രണ്ടാം പകുതിയിലെ 75-ാം മിനിറ്റില് ലോസ് ആഞ്ചലസ് ലീഡെടുത്തു. ദെജാന് ജോവലിച്ചാണ് ആതിഥേയരെ മുന്നിലെത്തിച്ചത്. ഗോള് മടക്കാന് മെസ്സിയും സംഘവും കഠിനമായി പരിശ്രമിച്ചു. മത്സരത്തിന്റെ നിശ്ചിത സമയം അവസാനിക്കുന്നതിന് തൊട്ടുമുന്പ് ലോസ് ആഞ്ചലസ് താരം മാര്കോ ഡെല്ഗാഡോയ്ക്ക് റെഡ് കാര്ഡ് കണ്ട് പുറത്തുപോവേണ്ടി വന്നത് ഇന്റര് മയാമിയ്ക്ക് കാര്യങ്ങള് എളുപ്പമാക്കി.
ഇഞ്ച്വറി ടൈമില് 92-ാം മിനിറ്റില് മെസ്സിയും ജോര്ഡി ആല്ബയും നടത്തിയ വണ് ടു വണ് നീക്കത്തിനൊടുവില് മയാമി മുന്നിലെത്തി. ആല്ബയുടെ അസിസ്റ്റില് മെസ്സിയുടെ തകര്പ്പന് ഫിനിഷ് ഇന്റര് മയാമിയെ പരാജയത്തില് നിന്ന രക്ഷിച്ചു. സീസണില് മെസ്സി മയാമിക്ക് വേണ്ടി നേടുന്ന ആദ്യ ഗോളാണിത്. രണ്ട് മത്സരങ്ങളില് നിന്ന് നാല് പോയിന്റുകളുമായി മയാമി നിലവില് ഒന്നാം സ്ഥാനത്താണുള്ളത്.