ദുബായ്: യുഎഇയുടെ ‘സിർബ്’ പദ്ധതിക്ക് തുടക്കമായി. റഡാർ സാറ്റലൈറ്റുകൾ വികസിപ്പിക്കാനും വിക്ഷേപിക്കാനുമായി 2022ൽ പ്രഖ്യാപിച്ച പദ്ധതിയാണ് ‘സിർബ്’ പദ്ധതി. ഇത് നടപ്പിലാക്കുനന്തിന്റെ ഒന്നാം ഘട്ടം ആരംഭിച്ചതായാണ് പ്രഖ്യാപനം നടത്തിയിരിക്കുന്നത്. അബുദാബി കിരീടാവകാശിയും എക്‌സിക്യൂട്ടിവ് കൗൺസിൽ ചെയർമാനുമായ ഷെയ്ഖ് ഖാലിദ് ബിൻ മുഹമ്മദ് ആൽ നഹ്യാനും ദുബായ് കിരീടാവകാശിയും എക്‌സിക്യൂട്ടിവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ആൽ മക്തൂമും ചേർന്നാണ് പദ്ധതിയുടെ പ്രഖ്യാപനം നടത്തിയിരിക്കുന്നത്.
പദ്ധതി നടപ്പിലാക്കുന്നതിന്റെ ലക്ഷ്യങ്ങളെകുറിച്ചും സാറ്റലൈറ്റ് പ്രോഗ്രാം വികസിപ്പിക്കാൻ ഉദ്ദേശിക്കുന്ന നൂതന സാങ്കേതികവിദ്യകളെക്കുറിച്ചും അബുദാബി കിരീടാവകാശിയും, ദുബായ് കിരീടാവകാശിയും ചർച്ച നടത്തി. 2026ഓടെ ആദ്യത്തെ ഉപഗ്രഹം വിക്ഷേപിക്കാൻ ആണ് ഇപ്പോൾ ദുബായ് ലക്ഷ്യം വെക്കുന്നത്. ഇതുമായി ബന്ധപ്പെട്ട കാര്യങ്ങൾ ഇവർ അവലേകനം നടത്തി. സാറ്റലൈറ്റ് വികസിപ്പിക്കുന്നതിനായി യുഎഇ ബഹിരാകാശ ഏജൻസി ഒരു വ്യവസായിക കൺസോർഷ്യം രൂപവത്കരിച്ചിട്ടുണ്ട്.
മൂന്ന് സിന്തറ്റിക് അപ്പേർച്ചർ റഡാർ ഉപഗ്രഹങ്ങൾ വികസിപ്പിക്കാൻ ആണ് ഇപ്പോൾ ലക്ഷ്യമിടുന്നത്. കാലാവസ്ഥ വ്യതിയാനം കൂടുതൽ മനസിലാക്കാൻ പുതിയ സാറ്റ്ലെെറ്റ് സംവിധാനത്തിലൂടെ മനസ്സിലാക്കാൻ സാധിക്കും. ഭൂമിയുടെ ഉപരിതല മാറ്റങ്ങൾ വേഗത്തിൽ മനസിലാക്കാൻ സാധിക്കും. ഇതിന്റെ ചിത്രങ്ങൾ പകർത്താനും സാറ്റ്ലൈറ്റുകൾക്ക് പകർത്താനും സാധിക്കുന്ന തരത്തിലാണ് ക്രമീകരങ്ങൾ ഒരുക്കിയിരിക്കുന്നത്.
രാത്രിയും പകലും ഏത് കാലാവസ്ഥയിലും ഒരുപോലെ വ്യക്തമായി ചിത്രങ്ങൽ പകർത്താൻ സാധിക്കും. കാലാവസ്ഥ വ്യതിയാന വെല്ലുവിളികൾ വേഗത്തിൽ അറിയാൻ സാധിക്കും. നഗരവികസനത്തിനും പ്രകൃതിദുരന്തങ്ങളെ നേരിടാനുള്ള ശ്രമങ്ങൾ നടത്തുന്നതിനും ഈ പുതിയ സാറ്റ് ലെെറ്റിന്റെ സഹായം തേടാൻ സാധിക്കും. ഭക്ഷ്യസുരക്ഷ വെല്ലുവിളികളെ മറികടക്കാനും ഇത് സഹായിക്കും എന്നാത് വിലയിരുത്തപ്പെടുന്നത്.
ഇത് കൂടാതെ സാറ്റ് ലെെറ്റ് നിർമ്മാണ രംഗത്ത് യു.എ.ഇയെ ആഗോള ഹബ്ബായി മാറ്റുന്നതിന് പ്രാദേശിക വിദഗ്ധരെ വർധിപ്പിക്കുമെന്ന് ചടങ്ങിൽ അബുദാബി കിരീടാവകാശിയും എക്‌സിക്യൂട്ടിവ് കൗൺസിൽ ചെയർമാനുമായ ഷെയ്ഖ് ഖാലിദ് ബിൻ മുഹമ്മദ് ആൽ നഹ്യാൻ പറഞ്ഞു. യുഎഇയുടെ ബഹിരാകാശ രംഗത്തെ മറ്റൊരു വഴിതിരിവാണ് ‘സിർബ്’ എന്ന് ദുബായ് കിരീടാവകാശിയും എക്‌സിക്യൂട്ടിവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ആൽ മക്തൂമും പറഞ്ഞു. ദേശീയ അന്തർദേശീയ തലങ്ങളിൽ ഉപഗ്രഹങ്ങളുടെ വാണിജ്യവത്ക്കരണവും അവ സൃഷ്ടിക്കുന്ന ഡാറ്റയുമാണ് സിർബ് പ്രോഗ്രാമിന്റെ കേന്ദ്രം. വളരെ കൃത്യതയുള്ള ഈ ബഹിരാകാശ റഡാർ ഉപഗ്രഹങ്ങൾ പാരിസ്ഥിതിക മാറ്റങ്ങൾ നിരീക്ഷിക്കുന്നത് മുതൽ പ്രകൃതി ദുരന്ത നിവാരണവും മാപ്പിംഗും വരെയുള്ള വൈവിധ്യമാർന്ന ശാസ്ത്രീയവും വാണിജ്യപരവുമായ ആപ്ലിക്കേഷനുകളെ പിന്തുണയ്ക്കും.
ബഹിരാകാശ മേഖലയിലെ വളർച്ചയുടെ തുടർച്ചയായ പിന്തുണയ്ക്കും വീക്ഷണത്തിനും നിരീക്ഷണങ്ങൾ അത്യാവശ്യമാണ്. അതിന് വേണ്ടിയുള്ള ഒരു നല്ല സംവിധാനം ഒരുക്കി. വിക്ഷേപണത്തിന് മേൽനോട്ടം വഹിച്ചതിനും ഷെയ്ഖ് ഖാലിദിനും ഷെയ്ഖ് ഹംദാനും നന്ദി പറഞ്ഞ് പൊതുവിദ്യാഭ്യാസ, അഡ്വാൻസ്‌ഡ് ടെക്‌നോളജി സഹമന്ത്രിയും യുഎഇ സ്‌പേസ് ഏജൻസി ചെയർപേഴ്‌സണുമായ സാറ അൽ അമീരി.
