കുവെെറ്റ് സിറ്റി: രാജ്യത്തേക്ക് വിദേശികളായ ടെക്നിക്കൽ തൊഴിലാളികളെ റിക്രൂട്ട് ചെയ്യാന്‍ ഒരുങ്ങി പബ്ലിക് അതോറിറ്റി ഓഫ് മാൻപവർ. ജിസിസി കൗൺസിൽ അംഗീകരിച്ച ഏകീകൃത ഗൈഡ് അനുസരിച്ചുള്ള യോഗ്യത കണക്കാക്കിയാകും തൊഴിലാളികളെ രാജ്യത്തേക്ക് റിക്രൂട്ട ചെയ്യുന്നത്. തൊഴിൽ വിപണിയുടെ ഉൽപാദനക്ഷമതയും കാര്യക്ഷമതയും വർധിപ്പിക്കുന്നതിന് വേണ്ടിയാണ് ഇപ്പോൾ ഇത്തരത്തിലൊരു റിക്രൂട്ട്മെന്റ് നടത്തുന്നതെന്ന് അധികൃതർ അറിയിച്ചു.

വാണിജ്യ സന്ദർശന വിസയില്‍ കൊണ്ടുവന്ന കമ്പനിയിലേക്ക് മാത്രമേ തൊഴിലാളികളെ ട്രാന്‍സ്ഫര്‍ അനുവദിക്കൂ. ട്രാൻസ്ഫർ ആവശ്യപ്പെടുന്ന തൊഴിലാളികൾ അവരുടെ ക്രിമിനൽ പശ്ചാത്തലം തെളിയിക്കുന്ന രേഖ, എൻട്രി വിസയുടെ പകർപ്പ്, കൈമാറുന്ന തൊഴിലിന്റെ നിർദിഷ്ട ആവശ്യകതകൾ തെളിയിക്കുന്ന രേഖകൾ എന്നിവയെല്ലാം അനുവദിക്കണം.

സോഷ്യൽ മീഡിയ വഴി ഇസ്രയേലിനെ പിന്തുണച്ച ഇന്ത്യന്‍ നഴ്‌സിനെതിരെ കുവെെറ്റിൽ പരാതി. മുബാറക് ഹോസ്പിറ്റലില്‍ ജോലി ചെയ്യുന്ന ഇന്ത്യന്‍ നഴ്‌സിനെതിരെയാണ് പരാതി ഉയരുന്നത്. കുവെെറ്റിലെ അഭിഭാഷകനായ അലി ഹബാബ് അല്‍ ദുവൈഖ് ആണ് ഇതുമായി ബന്ധപ്പെട്ട് പരതി നൽകിയത്. കേസിൽ നഴ്സിന് കടുത്ത ശിക്ഷ ലഭിക്കണം എന്നാണ് ആവശ്യപ്പെട്ടിരിക്കുന്നത്.

പലസ്തീന്‍ കുട്ടികളുടെ മരണത്തിന് കാരണമായി ഒരു പ്രവർത്തിയായിരുന്നു അല്‍ ബാപ്റ്റിസ്റ്റ് ഹോസ്പിറ്റലിലെ ബോംബ് സ്‌ഫോടനം. ഇസ്രയേലികളുടെ ഈ പ്രവർത്തിയെ പിന്തുണച്ചാണ് ഇവർ സോഷ്യൽ മീഡിയയിൽ പോസ്റ്റിട്ടത്. ഇസ്രയേലിന്റെ പ്രവർത്തിയെ പിന്തുണക്കുന്ന രീതിയിൽ പതാക പങ്കുവെക്കുകയും ചെയ്തെന്നാണ് പരാതിയിൽ പറയുന്നത്. ‘അറബ് ടൈംസ് ഓണ്‍ലൈന്‍’ ആണ് ഇതുമായി ബന്ധപ്പെട്ട വാർത്ത പുറത്തുവിട്ടത്.

പലസ്തീന്‍ -ഇസ്രയേൽ വിഷയത്തിൽ രാജ്യത്തെ പൊതു നിലപാടുകള്‍ക്ക് വിരുദ്ധമായ നടപടി സ്വീകരിച്ചതിനെ തുടർന്നാണ് നഴ്‌സിനെതിരെ താൻ പരാതി നൽകിയതെന്ന് അഭിഭാഷകന്‍ പറഞ്ഞു. കുവെെറ്റിലെ നിയമങ്ങൾ ലംഘിച്ചതിന് എതിരെയാണ് നഴ്സിന് എതിരെ പരാതി നൽകിയിരിക്കുന്നത്. നഴ്സിന് ആവശ്യമായ ശിക്ഷ നൽകണമെന്ന് ആവശ്യപ്പെട്ടതായി പരാതിയിൽ പറയുന്നുണ്ടെന്ന് ‘അറബ് ടൈംസ് ഓണ്‍ലൈന്‍’ റിപ്പോർട്ട് ചെയ്യുന്നു.

അൽ-ബാപ്റ്റിസ്റ്റ് ഹോസ്പിറ്റലിലെ ദാരുണമായ സംഭവത്തെ ആർക്കും അംഗീകരിക്കാൻ സാധിക്കില്ല. പലസ്തീനിനെ പിന്തുണയ്ക്കുന്ന കുവെെറ്റിന്റെ തീരുമാനത്തെ രാജ്യത്തെ മുഴുവൻ ജനങ്ങളും അംഗീകരിക്കുന്നു. ജനങ്ങളുടെയും ശക്തമായ നിലപാട് അൽ-ദുവൈഖ് തന്റെ പരാതിയിൽ പറയുന്നുണ്ട്. ഇതിന് വിരുദ്ധമായാണ് ഇന്ത്യൻ നഴ്സ് സ്വീകരിച്ചിരിക്കുന്നത്. സയണിസ്റ്റ് സംഘടനയ്‌ക്കെതിരെ പ്രതിഷേധിക്കാൻ നഴ്‌സുമാരോടും ഡോക്ടർമാരോടും ആരോഗ്യമന്ത്രിയുടെ ആഹ്വാനം ഉണ്ടായിരുന്നു. മുബാറക് അൽ-കബീർ ഹോസ്പിറ്റലിലെ ഒരു നഴ്‌സ് തന്റെ വാട്ട്‌സ്ആപ്പ് സ്റ്റാറ്റസിൽ സയണിസ്റ്റ് സ്ഥാപനത്തിന്റെ പതാക ഇട്ടിരുന്നു. അത് വഴി ക്രിമിനൽ നടപടി നേരിട്ടതായും അന്ന് കോടതി അത് ശരിവെക്കുകയും ചെയ്തതായി അൽ-ദുവൈഖ് പറഞ്ഞു

നഴ്സിനെതിരെ ശക്തമായ നടപടി സ്വീകരിക്കണം എന്നാണ് പബ്ലിക് പ്രോസിക്യൂട്ടർ ആവശ്യപ്പെട്ടിരിക്കുന്നത്. ഇതുമായി ബന്ധപ്പെട്ട ശക്തമായ പരാതി നൽകിയിട്ടുണ്ട്. തന്റെ പ്രവർത്തനങ്ങൾ സയണിസ്റ്റ് സ്ഥാപനത്തിനുള്ള പിന്തുണയാണ് കാണിക്കുന്നത്. കുവൈറ്റിന്റെ സ്റ്റേറ്റ് സെക്യൂരിറ്റി നിയമത്തോടുള്ള അവഗണനയാണ് ഇത് കാണിക്കുന്നതെന്ന് അൽ-ദുവൈഖ് നൽകിയ പരാതിയിൽ പറയുന്നു. ഇത്തരത്തിലുള്ള പ്രവർത്തികൾ എല്ലാം രാജ്യത്തെ നിയമത്തിന് എതിരാണെന്നും ഒന്നും അംഗീകരിക്കാൻ പാടില്ലെന്നും ജീവപര്യന്തം തടവോ കുറഞ്ഞത് അഞ്ച് വർഷം തടവോ നൽകാവുന്ന കേസിൽ ഉൾപ്പെടുത്തണം എന്നാണ് ഇവർ ആവശ്യപ്പെടുന്നത്.

ആഭ്യന്തരവും അന്തർദേശീയവുമായ നിയമങ്ങൾക്കെതിരെയാണ് ഒരോ കാര്യങ്ങളും ചെയ്യുന്നത്. സയണിസ്റ്റ് അസ്തിത്വത്തെയും അതിന്റെ പിന്തുണക്കാരെയും ചെറുക്കാൻ കുവൈറ്റിലെ മുസ്ലീങ്ങളോടും വിശാലമായ ഇസ്ലാമിക ലോകത്തോടും അൽ-ദുവൈഖ് ആഹ്വാനം ചെയ്തു. അതിർത്തികൾ കടന്നുള്ള ഏറ്റുമുട്ടലുകൾ സാധ്യമല്ല. എന്നാൽ രാജ്യത്തിന് അകത്ത് നിന്ന് ഇത്തരത്തിലുള്ള പ്രവർത്തികളെ അനുകൂലിക്കുന്നത് അനുവദിക്കാൻ സാധിക്കില്ലെന്നാണ് അദ്ദേഹം അഭിപ്രായപ്പെടുന്നത്.