ഷാർജ: ഷാർജ പള്ളികളിലെ പ്രവർത്തനങ്ങൾക്ക് പുതിയ നിയന്ത്രണം വരുന്നു. മതപരമായ പൊതുപരിപാടികൾക്കാണ് പുതിയ നിയന്ത്രണം ഇറക്കിയിരിക്കുന്നത്. ഷാർജ എക്സിക്യൂട്ടീവ് കൗൺസിലാണ് ഇതുമായി ബന്ധപ്പെട്ട നിയന്ത്രണം പുറത്തിറക്കിയിരിക്കുന്നത്. മുസ്‌ലിം പള്ളികളിലെ പ്രവർത്തനങ്ങൾക്കാണ് പുതിയ നിയന്ത്രണം.
പള്ളികൾക്കുള്ളിൽ നിരോധിച്ചതും നിയന്ത്രിച്ചതുമായ പരിപാടികൾ പൂർണ്ണമായും തടയും. മതപരമായ പരിപാടികൾക്ക് അനുമതി എടുക്കുന്നതിനുള്ള ചട്ടങ്ങളിൽ വലിയ തരത്തിലുള്ള മാറ്റം ആണ് വരുത്തിയിരിക്കുന്നത്. ഖുർആൻ, ഇസ്‌ലാമിക പ്രസിദ്ധീകരണങ്ങൾ എന്നിവ അച്ചടിക്കുന്നതിൽ മുൻകൂർ അനുമതി സംബന്ധിച്ചും നിയന്ത്രണങ്ങൾ വിന്നിട്ടുണ്ട്. പള്ളി നിർമാണം, അറ്റകുറ്റപണി എന്നിവക്ക് മുൻകൂർ അനുമതി നൽകണം.
നിയമ ലംഘനങ്ങൾക്കുള്ള പിഴയീടാക്കൽ, ഭരണപരമായ നടപടികൾ, മുസല്ലകളുടെ സംഘാടനം എന്നിവക്കെല്ലാം പുതിയ മാനദണ്ഡങ്ങൾ നിലവിൽ വന്നു. ഷാർജ ഉപഭരണാധികാരി ഷെയ്ഖ് അബ്ദുല്ല ബിൻ സലേം ബിൻ സുൽത്താൻ അൽ ഖാസിമിയുടെ അധ്യക്ഷതയിലാണ് യോഗം ചേർന്നത്. അതിന് ശേഷം ആണ് പുതിയ നിബന്ധന നിലവിൽ വന്നത്.
