മസ്കറ്റ്: ഒമാനിൽ ടാക്സി ഓടിക്കുന്നവർക്കുള്ള നിയമങ്ങളിൽ ചെറിയ ചില പരിഷ്കാരങ്ങളുമായി അധികൃതർ രംഗത്തെത്തിയിരിക്കുന്നു. ടാക്സി വാഹനങ്ങൾ ഓടിക്കുന്നവർക്കാണ് പുതിയ മാർഗ നിർദേശവുമായി ഗതാഗത, വാർത്തവിനിമയ, ഇൻഫർമേഷൻ ടെക്നോളജി മന്ത്രാലയം എത്തിയിരിക്കുന്നത്. 2016ൽ ഒരു രാജകീയ ഉത്തരവ് പുറത്തിറക്കിയിരുന്നു. ഇതിന്റെ അടിസ്ഥാനത്തിലാണ് പുതിയ മാർഗ നിർദേശങ്ങൾ പുറപ്പെടുവിച്ചിരിക്കുന്നത്.
ഒമാൻ പുറത്തിറക്കിയ രാജകീയ ഉത്തരവിന്റെ അടിസ്ഥാനത്തിൽ ഡ്രൈവിങ് ലൈസൻസ് കിട്ടി മൂന്ന് വർഷം പൂർത്തിയായ ശേഷം മാത്രമേ ടാക്സി ഓടിക്കാൻ സാധിക്കുകയുള്ളു. 600 റിയാലിൽ താഴെ മാസം വരുമാനമുള്ളവർക്ക് മാത്രമേ പാർട്ട് ടൈമായി ടാക്സി ഓടിക്കാൻ സാധിക്കുകയുള്ളു. ടാക്സി ഓടിക്കുന്നതിനുള്ള കുറഞ്ഞ പ്രായം 21 വയസാണ്. ടാക്സി ഓടിക്കുന്നതിനുള്ള കൂടിയ പ്രായം 60 വയസാണ് . എന്നാൽ 60 വയസിന് ശേഷവും വാഹനം ഓടിക്കൻ സാധിക്കും. ഏതെങ്കിലും മെഡിക്കൽ സ്ഥാപനങ്ങളിൽനിന്ന് ടാക്സി ഓടിക്കാൻ സാധിക്കും എന്ന തരത്തിലുള്ള ഒരു മെഡിക്കൽ സർട്ടിഫിക്കറ്റ് ഹാജരാക്കുന്നവർക്ക് മാത്രമേ 60 വയസിന് ശേഷവും ഒരു വർഷം കൂടി അധികമായി ടാക്സി ഓടിക്കാൻ സാധിക്കും.
വിമാനത്താവളം, തുറമുഖം, ഹോട്ടലുകൾ എന്നിവിടങ്ങളിൽ ടാക്സി സർവീസുകൾ നടത്തുന്ന വാഹനങ്ങൾക്ക് ഏഴ് വർഷത്തേക്കാൾ പഴക്കം പാടില്ല. പൊതു സ്ഥലങ്ങളിലും വാണിജ്യ കേന്ദ്രങ്ങളിലും സർവീസ് നടത്തുന്ന ടാക്സികൾക്ക് പത്ത് വർഷത്തിൽ പഴക്കം കൂടാനും പാടില്ല. ഒമാനിൽ ടാക്സി ഓടിക്കുന്ന എല്ലാവരും അധികൃതർ നൽകിയിരിക്കുന്ന നിർദശങ്ങൾ കർശനമായി പാലിക്കണം എന്നാണ് നൽകിയിരിക്കുന്ന മുന്നറിയിപ്പ്.
പൊതു ഗതാഗതം ശക്തമാക്കുന്നതിന്റെ ഭാഗമായി വിമാനത്താവളത്തിൽ സർവിസ് നടത്തുന്ന ടാക്സികൾക്ക് ആപ്പുകൾ നടപ്പാക്കിയിരുന്നു. ഇത് ഒന്നാം ഘട്ടമായാണ് നൽകിയത്. അടുത്ത ഘട്ടത്തിൽ ടൂറിസ്റ്റ് കോംപ്ലക്സുകളിലും ഹോട്ടലുകളിലും തുറമുഖങ്ങളിലും കൊമേഴ്സ്യൽ സെന്‍ററുകളിലും ടാക്സി സർവീസ് നടത്തുന്നവർക്ക് വേണ്ടി ആപ്പ് പുറത്തിറക്കും. പിന്നീട് എല്ലാ വെള്ള, ഓറഞ്ച് ടാക്സികളെയും ആപ്പിൽ ഉൾപ്പെടുത്തുമെന്നാണ് അധികൃതർ അറിയിച്ചിരിക്കുന്നത്. ഇപ്പോൾ ആബർ എന്ന മൊബൈൽ മീറ്റർ വഴിയാണ് ടാക്സികൾ സർവീസ് നടത്തുന്നത്.
21 വയസിൽ താഴെ പ്രായമുള്ളവർ ടാക്സി ഓടിക്കരുത്.
ഇത് വലിയ അപകടങ്ങൾ ഉണ്ടാക്കാൻ കാരണമാകും. ഡ്രൈവിങ് ലൈസൻസ് എടുത്ത ശേഷം മൂന്ന് വർഷത്തിനുശേഷം മാത്രമേ ടാക്സികൾ ഓടിക്കാൻ സാധിക്കുകയുള്ളു എന്ന് നിയമവും ശക്തമാണ്. വരും വർഷങ്ങളിൽ ഒമാനില ടാക്സികൾ എല്ലാം ആപ്പിന്റെ കീഴിൽ വരും. ഇങ്ങനെ വരുന്നത് പ്രവാസികൾക്കായിരിക്കും ഗുണം ചെയ്യുക. ടാക്സി നിരക്കുകൾക്ക് ഏകീകൃത രൂപം ഇതിലൂടെ വരും. നിലവിൽ ഒമാനിൽ വിദേശികൾക്ക് ടാകിസ് ഓടിക്കാൻ സാധിക്കില്ല. ആപ്പിന്റെ കീഴിൽ അല്ലാത്തതിനാൽ പലരും തോന്നിയ നിരക്കുകൾ ആണ് ഈടാക്കുന്നത്. നിരക്ക് വിഷയവുമായി ബന്ധപ്പെട്ട് സംഭവിക്കുന്ന തർക്കങ്ങൾ എല്ലാം വലിയ രീതിയിൽ പരിഹാരം ആകും.
