സൗദി: വ്യക്തികളുടെ സ്വകാര്യ വിവരങ്ങൾ കൈമാറുന്നതും പുറത്തുവിടുന്നതും ക്രിമിനൽ കുറ്റമാണെന്ന് സൗദി. വ്യക്തികളുടെ വിവരങ്ങൾ ദുരുപയോഗം ചെയ്യാൻ ശ്രമിക്കുന്നവർക്കെതിരെ ശക്തമായ നടപടി സ്വീകരിക്കുമെന്ന് അധികൃതർ അറിയിച്ചു. 2021 ൽ മന്ത്രിസഭ അംഗീകരിച്ച നിയമമായിരുന്നു ഇത്. എന്നാൽ വ്യാഴാഴ്ച മുതൽ നിയമം പ്രാബല്യത്തിൽ വന്നു. വിവിധ ആവശ്യങ്ങൾക്കായി ശേഖരിക്കുന്ന വ്യക്തി വിവരങ്ങൾ സ്വകാര്യമായി തന്നെ സൂക്ഷിക്കണം. വ്യക്തിവിരങ്ങൾ സ്വകാര്യവിവരങ്ങളാണ് ഒരിക്കലും അത് പുറത്തുവിടരുത്.
വിവിധ പരിപാടികൾ, സമ്മേളനങ്ങൾ, പാർട്ടികൾ എന്നിവയുമായി ബന്ധപ്പെട്ട് വ്യക്തികളുടെ ചിത്രങ്ങൾ, വീഡിയോ, എന്നിവയെല്ലാം പകർത്താറുണ്ട്. ഇവയെല്ലാം വ്യക്തികളെ ബാധിക്കുന്ന സ്വകാര്യവിവരങ്ങളാണ്. അതൊന്നും പുറത്തുവിടരുത്. ഇവ മറ്റുള്ളവർക്ക് കൈമാറുന്നതും പുറത്തുവിടുന്നതും ക്രിമിനൽ കുറ്റമായി കാണും. വ്യാപാര സ്ഥാപനങ്ങളിലും ആശുപത്രികളിലും വെച്ച് ശേഖരിക്കുന്ന വ്യക്തികളുടെ ഫോൺ നമ്പറുകൾ, ഫോട്ടോകൾ, സിസിടിവി ദൃശ്യങ്ങൾ എന്നിവയെല്ലാം സൂക്ഷിക്കണം. ഈ വിവരങ്ങൾ എല്ലാം മറ്റുള്ളവർക്ക് കെെമാറരുത്.
