മയാമി: സൂപ്പര് താരം ലയണല് മെസ്സി തിരിച്ചെത്തിയിട്ടും വിജയിക്കാനാവാതെ ഇന്റര് മയാമി. സ്വന്തം കാണികള്ക്ക് മുന്പില് എഫ്സി സിന്സിനാറ്റിയോട് ഏകപക്ഷീയമായ ഒരു ഗോളിനാണ് മയാമി പരാജയപ്പെട്ടത്. അല്വാരോ ബാരിയല് നേടിയ ഗോളാണ് സിന്സിനാറ്റിക്ക് വിജയം സമ്മാനിച്ചത്. ഇതോടെ മേജര് ലീഗ് സോക്കറില് പ്ലേ ഓഫ് കാണാതെ ഇന്റര് മയാമി പുറത്തായി. തുടര്ച്ചയായ രണ്ട് മത്സരങ്ങള് പരാജയപ്പെട്ടതാണ് ക്ലബ്ബിന് തിരിച്ചടിയായത്.
