യുഎഇ: മഹ്സൂസിന്‍റെ 146-ാമത് വീക്കിലി ഡ്രോയിൽ സമ്മാനം സ്വന്തമാക്കി പ്രവാസി. 10 ലക്ഷം ദിര്‍ഹം നേടിയിരിക്കുന്നത് ബംഗ്ലാദേശിൽ നിന്നുള്ള എം.ഡി ഷഹിന്‍ എന്ന പ്രവാസിയാണ് സമ്മാനം നേടിയത്. ഇദ്ദേഹം സൗദി അറേബ്യയിലെ ദമാമിൽ സൂപ്പര്‍വൈസറായാണ് ജോലി ചെയ്യുന്നത്. 31 വയസാണ് ഇദ്ദേഹത്തിന്. ഒരു വര്‍ഷം മുൻപ് ആദ്യമായി മഹ്സൂസ് നറുക്കെടുപ്പിൽ പങ്കെടുക്കാൻ തുടങ്ങിയത്. പിന്നീട് സ്ഥിരമായി മഹ്സൂസിലൂടെ ഭാഗ്യപരീക്ഷണം നടത്താൻ തുടങ്ങി.
മഹ്സൂസിൽ നിന്നുള്ള ഇ-മെയിൽ ലഭിച്ചതിന് ശേഷമാണ് അകൗണ്ടിൽ കയറി നോക്കിയത്. ആദ്യം വിശ്വസിക്കാൻ സാധിച്ചില്ല. താൻ ഞെട്ടിപ്പോയെന്ന് ഷഹിൻ പറയുന്നു. “എനിക്ക് കണ്ണുകളെ വിശ്വസിക്കാന്‍ സാധിക്കുന്നില്ല. ഇത്രയും വലിയ തുക ലഭിച്ചത് വലിയ ഷോക്കായിരുന്നു. ജീവിതത്തിൽ ആദ്യമായാണ് ഇത്രയും വലിയ തുക ലഭിച്ചത്. തന്റെ അകൗണ്ടിൽ തന്നെ ആദ്യമായാണ് ഇത്രയും വലിയ തുക കയറുന്നത്. കൂടുതൽ പൂജ്യങ്ങളുള്ള ഒരു ബാലൻസ് താൻ കാണുന്നത് ഇത് ആദ്യമായാണെന്ന് അദ്ദേഹം പറയുന്നു.
മഹ്സൂസിന്‍റെ 146-ാമത് വീക്കിലി നറുക്കെടുപ്പിൽ 731 പേര്‍ വിവിധ സമ്മാനങ്ങള്‍ നേടി. മൊത്തം 1,379,000 ദിര്‍ഹമാണ് സമ്മാനമായി നൽകിയിരിക്കുന്നത്. 14 പേര്‍ രണ്ടാം സമ്മാനമായ 2 ലക്ഷം ദിര്‍ഹം ലഭിച്ചിട്ടുണ്ട്. ഓരോരുത്തര്‍ക്കും 14,285 ദിര്‍ഹം വീതമാണ് സമ്മാനമായി ലഭിച്ചിരിക്കുന്നത്. മൂന്നക്കങ്ങള്‍ ഒരുപോലെയാക്കിയ 716 പേര്‍ക്ക് 250 ദിര്‍ഹം വീതം ലഭിച്ചു.
35 ദിര്‍ഹം മാത്രം മുടക്കി മഹ്സൂസ് വാട്ടര്‍ ബോട്ടിൽ വാങ്ങി മഹ്സൂസ് കളിക്കാൻ സാധിക്കും. ശനിയാഴ്ച്ചകളിലാണ് നറുക്കെടുപ്പ് നടക്കുന്നത്. കൂടാതെ ആഴ്ച്ച നറുക്കെടുപ്പിലും ഗ്രാൻഡ് ഡ്രോയിലും പങ്കെടുക്കാൻ സാധിക്കും. ഉയര്‍ന്ന സമ്മാനം 20 മില്യൺ ദിര്‍ഹം ആണ് സമ്മാനമായി ലഭിക്കുക. ആഴ്ച്ചതോറും ഗ്യാരണ്ടീഡ് മില്യണയറാകുന്ന ഒരാള്‍ക്ക് ഒരു മില്യൺ ദിര്‍ഹം.
