Tech
108MP ക്യാമറയുമായി Poco X5 Pro 5G ഇന്ത്യൻ വിപണിയിലെത്തി
പോക്കോ എക്സ്5 പ്രോ 5ജി (Poco X5 Pro 5G) സ്മാർട്ട്ഫോൺ ഇന്ത്യൻ വിപണിയിൽ അവതരിപ്പിച്ചു. കമ്പനിയുടെ ഈ പുതിയ മിഡ് റേഞ്ച് സ്മാർട്ട്ഫോൺ ഒക്ടാ-കോർ ക്വാൽകോം സ്‌നാപ്ഡ്രാഗൺ 778ജി എസ്ഒസിയുടെ കരുത്തിലാണ് പ്രവർത്തിക്കുന്നത്. ഡ്യുവൽ സിം സപ്പോർട്ടുള്ള ഫോണിൽ 6.67-ഇഞ്ച് ഫുൾ HD+ എക്സ്ഫിനിറ്റി AMOLED ഡിസ്‌പ്ലേയുണ്ട്.
പോക്കോ എക്സ്5 പ്രോ 5ജി
108 മെഗാപിക്സൽ ട്രിപ്പിൾ റിയർ ക്യാമറ സെറ്റപ്പുമായി വരുന്ന പോക്കോ എക്സ്5 പ്രോ 5ജിയുടെ വില ആരംഭിക്കുന്നത് 22999 രൂപ മുതലാണ്. രണ്ട് വേരിയന്റുകളിലാണ് ഈ ഡിവൈസ് അവതരിപ്പിച്ചിരിക്കന്നത്. പോക്കോ എക്സ്5 പ്രോ 5ജി സ്മാർട്ട്ഫോണിന്റെ വിലയും സവിശേഷതകളും വിശദമായി നോക്കാം.
വില, ലഭ്യത
പോക്കോ എക്സ്5 പ്രോ 5ജി സ്മാർട്ട്ഫോണിന്റെ 6 ജിബി റാമും 128 ജിബി സ്റ്റോറേജുമുള്ള ബേസ് വേരിയന്റിന് ഇന്ത്യയിൽ 22,999 രൂപയാണ് വില. 8 ജിബി റാമും 256 ജിബി സ്റ്റോറേജുമുള്ള മോഡലിന് 24,999 രൂപ വിലയുണ്ട്. ആസ്ട്രൽ ബ്ലാക്ക്, ഹൊറൈസൺ ബ്ലൂ, യെല്ലോ എന്നീ നിറങ്ങളിൽ ഈ ഡിവൈസ് ലഭ്യമാകും. ഫോണിന്റെ വിൽപ്പന ഫ്ലിപ്പ്കാർട്ട് വഴിയാണ് നടക്കുന്നത്. ഐസിഐസിഐ ബാങ്ക് കാർഡ് ഉപയോഗിച്ച് ഫോൺ വാങ്ങിയാൽ 2,000 രൂപ ഇൻസ്റ്റന്റ് ഡിസ്കൌണ്ട് ലഭിക്കും.
ഡിസ്പ്ലെ
പ്രോസസർ
ക്വാൽകോം സ്‌നാപ്ഡ്രാഗൺ 778G എസ്ഒസിയുടെ കരുത്തിലാണ് പോക്കോ എക്സ്5 പ്രോ 5ജി സ്മാർട്ട്ഫോൺ പ്രവർത്തിക്കുന്നത്. ഇതിനൊപ്പം അഡ്രീനോ 642L ജിപിയുവും 8 ജിബി വരെ LPDDR4x റാമും 256 ജിബി വരെ UFS 2.2 ഓൺബോർഡ് സ്റ്റോറേജും ഫോണിലുണ്ട്. ആൻഡ്രോയിഡ് 12 ബേസ്ഡ് എംഐയുഐ 14ലാണ് ഫോൺ പ്രവർത്തിക്കുന്നത്. 2 വർഷത്തെ ആൻഡ്രോയിഡ് ഒഎസ് അപ്‌ഡേറ്റുകളും 3 വർഷത്തെ സുരക്ഷാ പാച്ചുകളും പോക്കോ നൽകുന്നു.
ക്യാമറ
മൂന്ന് പിൻ ക്യാമറകളുമായിട്ടാണ് പോക്കോ എക്സ്5 പ്രോ 5ജി വരുന്നത്. 108 മെഗാപിക്സൽ ISOCELL HM2 പ്രൈമറി സെൻസറിനൊപ്പം 8 മെഗാപിക്സൽ അൾട്രാ വൈഡ് ആംഗിൾ ലെൻസും 2 മെഗാപിക്സൽ മാക്രോ ഷൂട്ടറും ഈ ഫോണിലുണ്ട്. 30fps വേഗതയിൽ 4K വീഡിയോകൾ റെക്കോർഡ് ചെയ്യാൻ കഴിയുന്ന ക്യാമറ സെറ്റപ്പാണിത്. 16 മെഗാപിക്സൽ സെൽഫി ക്യാമറയും ഈ പോക്കോ ഫോണിലുണ്ട്.
ബാറ്ററി
67W ഫാസ്റ്റ് ചാർജിങ് സപ്പോർട്ടും 5W വയേഡ് റിവേഴ്സ് ചാർജിങ് സപ്പോർട്ടുമുള്ള 5,000mAh ബാറ്ററിയാണ് പോക്കോ എക്സ്5 പ്രോ 5ജിയിലുള്ളത്. ഈ ഡിവൈസിന് ഏകദേശം 181 ഗ്രാം ഭാരമാണുള്ളത്. പൊടി, വെള്ളം എന്നിവയെ പ്രതിരോധിക്കാൻ IP53 റേറ്റിങ്ങുമായിട്ടാണ് ഈ ഫോൺ വരുന്നത്. യുഎസ്ബി ടൈപ്പ്-സി പോർട്ടും 3.5 എംഎം ഹെഡ്‌ഫോൺ ജാക്കും ഫോണിലുണ്ട്.
കണക്റ്റിവിറ്റി
ഡ്യുവൽ-ബാൻഡ് വൈ-ഫൈ, ബ്ലൂടൂത്ത് 5.1 എന്നീ വയർലെസ് കണക്റ്റിവിറ്റി ഓപ്ഷനുകളാണ് പോക്കോ എക്സ്5 പ്രോ 5ജിയിലുള്ളത്. 12-ലെയറുള്ള ഗ്രാഫൈറ്റ് ഹീറ്റ് ഡിസ്‌സിപ്പേഷൻ സിസ്റ്റവും ഒരു എക്സ്-ആക്സിസ് ലീനിയർ മോട്ടോറുമായിട്ടാണ് ഈ ഡിവൈസ് വരുന്നത്. അതുകൊണ്ട് തന്നെ ഫോൺ ചൂടാകുമെന്ന പേടിയും വേണ്ട.