ഷാര്‍ജ: കഴിഞ്ഞ ദിവസം ഷാര്‍ജയില്‍ മരിച്ച പ്രവാസി മലയാളി ഡോ. ഷെര്‍മിന്‍ ഹാഷിര്‍ അബ്ദുള്‍ കരീമിന്റെ (42) മൃതദേഹം ഇന്ന് നാട്ടില്‍ ഖബറടക്കും. വെള്ളിയാഴ്ച രാത്രിയാണ് മൃതദേഹം നാട്ടിലേക്ക് കൊണ്ടുപോയത്.
എറണാകുളം മൂവാറ്റുപുഴ സ്വദേശിയായ ഷെര്‍മിന്‍ ഷാര്‍ജ യൂണിവേഴ്‌സിറ്റിയില്‍ പീരിയോഡന്റിസ്റ്റായിരുന്നു. ദുബായ് റാഷിദ് ഹോസ്പിറ്റലിലെ ഓര്‍ത്തോപീഡിക് സര്‍ജന്‍ ഡോ. ഹാഷിര്‍ ഹസന്റെ ഭാര്യയാണ്. മക്കള്‍: അഫ്‌റീന്‍, സാറ, അമന്‍.
വര്‍ഷങ്ങളായി കുടുംബസമേതം യുഎയിലാണ് താമസം. ദുബായ് മുഹൈസീന മെഡിക്കല്‍ സെന്ററില്‍ എംബാം ചെയ്ത ശേഷം ഇന്നലെ രാത്രി 9.30നുള്ള വിമാനത്തിലാണ് നാട്ടിലേക്ക് കൊണ്ടുപോയ്ത്.
