56 റൺസെടുത്ത് സൂര്യകുമാർ യാദവ് മടങ്ങി. റിങ്കു സിംഗ് പുറത്താകാതെ 68 റൺസെടുത്തു പുറത്താകാതെ നിന്നു. 20 പന്തിൽ 29 റൺസെടുത്ത് തിലക് വർമ്മ വിലപ്പെട്ട സംഭാവനയാണ് നൽകിയത്. 17 റൺസെടുത്ത രവീന്ദ്ര ജഡേജയുടെ പ്രകടനവും അവസാന ഓവറുകളിൽ ഇന്ത്യയ്ക്ക് ഗുണം ചെയ്തു.
മറുപടി ബാറ്റിംഗിനിറങ്ങിയ ദക്ഷിണാഫ്രിക്ക തകർപ്പൻ അടികളോടെ ബാറ്റിംഗ് ആരംഭിച്ചു. ആദ്യ രണ്ട് ഓവറിൽ 38 റൺസ് പിറന്നു. മാത്യൂ ബ്രീട്‌സ്‌കെ 16 റൺസെടുത്ത് റൺഔട്ടായി. എങ്കിലും റീസ ഹെൻട്രിക്സും എയ്ഡാൻ മാക്രവും സ്കോർ ഉയർത്തി. ഇരുവരും പുറത്തായ ശേഷമാണ് ഇന്ത്യയ്ക്ക് ശ്വാസം നേരെ വീണത്. മാക്രം 30ഉം ഹെൻട്രിക്സ് 49ഉം റൺസെടുത്തു. പിന്നീട് ഇന്ത്യയ്ക്ക് വിക്കറ്റുകൾ വീഴ്ത്താൻ സാധിച്ചെങ്കിലും ആദ്യ ഓവറുകളിൽ റൺസ് വഴങ്ങിയത് തിരിച്ചടിയായി.
