കുന്നതായി മുഹമ്മദ് ബിൻ സൽമാന്റെ അധ്യക്ഷതയിൽ ചേർന്ന സൗദി മന്ത്രിസഭ യോഗം സ്വാഗതം ചെയ്തു. ഐക്യരാഷ്ട്ര സഭയുടെ മേൽനോട്ടത്തിൽ നടക്കുന്ന ചർച്ചകളിൽ ഏർപ്പെടാനും അതിന് വേണ്ടിയുള്ള എല്ലാ പിന്തുണയും നൽകുന്നുവെന്നും മന്ത്രിസഭ വ്യക്തമാക്കി.
പലസ്തീനിലെ ഇപ്പോഴത്തെ സ്ഥിതിഗതികൾ പരിശോധിക്കണം. ആവശ്യമായ സഹായങ്ങൾ നൽകാനും ചർച്ച ചെയ്തു. ഗാസയിലേക്ക് മാനുഷികമായ സഹായങ്ങൽ നൽകണം. അതിന് വേണ്ടിയുള്ള യു.എൻ രക്ഷാസമിതിയുടെ തീരുമാനത്തെ മന്ത്രിസഭ സ്വാഗതം ചെയ്തു.
ഗാസയിലെ പല സ്ഥലങ്ങളിലും പ്രത്യേക ശ്രദ്ധവേണം. ഇസ്രായേൽ അധിനിവേശ ശക്തികൾ നടത്തുന്ന ആസൂത്രിത മനുഷ്യാവകാശലംഘനങ്ങൾ ഉടൻ അവസാനിപ്പിക്കണം എന്നും ചർച്ചയിൽ ആവശ്യം ഉയർന്നു.
