2023ലെ ആഗോള കാലാവസ്ഥ ഉച്ചകോടിയുടെ ആതിഥേയരെന്ന നിലയില്‍, ആഗോള കാലാവസ്ഥ പ്രവര്‍ത്തനം മെച്ചപ്പെടുത്തുന്നതിനുള്ള നിര്‍ദേശങ്ങള്‍ ജി20 ഉച്ചകോടിയില്‍ യുഎഇ മുന്നോട്ടുവെക്കുമെന്നാണ് പ്രതീക്ഷിക്കുന്നത്. ഉച്ചകോടിക്ക് മുന്നോടിയായി സംഘടിപ്പിക്കപ്പെട്ട വിവിധ മന്ത്രിതല യോഗങ്ങളിൽ വികസനം, പൊതു നയങ്ങൾ, അടിസ്ഥാന സൗകര്യങ്ങൾ, നിയമനിർമാണം എന്നിവയുമായി ബന്ധപ്പെട്ട് യുഎഇ പ്രതിനിധികൾ അഭിപ്രായങ്ങൾ പങ്കുവെച്ചിരുന്നു.
