Connect with us

Sports

ഐപിഎല്ലിൽ തിളങ്ങിയാൽ സഞ്ജുവിന് ടി20 ലോകകപ്പ് കളിക്കാം; ബിസിസിഐയുടെ പദ്ധതികൾ ഇങ്ങനെ…

Published

on

2024 ൽ ഇന്ത്യൻ ക്രിക്കറ്റ് ടീമിന് മുന്നിലെ പ്രധാന ടൂർണമെന്റ് ടി20 ലോകകപ്പാ‌ണ്. ഈ വർഷം ജൂണിൽ വെസ്റ്റിൻഡീസിലും അമേരിക്കയിലുമായാണ് ടി20 ലോകകപ്പ് നടക്കുന്നത്‌. 2013 ന് ശേഷം ഒരു ഐസിസി കിരീടത്തിൽ മുത്തമിടാൻ കഴിഞ്ഞിട്ടില്ലാത്ത ടീം ഇന്ത്യ ഇക്കുറി ഏത് വിധേനയും കിരീടം നേടാനാകും ലക്ഷ്യമിടുന്നത്. അതുകൊണ്ടു തന്നെ ഏറ്റവും മികച്ച ടീമിനെത്തന്നെ ലോകകപ്പിൽ ഇന്ത്യ അണിനിരത്തും.

അതേ സമയം ടി20 ലോകകപ്പിന് മു‌ൻപ് ഇന്ത്യൻ ടീമിന് വെറും മൂന്ന് മത്സരങ്ങൾ മാത്രമാണ് ശേഷിക്കുന്നത്. ഈ മാസം അഫ്ഗാനിസ്ഥാനെതിരെയാണ് ഈ മത്സരങ്ങൾ. ഇത് കൊണ്ടു തന്നെ ലോകകപ്പ് ടീം സെലക്ഷൻ ഇന്ത്യയ്ക്ക് വലിയ തലവേദനയാകുമെന്നാണ് കരുതപ്പെടുന്നത്. അതിനിടെ ഇപ്പോളിതാ വരാനിരിക്കുന്ന ഐപിഎല്ലിലെ പ്രകടനം കൂടി പരിഗണിച്ചാവും ഇന്ത്യ ടി20 ലോകകപ്പിനുള്ള ഇന്ത്യൻ ടീമിനെ തെരഞ്ഞെടുക്കുകയെന്ന് റിപ്പോർട്ടുകൾ വന്നിരിക്കു‌ന്നു.

ടി20 ലോകകപ്പിന് മുൻപ് ഇന്ത്യയുടെ അവസാന ടി20 മത്സരം ജനുവരിയിലാ‌ണ്. പരിക്കും മറ്റും മൂലം പല പ്രധാന കളിക്കാരും ഈ മത്സരങ്ങളിൽ സെലക്ഷന് ലഭ്യമല്ല‌. ഈ സാഹചര്യത്തിലാണ് ഐപിഎല്ലിലെ പ്രകടനങ്ങൾ കൂടി പരിഗണിച്ച് ടി20 ലോകകപ്പ് ടീമിനെ തെരഞ്ഞെടുക്കാമെന്ന് ബിസിസിഐ തീരുമാനിച്ചതെന്നാണ് സൂചന. ഐപിഎൽ ആദ്യ മാസത്തെ പ്രകടനങ്ങളാവും ലോകകപ്പ് ടീം സെലക്ഷ‌നിൽ നിർണായകമാവുക.

നിലവിൽ മലയാളി വിക്കറ്റ് കീപ്പർ ബാറ്റർ സഞ്ജു സാംസൺ ഇന്ത്യയുടെ ടി20 ലോകകപ്പ് പദ്ധതികളിൽ ഇല്ല. എ‌ന്നാൽ വരാനിരിക്കുന്ന ഐപിഎല്ലിൽ രാജസ്ഥാൻ റോയൽസിനായി ഒരു അവിസ്മരണീയ പ്രകടനം കാഴ്ച വെച്ചാൽ സഞ്ജുവിന് ലോകകപ്പിൽ കളിക്കാൻ അവസരം ലഭിക്കും. അതുകൊണ്ടു തന്നെ പുറത്ത് വരുന്ന സൂചനകൾ സഞ്ജുവിന്റെ ആരാധകർക്ക് വലിയ ആവേശം സമ്മാനിക്കുന്നുണ്ട്.

“സൂര്യകുമാർ യാദവും, ഹാർദിക് പാണ്ഡ്യയും നിലവിൽ ഫിറ്റ് അല്ല. അഫ്ഗാനിസ്താനെതിരായ പരമ്പരയിൽ നിന്ന് നിങ്ങൾക്ക് കാര്യമായൊന്നും കിട്ടില്ല‌. എല്ലാം (ടി20 ലോകപ്പുമായി ബന്ധപ്പെട്ട്) തീരുമാനിക്കുക ഐപിഎല്ലിലെ ആദ്യ മാസത്തെ പ്രകടനങ്ങളുടെ അടിസ്ഥാനത്തിലാകും.” ബിസിസിഐയിലെ ഒരു മുതിർന്ന ഒഫീഷ്യൽ പറഞ്ഞു.

അതേ സമയം കഴിഞ്ഞ ടി20 ലോകകപ്പിന് ശേഷം അന്താരാഷ്ട്ര തലത്തിൽ ടി20 മത്സരങ്ങളൊന്നും കളിച്ചിട്ടില്ലാത്ത സീനിയർ താരങ്ങളായ രോഹിത് ശർമ, വിരാട് കോഹ്ലി എന്നിവരും ടി20 ലോകകപ്പ് പദ്ധതികളിലുണ്ടെന്നാണ് വിവരം. എന്നാൽ ടീമിലേക്ക് തിരിച്ചെത്തുകയാണെങ്കിൽ രോഹിതിന് നായക സ്ഥാനം തിരികെ ‌ലഭിക്കുമോയെന്ന് കണ്ടറിയണം.

Continue Reading
Click to comment

Leave a Reply

Your email address will not be published. Required fields are marked *

Sports

17 താരങ്ങൾക്ക് 60 റൂമുകൾ; പാക് ടീമിനെതിരെ വിമർശനം

Published

on

By

ഇസ്ലാമബാദ്: ട്വന്റി 20 ലോകകപ്പിലെ മോശം പ്രകടനത്തിൽ പാകിസ്താൻ ടീമിനെതിരായ വിമർശനം ശക്തമാകുകയാണ്. പാകിസ്താൻ മുൻ വിക്കറ്റ് കീപ്പർ അതിഖ്-ഉസ്-സമാൻ ഇപ്പോഴത്തെ താരങ്ങളുടെ ആഡംബരം ചോദ്യം ചെയ്ത് രംഗത്തെത്തിയിരിക്കുകയാണ്. സമൂഹമാധ്യമങ്ങളിൽ പോസ്റ്റ് ചെയ്ത വീഡിയോയിൽ അതിഖ് ​ഗുരുതര വിമർശനങ്ങൾ ഉയർത്തി.

താൻ ക്രിക്കറ്റ് കളിച്ച കാലത്ത് ടീമിനൊപ്പം ഒരു പരിശീലകനും മാനേജരുമുണ്ടായിരുന്നു. ടീമിലെ കാര്യങ്ങൾ മുന്നോട്ടുപോകുന്നത് അവരുടെ തീരുമാന പ്രകാരമാണ്. എന്നാൽ ഇപ്പോൾ നടക്കുന്നതെന്താണ്. 17 താരങ്ങളും 17 മറ്റ് സ്റ്റാഫുകളും ഇത്തവണ അമേരിക്കയിൽ പോയിരുന്നു. ഇവർക്കായി ബുക്ക് ചെയ്തത് 60 റൂമുകളാണ്. നിങ്ങൾ അമേരിക്കയിലേക്ക് പോയത് ക്രിക്കറ്റ് കളിക്കാനാണോ അതോ അവധിക്കാലം ആസ്വദിക്കാനാണോയെന്നും അതിഖ് ചോദിച്ചു.

ഇത്തരം വലിയൊരു ടൂർണമെന്റിൽ താരങ്ങളുടെ കുടുംബത്തെയും കൂടെ അനുവദിച്ചത് എന്തിനാണ്? ഇത്തരമൊരു സംസ്കാരം പാകിസ്താൻ ക്രിക്കറ്റിൽ ഉണ്ടായിരിക്കുന്നു. ഭഷണം കഴിക്കാനും ഉല്ലാസയാത്രകൾക്കുമാണ് അവർ സമയം ചിലവഴിച്ചത്. ആർക്കും അച്ചടക്കം എന്തെന്ന് അറിയില്ല. രണ്ടാഴ്ച ക്രിക്കറ്റിൽ മാത്രം ശ്രദ്ധിക്കാൻ ആർക്കും കഴിയുന്നില്ല. എന്നിട്ടും ഓരോ വർഷവും കോടികൾ താരങ്ങൾ പ്രതിഫലമായി വാങ്ങുന്നുവെന്നും അതിഖ് കുറ്റപ്പെടുത്തി.

Continue Reading

Sports

പോർച്ചു​ഗലിന്റെ ‘യുവപ്രതിഭ’; താരത്തിന് അഭിനന്ദനം

Published

on

By

ലെപ്സിഗ്: യൂറോ കപ്പിൽ പോർച്ചു​ഗൽ ആദ്യ മത്സരം വിജയിച്ചു. സൂപ്പർ താരം ക്രിസ്റ്റ്യാനോ റൊണാൾഡോയുടെ പിന്നാലെയായിരുന്നു ക്യാമറാക്കണ്ണുകൾ. അയാൾ ഫ്രാൻസിസ്കോ കോൺസെയ്സോയെ അഭിനന്ദിക്കുന്ന തിരക്കിലായിരുന്നു. ഇ‍ഞ്ചുറി ടൈമിൽ ഫ്രാൻസിസ്കോയുടെ ​ഗോളിലാണ് പറങ്കിപ്പട വിജയത്തിലേക്ക് എത്തിയത്. 21കാരനായ ആ യുവതാരത്തിന് പോർച്ചു​ഗൽ ഫുട്ബോളിൽ മറ്റൊരു വലിയ ബന്ധംകൂടിയുണ്ട്. പോർച്ചു​ഗൽ മുൻ താരം സെർജിയോ കോൺസെയ്സോയുടെ മകനാണ് ഫ്രാൻസിസ്കോ.

മത്സരത്തിൽ പകരക്കാരനായി ഇറങ്ങിയ ഫ്രാൻസിസ്കോ ഏഴ് മിനിറ്റ് മാത്രമാണ് കളത്തിലുണ്ടായിരുന്നത്. രണ്ട് തവണ മാത്രമാണ് അയാൾ പന്ത് ടച്ച് ചെയ്തത്. ആദ്യ ഷോട്ട് വലയിലെത്തിച്ചു. മത്സരത്തിൽ പോർച്ചു​ഗലിന്റെ ആക്രമണങ്ങളെ ചെക്ക് റിപ്പബ്ലിക്ക് ഫലപ്രദമായി തടഞ്ഞിരുന്നു. എന്നാൽ ഫ്രാൻസിസ്കോ കളത്തിലിറങ്ങിയതോടെ മത്സരം പോർച്ചു​ഗൽ സ്വന്തമാക്കി.

മത്സരത്തിലെ വിജയശില്പിയെ അഭിനന്ദിക്കാൻ റോബർട്ടോ മാർട്ടിനെസും മറന്നില്ല. യുവപ്രതിഭ എന്നാണ് താരത്തെ പോർച്ചുഗീസ് പരിശീലകൻ വിശേഷിപ്പിച്ചത്. ടീമിനെ സഹായിക്കാൻ താൻ തയ്യാറെന്ന് ഫ്രാൻസിസ്കോ തെളിയിച്ചു. അയാൾ പക്വതയാർന്ന ഒരു താരമാണ്. ഏതാനും മാസങ്ങളായി ക്ലബിനും ടീമിനുമായി അയാൾ കഷ്ടപ്പെടുകയായിരുന്നുവെന്നും മാർട്ടിനെസ് വ്യക്തമാക്കി.

Continue Reading

Sports

സ്വയം തെളിയിച്ച് ‘ടർക്കിഷ് മെസ്സി’; യൂറോ കടുപ്പമാക്കിയ യുവതാരം

Published

on

By

യൂറോ കപ്പിലെ ഏറ്റവും ആവേശം ഉണർത്തിയ മത്സരം. തുർക്കിക്ക് എതിരാളികൾ ജോർജിയ. ഇതാദ്യമായി ജോർജിയ യൂറോപ്യൻ ചാമ്പ്യൻഷിപ്പിനെത്തി. ആദ്യ മിനിറ്റുകൾ തുർക്കിയുടെ ആധിപത്യം. 25-ാം മിനിറ്റിൽ മെർട്ട് മൾഡർ വലകുലുക്കി. അതോടെ ജോർജിയ ഉണർന്നു. ഏഴ് മിനിറ്റിൽ തിരിച്ചടിച്ചു. യുറോ കപ്പ് ചരിത്രത്തിലെ ജോർജിയയുടെ ആദ്യ ​ഗോൾ. പിന്നെ കണ്ടത് ഇരുടീമുകളുടെയും ഇഞ്ചോടിഞ്ച് പോരാട്ടം. 96-ാം മിനിറ്റിൽ ജോർജിയയുടെ തോൽവി ഉറപ്പിച്ച മൂന്നാം ​ഗോൾ പിറന്നു. അതുവരെ മത്സരം കണ്ടിരുന്നവർ ശ്വാസം അടക്കിപിടിച്ചിരുന്നു. ജോർജിയയുടെ പോരാട്ടം ഫുട്ബോൾ ലോകത്തിന്റെ ഹൃദയം കീഴടക്കി. തുർക്കിക്ക് ആത്മവിശ്വാസം നൽകിയ വിജയം. അതിൽ നിർണായകമായത് ഒരു യുവതാരത്തിന്റെ ​ഗോളാണ്. 65-ാം മിനിറ്റിൽ വലകുലക്കുമ്പോൾ റെക്കോർഡ് ബുക്കുകൾ തിരുത്തപ്പെട്ടു.

യൂറോ കപ്പിലെ അരങ്ങേറ്റ മത്സരത്തിൽ ​ഗോൾ നേടുന്ന പ്രായം കുറഞ്ഞ താരം. തുർക്കിയുടെ യുവ അറ്റാക്കിങ് മിഡ്ഫീൽഡർ ആർദ ഗുലെർ. കാൻ അഹ്യാൻ നൽകിയ പാസ്. പന്തുമായി ജോർജിയൻ പോസ്റ്റിലേക്ക് ​ഗുലെർ നീങ്ങി. 25 വാര അകലെ നിന്ന് ഇടം കാൽ ഷോട്ട്. പ്രതിരോധ കോട്ടകൾ തകർത്തെറിഞ്ഞ് വലയിലേക്ക്. 19 വർഷവും 114 ദിവസവും മാത്രം പ്രായം. ടർക്കിഷ് മെസ്സിയെന്ന് അറിയപ്പെടുന്ന റയൽ മാഡ്രിഡുകാരൻ. പോർച്ചു​ഗീസ് ഇതിഹാസം ക്രിസ്റ്റ്യാനോ റൊണാൾഡോയുടെ 20 വർഷം മുമ്പ് കുറിച്ച റെക്കോർഡ് തകർക്കപ്പെട്ടു. 1964ൽ യൂറോ അരങ്ങേറ്റത്തിൽ ​ഗോൾ നേടിയ ഹംഗറിയുടെ ഫെറെങ്ക് ബെനെ ഇനി റെക്കോർഡ് ബുക്കിൽ മൂന്നാമൻ.

കഴിഞ്ഞ ജൂലൈയിൽ ആർദ ​ഗുലെർ റയലിലെത്തി. പക്ഷേ പരിക്ക് വില്ലനായി. കളിക്കാൻ കഴിഞ്ഞത് അഞ്ച് മത്സരങ്ങൾ. അതിൽ നേടിയത് അഞ്ച് ​ഗോളുകൾ. റയൽ ആദ്യം ലാ ലീ​ഗ സ്വന്തമാക്കി. പിന്നെ ചാമ്പ്യൻസ് ലീ​ഗും. ആദ്യമായി ഒരു തുർക്കി താരം ചാമ്പ്യൻസ് ലീ​ഗിൽ മുത്തമിട്ടു. ഇപ്പോഴിതാ ലോകഫുട്ബോൾ മനസിലാക്കുന്നു, തുർക്കിയിൽ നിന്നും ഒരു യുവതാരം ഉയരുന്നുണ്ട്. എംബാപ്പെ പറഞ്ഞതുപോലെ യൂറോകപ്പ് ബുദ്ധിമുട്ട് തന്നെയാണ്. അതിന് കാരണം ​ഗുലെറെപ്പോലെയുള്ള യുവപ്രതിഭകൾ തന്നെ.

Continue Reading

Facebook

Trending

Copyright © 2021 Gulf GTV.