യുഎഇ: തൊഴിൽ നഷ്ട ഇൻഷൂറൻസ് പദ്ധതിയിൽ ചേർന്നിട്ടില്ലെങ്കിൽ പണിപാളും. തൊഴിലാളിയുടെ ശമ്പളത്തിൽ നിന്നോ സേവനാനന്തര ആനുകൂല്യത്തിൽനിന്നോ പിഴ ഈടാക്കുമെന്ന് മുന്നറിയിപ്പുമായി യുഎഇ എത്തിയിരിക്കുന്നു. സർക്കാർ, സ്വകാര്യ മേഖലയിൽ ജോലി ചെയ്യുന്ന യുഎഇയിലെ തൊഴിലാളികൾ ഒക്ടോബർ ഒന്നിനു മുന്നെ തൊഴിൽ നഷ്ട ഇൻഷൂറൻസ് എടുക്കണമെന്നാണ് നിയമം. 18 വയസിന് മുകളിലുള്ള എല്ലാ ജോലിക്കാർക്കും ഇതു നിർബന്ധമാണ്.
16,000 ദിർഹത്തിൽ കുറവ് ശമ്പളമുള്ളവർക്ക് മാസത്തിൽ 5 ദിർഹവും (112 രൂപ) യാണ് നൽകേണ്ടത്. തൊഴിലാളികളാണ് സ്കീമിൽ ചേരേണ്ടത്. കൂടുതൽ ശമ്പളം ഉള്ളവർക്ക് 10 ദിർഹവുമാണ് (224 രൂപ)യാണ് അടക്കേണ്ടത്. മാസത്തിൽ ഈ പണം അടക്കാം അല്ലെങ്കിൽ 3, 6, 9, 12 മാസം ആകുമ്പോൾ അടക്കാൻ സാധിക്കും. നിശ്ചിത തീയതി കഴിഞ്ഞ് 3 മാസം പിന്നിട്ടിട്ടും പ്രീമിയം അടയ്ക്കാത്തവരുടെ പോളിസി റദ്ദാകും. പിഴ 200 ദിർഹം.
തൊഴിൽ നഷ്ട ഇൻഷൂറൻസിൽ രജിസ്റ്റർ ചെയ്തവരുടെ എണ്ണം പുറത്തുവിട്ടു. 50 ലക്ഷം പേർ ആണ് ഇതിൽ രജിസ്റ്റർ ചെയ്തിരിക്കുന്നത്. തുടർച്ചയായി 12 മാസമെങ്കിലും ഇൻഷൂറൻസ് പദ്ധതിയിൽ അംഗമായവർക്കാണ് ഇതുമായി ബന്ധപ്പെട്ട ആനുകൂല്യം ലഭിക്കുന്നത്. ജോലി നഷ്ടപ്പെട്ട സ്വദേശികൾക്കും വിദേശികൾക്കും അടിസ്ഥാന ശമ്പളത്തിന്റെ 60% തുക ലഭിക്കും. 3 മാസത്തേക്ക് ആയിരിക്കും ആനുകൂല്യം ലഭിക്കുന്നത്. മൂന്ന് മാസത്തിനിടെ മറ്റൊരു ജോലിയിൽ പ്രവേശിച്ചാലും, രാജ്യം വിട്ടാവും ഈ അനുകൂല്യം ലഭിക്കില്ല. സ്വന്തം കാരണത്താലല്ലാതെ ജോലിയിൽ നിന്നും പിരിച്ചു വിട്ടവർക്കാണ് ഈ അനുകൂല്യം ലഭിക്കുന്നത്.
അച്ചടക്ക നടപടിയുടെ പേരിൽ പുറത്താക്കുകയോ, സ്വയം രാജിവെക്കുകയോ ചെയ്തവർക്ക് ഈ അനുകൂല്യം ലഭിക്കില്ല. നിക്ഷേപകർ, വീട്ടുജോലിക്കാർ, താൽക്കാലിക ജീവനക്കാർ, എന്നിവർക്ക് കമ്പനി ഇളവ് നൽകുന്നുണ്ട്. കൂടാതെ 18 വയസിന് താഴെയുള്ളവർ, വിരമിച്ച ശേഷം പുതിയ ജോലിയിൽ പ്രവേശിച്ചവർ എന്നിവർക്കും ഇളവ് ലഭിക്കും. www.iloe.ae എന്ന വെബ്സൈറ്റ് വഴിയാണ് ഇൻഷൂറൻസിൽ ചേരാൻ സാധിക്കുക.
