അബുദാബി: സ്വദേശികളും വിദേശികളും ഉള്‍പ്പെടെ 13,000 വിദ്യാര്‍ഥികള്‍ പഠിക്കുന്ന യുഎഇയിലെ മുന്‍നിര സര്‍വകലാശാലയായ യുനൈറ്റഡ് അറബ് എമിറേറ്റ്‌സ് യൂണിവേഴ്‌സിറ്റി (യുഎഇയു)യില്‍ വിവിധ അധ്യാപക തസ്തികകളിലേക്ക് അപേക്ഷ ക്ഷണിച്ചു. ഏഴ് വിഷയങ്ങളിലാണ് പ്രൊഫസര്‍മാരെ തേടുന്നത്.
വിവിധ വിഷയങ്ങളില്‍ അപേക്ഷ സ്വീകരിക്കുന്ന അവസാന തീയതികള്‍ വ്യത്യസ്തമാണ്. 2023 സെപ്റ്റംബര്‍ 30 ശനിയാഴ്ച അവസാനിക്കുന്നതും 2023 നവംബര്‍ 10 വെള്ളിയാഴ്ച അവസാനിക്കുന്നതും ആവശ്യക്കാരെ ലഭിക്കുന്നതു വരെ അപേക്ഷ സ്വീകരിക്കുന്നതുമായ തസ്തികകളുണ്ട്. വിശദവിവരങ്ങള്‍ ചുവടെ ചേര്‍ത്തിട്ടുണ്ട്. https://jobs.uaeu.ac.ae/ എന്ന വെബ്‌സൈറ്റ് സന്ദര്‍ശിച്ച് അപേക്ഷ സമര്‍പ്പിക്കാവുന്നതാണ്.
രാജ്യത്തെ ആദ്യത്തേതും പ്രധാനവുമായ സമഗ്ര ദേശീയ സര്‍വ്വകലാശാലയാണ് യുഎഇയു. 1976ലാണ് സ്ഥാപിതമായത്. ഒമ്പത് പ്രമുഖ കോളേജുകളിലൂടെ ഉയര്‍ന്ന നിലവാരമുള്ള എല്ലാവിധ ബിരുദ, ബിരുദാനന്തര പ്രോഗ്രാമുകളും പഠിപ്പിക്കുന്നുണ്ട്. ബിസിനസ്, ഇക്കണോമിക്‌സ്, എഞ്ചിനീയറിങ്, അഗ്രികള്‍ച്ചര്‍ & വെറ്ററിനറി മെഡിസിന്‍, ഹ്യുമാനിറ്റീസ് ആന്‍ഡ് സോഷ്യല്‍ സയന്‍സസ്, ഐടി, നിയമം, മെഡിസിന്‍ ആന്‍ഡ് ഹെല്‍ത്ത് സയന്‍സസ് തുടങ്ങി നിരവധി കോഴ്‌സുകള്‍ ഇവിടെയുണ്ട്.
വിവിധ രാജ്യങ്ങളില്‍ നിന്നുള്ള പ്രഗല്‍ഭരായ അധ്യാപകര്‍, അത്യാധുനിക കാമ്പസ് എന്നിവയും സര്‍വകലാശാലയുടെ പ്രത്യേകതകളാണ്.
ഒഴിവുള്ള തസ്തികകളും അപേക്ഷിക്കേണ്ട അവസാന തീയതിയും:
1.അസിസ്റ്റന്റ് പ്രൊഫസര്‍
ഒബ്സ്റ്റട്രിക്‌സ് ആന്റ് ഗൈനക്കോളജി
അവസാന തീയതി: 2023 ഒക്ടോബര്‍ 23 തിങ്കളാഴ്ച
2.അസിസ്റ്റന്റ്/അസോസിയേറ്റ് പ്രൊഫസര്‍
കോഗ്‌നിറ്റീവ് സയന്‍സസ്
അവസാന തീയതി: 2023 ഒക്ടോബര്‍ 3 ചൊവ്വാഴ്ച
3.അസിസ്റ്റന്റ്/അസോസിയേറ്റ് പ്രൊഫസര്‍
കോഗ്‌നിറ്റീവ് സയന്‍സസ്
അവസാന തീയതി: 2023 സെപ്റ്റംബര്‍ 30 ശനിയാഴ്ച
4.അസിസ്റ്റന്റ് പ്രൊഫസര്‍
ഫാമിലി മെഡിസിന്‍
അവസാന തീയതി: 2023 ഒക്ടോബര്‍ 7 ശനിയാഴ്ച
5.അസിസ്റ്റന്റ് പ്രൊഫസര്‍
ക്ലിനിക്കല്‍ സൈക്കോളജി
അവസാന തീയതി: 2023 ഒക്ടോബര്‍ 8 ഞായറാഴ്ച
6.അസിസ്റ്റന്റ് പ്രൊഫസര്‍
ഭൗതികശാസ്ത്രം
അവസാന തീയതി: ഉദ്യോഗാര്‍ത്ഥികളെ ലഭിക്കുന്നതുവരെ
7. അസിസ്റ്റന്റ് പ്രൊഫസര്‍ ഇന്‍ സെന്‍സറി സയന്‍സ് ആന്റ് ഫുഡ് പ്രൊഡക്ട് ഡെവലപ്‌മെന്റ്.
അവസാന തീയതി: 2023 നവംബര്‍ 10 വെള്ളിയാഴ്ച.
