1950 മുതല്‍ ന്യൂസിലന്‍ഡ് ക്രിക്കറ്റ് കൂടുതല്‍ ടീമുകള്‍ക്കെതിരെ മത്സരിക്കാന്‍ തുടങ്ങി. 1973ല്‍ റിച്ചാര്‍ഡ് ഹാര്‍ഡ്‌ലി ന്യൂസിലന്‍ഡ് ടീമില്‍ അരങ്ങേറി. ന്യൂസിലന്‍ഡ് ക്രിക്കറ്റിന്റെ തലവര മാറുന്നതായിരുന്നു ഹാഡ്‌ലിയുടെ അരങ്ങേറ്റം. ദുര്‍ബലമായിരുന്ന കിവിസ് ബൗളിങ് നിരയിലേക്കാണ് ഹാഡ്‌ലി എത്തിയത്. 1980കളോടെ ലോകത്തെ ഏറ്റവും മികച്ച ടീമായി ന്യൂസിലന്‍ഡ് മാറി. മാര്‍ട്ടിന്‍ ക്രോ, ജെഫ് ക്രോ, ജോണ്‍ റൈറ്റ്, ബ്രൂസ് എഡ്ഗര്‍, ആന്‍ഡ്രു ജോണ്‍സ്, ഇയാന്‍ സ്മിത്ത്, ജോണ്‍ ബ്രേയ്‌സ് വെല്‍ എന്നിവര്‍ കിവിസ് നിരയില്‍ കളിച്ചത് ഇക്കാലത്താണ്.
