യുഎഇ: കഴിഞ്ഞ ദിവസം ആണ് ‘യുവജന മന്ത്രിയെ തേടുന്നു’ എന്ന പരസ്യം യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം പുറത്തു വിട്ടത്. എക്സ് പ്ലാറ്റ്ഫോമിലൂടെയാണ് ഷെയ്ഖ് മുഹമ്മദ് അപേക്ഷ ക്ഷണിച്ചത്.
യുവജനങ്ങളെ പ്രതിനിധീകരിക്കുകയും പ്രശ്‌നങ്ങൾ മനസിലാക്കി പരിഹാരം കാണാൻ സാധിക്കുന്ന കഴിവുകൾ ഉള്ള യുവാവിനെയോ യുവതിയെയോയാണ് രാജ്യം തിരയുന്നത്. സത്യസന്ധരായ സ്വദേശികൾ കാബിനറ്റ് കാര്യ മന്ത്രാലയത്തിലേക്ക് ഇമെയിൽ (contactus@moca.gov.ae) വഴി അപേക്ഷിക്കാം. അപേക്ഷകൾ പരിഗണിച്ച് തെരഞ്ഞെടുക്കുന്നവർക്ക് യുഎഇയുടെ യുവജന മന്ത്രിയാകാൻ സാധിക്കും. അപേക്ഷകന് രാജ്യത്തെകുറിച്ച് ധാരണ ഉണ്ടായിരിക്കണം. രാജ്യത്തെ പ്രതിനിധീകരിക്കുന്നതിൽ അവർ ധീരത കാണിക്കണം. മാതൃരാജ്യത്തെ സേവിക്കാൻ തയ്യാറുള്ളവൻ ആയിരിക്കണം എന്നിങ്ങനെയാണ് നിബന്ധന.
അടുത്ത തലമുറയിലെ നേതാക്കളെ വളർത്തുന്നതിന് യുവജനങ്ങൾക്ക് വലിയ പങ്കുണ്ട്. അതുകാണ്ട് തന്നെ യുഎഇ ഗവൺമെന്റ് യുവാക്കൾക്ക് വലിയ മുൻഗണനയാണ് നൽകുന്നത്. അടുത്ത തലമുറയിലെ നേതാക്കളെ വളർത്തുന്നതിന് വേണ്ടിയാണ് ഇത്തരത്തിലൊരു തെരഞ്ഞെടുപ്പിലൂടെ യുവാക്കളിൽ നിന്ന് ഒരാളെ രാജ്യത്തിന്റെ യുവജന മന്ത്രിയെ തെരഞ്ഞെടുക്കുന്നത്. ലോകത്തിലെ ഏറ്റവും പ്രായം കുറഞ്ഞ മന്ത്രിയായി 2016ൽ ഷമ്മ ബിൻത് സുഹൈൽ ഫാരിസ് അൽ മസ്‌റൂയെ തെരഞ്ഞെടുത്തിരുന്നു. അന്ന് അദ്ദേഹത്തിന് 22 വയസായിരുന്നു. രാജ്യത്തുടനീളമുള്ള സർവകലാശാലകളിൽ നിന്നും നാമനിർദേശം ചെയ്തവരിൽ നിന്നാണ് അന്ന് യുവജനമന്ത്രിയെ യുഎഇ തെരഞ്ഞെടുത്ത്. എന്നാൽ ഇത്തവണ
വലിയ പ്രതികരമാണ് ലഭിച്ചത്. ഷെയ്ഖ് മുഹമ്മദ് പോസ്റ്റിട്ട് ഏഴു മണിക്കൂർ കഴിഞ്ഞപ്പോൾ ലഭിച്ചത് 4700 അപേക്ഷകൾ ആണ്.
