റിയാദ് ∙ പിഎസ്ജിയോട് ഏറ്റുമുട്ടുന്ന അൽനസ്ർ-അൽഹിലാൽ സംയുക്ത ടീമിലെ കളിക്കാരെ പ്രഖ്യാപിച്ചു. ക്രിസ്റ്റ്യാനോ റൊണാൾഡോ നയിക്കുന്ന സംയുക്ത ടീമിലെ കളിക്കാരുടെ പേരുകൾ ടീം മാനേജർ ഖാലിദ് അൽഷാനിഫാണ് പുറത്തുവിട്ടത്. 22 പേരാണ് സംയുക്ത ടീമിലുള്ളത്. മുഹമ്മദ് അൽഉവൈസ്, അമീൻ ബുഖാരി (ഗോൾകീപ്പർമാർ) അബ്ദുല്ല അൽഅംറി, അലി ലഗാമി, സൗദ് അബ്ദുൽ ഹമീദ്, ജാങ് ഹ്യൂൻ സൂ, അബ്ദുല്ല മാദു, സുൽത്താൻ അൽഗനാം, ഖലീഫ അൽദോസരി, അലി അൽബുലൈഹി, ലൂയി ഗുസ്താവോ, അബ്ദുല്ല അൽഖൈബരി, അബ്ദുല്ല അതീഫ്, മുഹമ്മദ് കുനോ, സാലിം അൽദോസരി, സാമി അൽനജ്ഇ, മാത്യൂസ് പെരേര, താലിസ്ക, ബെറ്റി മാർട്ടിനെസ്, അന്ദ്രിയ കാരിയോ, മൂസ മരിഗ എന്നിവരാണ് ടീം അംഗങ്ങൾ.
റിയാദ് സീസണിന്റെ ഭാഗമായി വ്യാഴാഴ്ച റിയാദ് കിങ് ഫഹദ് ഇന്റർനാഷനൽ സ്റ്റേഡിയത്തിലാണ് സീസൺ കപ്പ് ഫുട്ബാൾ നടക്കുന്നത്. ക്രിസ്റ്റ്യാനോ എതിരാളിയും പിഎസ്‌ജി താരവുമായ ലയണൽ മെസിയെ നേരിടുന്ന കൗതുകകരമായ കാഴ്ച്ചക്കാണ് ഏവരും ഉറ്റു നോക്കുന്നത്. മെസിക്കൊപ്പം ബ്രസീലിന്റെ നെയ്മറും ഫ്രാൻസ് ലോകകപ്പ് ഫൈനൽ ഹാട്രിക് ഹീറോ കെലിയൻ എംബാപ്പെയും പാരീസ് സെന്റ് ജെർമെയ്‌ന്റെ ടീമിലുണ്ടാകും.
