Gulf
പ്രശസ്ത ഷോപ്പുകളുടെ പേരില് ഡിസ്കൗണ്ടുകള് പ്രഖ്യാപിച്ചും വ്യാജ തൊഴില് ഓഫറുകള് നല്കി ഫീസ് ആവശ്യപ്പെട്ടും തട്ടിപ്പ്; വഞ്ചിതരാവരുതെന്ന് അബുദാബി പോലീസ്
അബുദാബി: പണമടച്ചാല് പൊതുജനങ്ങള്ക്ക് ‘പ്രത്യേക ഓഫറുകള്’ നല്കുമെന്ന് അറിയിച്ച് വരുന്ന പരസ്യങ്ങള്ക്കെതിരേയും പ്രശസ്തമായ റെസ്റ്റോറന്റുകളുടെയും ഷോപ്പുകളുടെയും പേരുകളിലുള്ള വ്യാജ സൈറ്റുകള്ക്കെതിരേയും മുന്നറിയിപ്പ് നല്കി അബുദാബി പോലീസ്. പ്രത്യേക ഓഫറുകള് പ്രഖ്യാപിച്ച് തട്ടിപ്പുകാര് നടത്തുന്ന ഫോണ്കോളുകളോടും സന്ദേശങ്ങളോടും ലിങ്കുകളോടും പ്രതികരിക്കരുതെന്ന് അബുദാബി പോലീസ് പൊതുജനങ്ങളോട് അഭ്യര്ത്ഥിച്ചു.
സര്ക്കാര് സ്ഥാപനങ്ങളുടെയോ പ്രശസ്ത കമ്പനികളുടെയോ പേരില് വ്യാജ വെബ്സൈറ്റുകള് ഉണ്ടാക്കിയാണ് പുതിയതരം തട്ടിപ്പുകള്. പ്രത്യേക ഡിസ്കൗണ്ടിന് താങ്കള് അര്ഹനാണെന്നും ഇവ ലഭ്യമാവുന്നതിനുള്ള പ്രോസസിങ് ചാര്ജായി തുക നല്കണമെന്നും ആവശ്യപ്പെടും. വ്യാജ വെബ്സൈറ്റില് പറയുന്ന പ്രകാരം ക്രെഡിറ്റ് കാര്ഡില് നിന്ന് പേയ്മെന്റ് പ്രക്രിയ പൂര്ത്തിയാക്കി കഴിഞ്ഞാല് ഇരയുടെ അക്കൗണ്ട് ബാലന്സ് തട്ടിപ്പുകാര് പിന്വലിക്കുകയും ചെയ്യും.
‘വളര്ത്തുമൃഗങ്ങള് വില്പ്പനയ്ക്ക്’ എന്ന അറിയിപ്പോടെ രുന്ന വ്യാജ ഇക്ട്രോണിക് സന്ദേശങ്ങള് അവഗണിക്കണമെന്ന് പോലീസ് അഭ്യര്ത്ഥിച്ചു. രാജ്യത്തിന് പുറത്ത് നിന്നുള്ള ‘ഷിപ്പിംഗ്, ഇന്ഷുറന്സ്’ എന്നിവയുടെ ചെലവുകള് വഹിക്കുന്നതിന് പകരമായി ദത്തെടുക്കല് വാഗ്ദാനം ചെയ്യുന്ന സന്ദേശങ്ങളോടും പ്രതികരിക്കരുത്.
സോഷ്യല് നെറ്റ്വര്ക്കിങ് സൈറ്റുകളിലും വാങ്ങലും വില്പനയും കൈകാര്യം ചെയ്യുന്ന സ്മാര്ട്ട് ഫോണ് ആപ്പുകളിലും ഈ തട്ടിപ്പുകള് പരസ്യം ചെയ്യപ്പെടുന്നു. തട്ടിപ്പുകാരുടെ ബാങ്ക് അക്കൗണ്ടുകളിലേക്ക് പണം അയയ്ക്കാനോ രാജ്യത്ത് ലൈസന്സുള്ള പ്രാദേശിക, അന്തര്ദേശീയ വിനിമയ കമ്പനികള് വഴി പണം കൈമാറാനോ ഇരകളോട് ആവശ്യപ്പെടുകയാണ് രീതി.
യഥാര്ത്ഥ കമ്പനികളുടെ വെബ്സൈറ്റുകളും സോഷ്യല് മീഡിയ അക്കൗണ്ടുകളും അനുകരിച്ചുകൊണ്ട് ‘പ്രോസസിംഗ് ഫീസ്’ ചോദിക്കുന്ന വ്യാജ തൊഴില് ഓഫറുകള്ക്കെതിരെ അബുദാബി പോലീസ് തൊഴിലന്വേഷകര്ക്കും മുന്നറിയിപ്പ് നല്കി. ഓണ്ലൈന് ബാങ്കിങ് സേവനങ്ങളുടെ ഒറ്റത്തവണ പാസ്വേഡുകള്, എടിഎം വ്യക്തിഗത തിരിച്ചറിയല് നമ്പറുകള്, ബാങ്ക് കാര്ഡുകളിലെ സെക്യൂരിറ്റി നമ്പര് (സിസിവി) എന്നിങ്ങനെയുള്ള രഹസ്യവിവരങ്ങള് ആരുമായും പങ്കിടരുത്. ബാങ്ക് ജീവനക്കാര് ഒരിക്കലും ഇടപാടുകാരോട് ഈ വിവരങ്ങള് ചോദിക്കാറില്ല.
ബാങ്കിങ് ഡാറ്റ അപ്ഡേറ്റ് ചെയ്യണമെന്ന് ആവശ്യപ്പെട്ട് അജ്ഞാതരായ വ്യക്തികളില് നിന്ന് കോളുകള് വന്നാല് അടുത്തുള്ള പോലീസ് സ്റ്റേഷന് സന്ദര്ശിച്ച് വിവരങ്ങള് കൈമാറണമെന്ന് അബുദാബി പോലീസ് പൊതുജനങ്ങളോട് അഭ്യര്ത്ഥിച്ചു. അല്ലെങ്കില് 8002626 എന്ന നമ്പറില് അമന് സേവനത്തില് വിളിച്ചോ അല്ലെങ്കില് 2828 എന്ന നമ്പറില് വാചക സന്ദേശം അയച്ചോ അധികാരികളെ അറിയിക്കാം.
ഫോണ് ഹാക്ക് ചെയ്യപ്പെടുന്ന ഓണ്ലൈന് തട്ടിപ്പുകള്ക്കെതിരേ ജാഗ്രതപാലിക്കണമെന്ന യുഎഇ സൈബര് സുരക്ഷാ കൗണ്സില് ജാഗ്രതാനിര്ദേശം പുറപ്പെടുവിച്ചിട്ടുണ്ട്. സൈബര് ലോകത്ത് നൂതനമായ പലതരം തട്ടിപ്പുകള് അനുദിനം റിപ്പോര്ട്ട് ചെയ്യപ്പെടുന്നുണ്ട്. ഹാക്കര്മാര് ഗാര്ഹിക സഹായ സേവനങ്ങള് വാഗ്ദാനം ചെയ്തും ഫോണിലെ വിവരങ്ങള് ചോര്ത്താന് ശ്രമിക്കുന്നു. തട്ടിപ്പുകാര് അയക്കുന്ന ലിങ്കില് ക്ലിക്ക് ചെയ്താല് ഹാക്ക് ചെയ്യപ്പെടാം.
ഇലക്ട്രോണിക് പേയ്മെന്റ് രീതിയില് കൃത്രിമം കാണിച്ചാല് 20 ലക്ഷം ദിര്ഹം വരെ പിഴ ചുമത്തുമെന്ന് ദുബായ് പബ്ലിക് പ്രോസിക്യൂഷന് കഴിഞ്ഞ ദിവസം മുന്നറിയിപ്പ് നല്കിയിരുന്നു. വലിയ സൈബര് കുറ്റകൃത്യങ്ങള്ക്ക് ജയില് ശിക്ഷയ്ക്കു പുറമേ മൂന്നു മില്യണ് ദിര്ഹം വരെ പിഴ ചുമത്തും.
ട്രാഫിക് പിഴയും മറ്റ് ഫീസുകളും അടയ്ക്കാന് ആവശ്യപ്പെട്ട് ദുബായ് പോലിസിന്റെ പേരില് ഇ-മെയില് തട്ടിപ്പ് നടത്തുന്നതായി നേരത്തേ ശ്രദ്ധയില്പെട്ടിരുന്നു. തട്ടിപ്പുകാര് അയച്ചുതരുന്ന ലിങ്കുകള് വഴി പണമടയ്ക്കരുതെന്നും ജാഗ്രത പാലിക്കണമെന്നും ദുബായ് പോലീസ് ട്വിറ്ററിലൂടെ മുന്നറിയിപ്പ് നല്കുകയുണ്ടായി.
ബാങ്കിങ് സ്ഥാപനങ്ങളുടെ സേവനങ്ങള് ലഭ്യമല്ലാത്ത വാരാന്ത്യങ്ങളും ഔദ്യോഗിക അവധിദിനങ്ങളും പ്രയോജനപ്പെടുത്തി ഓണ്ലൈന് തട്ടിപ്പുകാര് മുമ്പ് തന്നെ രംഗത്തുണ്ട്. ഇത്തരം ദിവസങ്ങളില് വ്യാജ ചെക്ക് നല്കി വാഹന ഇടപാട് നടത്തിയ പരാതികള് ഷാര്ജ പോലിസിന്റെ ശ്രദ്ധയില്പെട്ടിരുന്നു.
ഒടിപി നമ്പര് ഉപയോഗിച്ചുള്ള തട്ടിപ്പുകള് രാജ്യത്ത് വര്ധിച്ചതിനെ തുടര്ന്ന് പ്രവാസി തൊഴിലാളികളെ ബോധവല്ക്കരിക്കാന് കാംപയിനുമായി യുഎഇയിലെ ഒരു കൂട്ടം വിദ്യാര്ഥികള് രംഗത്തെത്തിയത് വാര്ത്തയായിരുന്നു. ലേബര് ക്യാമ്പ് സന്ദര്ശിച്ച് ഒരു കൂട്ടം ഇന്ത്യന് വിദ്യാര്ഥികള് മലയാളം ഉള്പ്പെടെ ഏഴ് ഭാഷകളില് ഒടിപി തട്ടിപ്പിനെക്കുറിച്ചും ഡിജിറ്റല് ഐഡന്റിറ്റി തെഫ്റ്റിനെക്കുറിച്ചും മുന്നറിയിപ്പ് നല്കുന്ന ലഘുലേഖകള് വിതരണം ചെയ്തുവരുന്നുണ്ട്.
Gulf
യുഎഇ സാമ്പത്തിക, ടൂറിസം മന്ത്രി അബ്ദുല്ല ബിന് തൗഖ് അല് മര്റി ഹോട്ട്പാക്കിന്റെ നാഷണൽ ഇൻവെസ്റ്റ്മെന്റ് പാർക്ക് ഫാക്ടറി സന്ദർശിച്ചു
ദുബായ്– ജൂണ് 26, 2026: യുഎഇ സാമ്പത്തിക-ടൂറിസം മന്ത്രി അബ്ദുല്ല ബിന് തൗഖ് അല് മര്റി
പരിസ്ഥിതി സൗഹൃദ പാക്കേജിംഗ് ഉത്പന്നങ്ങളുടെ നിർമാണത്തിൽ ജിസിസിയിലെ ഏറ്റവും വലിയ കമ്പനിയായ ഹോട്ട്പാക്കിന്റെ ദുബായിലെ നാഷണല് ഇന്ഡസ്ട്രീസ് പാര്ക്കിലെ (എന്ഐപി) നിര്മാണശാല സന്ദർശിച്ചു.
പ്രമുഖ നിക്ഷേപ സ്ഥാപനമായ ഗള്ഫ് ഇസ്ലാമിക് ഇന്വെസ്റ്റ്മെന്റ്സ് (ജിഐഐ) ഹോട്ട്പാക്കില് ഈയിടെ നടത്തിയ നിക്ഷേപത്തിനു അനുസൃതമായി ഹോട്ട്പാക്കിൽ നടപ്പിൽ വന്നു കൊണ്ടിരിക്കുന്ന വികസന പ്രവർത്തനങ്ങൾക്കൊപ്പം കമ്പനി അതിവേഗ വളര്ച്ചയുടെ പുതിയ ഘട്ടത്തിലേക്ക് കടക്കുന്ന സാഹചര്യത്തിലാണ് മന്ത്രിയുടെ സന്ദര്ശനം.
യുഎഇയുടെ വ്യാവസായിക ലക്ഷ്യങ്ങള് മുന്നോട്ടുകൊണ്ടുപോകുന്നതില് ഹോട്ട്പാക്ക് വഹിക്കുന്ന പങ്കിനുള്ള സുപ്രധാന അംഗീകാരമായാണ് ഈ സന്ദര്ശനം വിലയിരുത്തപ്പെടുന്നത്.
സന്ദര്ശനത്തിനിടെ മന്ത്രി ഹോട്ട്പാക്കിന്റെ ആധുനിക നിര്മാണശാലകള് സന്ദര്ശിക്കുകയും കമ്പനിയുടെ വിവിധ ഘട്ടങ്ങളിലെ വളര്ച്ച, വിവിധ സംരംഭങ്ങള്, സാങ്കേതിക മുന്നേറ്റങ്ങള്, സുസ്ഥിരതാ പദ്ധതികൾ, ബഹുരാഷ്ട്ര പ്രവർത്തന രീതികൾ എന്നിവ മന്ത്രിയുമായി ഹോട്ട്പാക്ക് അധികൃതർ ചർച്ച ചെയ്യുകയും ചെയ്തു.
രാജ്യത്തിന്റെ വ്യാവസായിക മേഖല ശക്തിപ്പെടുത്തുന്നതിനും സാമ്പത്തിക വൈവിധ്യവല്ക്കരണ അജണ്ടയ്ക്ക് സംഭാവന ചെയ്യുന്ന ആഭ്യന്തര നിര്മാണ സ്ഥാപനങ്ങളെ പിന്തുണയ്ക്കുന്നതിനുമുള്ള യുഎഇ നേതൃത്വത്തിന്റെ പ്രതിബദ്ധതയാണ് സന്ദര്ശനം വീണ്ടും വ്യക്തമാക്കുന്നത്.
സന്ദര്ശനത്തിനിടെ മാധ്യമങ്ങളോട് സംസാരിച്ച അബ്ദുല്ല ബിന് തൗഖ് അല് മര്റി, ആഗോള മികച്ച മാതൃകകളെ അടിസ്ഥാനമാക്കി മത്സരാധിഷ്ഠിതവും സുസ്ഥിരവുമായ ബിസിനസ് അന്തരീക്ഷം ശക്തിപ്പെടുത്തുന്നത് യുഎഇയും രാജ്യത്തിന്റെ നേതൃത്വവും തുടരുകയാണെന്ന് പറഞ്ഞു.
“രാജ്യം നിര്മാണമേഖലകളുടെ വളര്ച്ച ത്വരിതപ്പെടുത്തുകയും ആഗോള സാമ്പത്തിക കേന്ദ്രമെന്ന നിലയിലുള്ള സ്ഥാനം കൂടുതല് ശക്തിപ്പെടുത്തുകയും ചെയ്യുകയാണ്. അതിന്റെ ഭാഗമായി സുസ്ഥിര വ്യവസായങ്ങള് വികസിപ്പിക്കുകയും സാമ്പത്തിക പങ്കാളിത്തങ്ങള് വിപുലീകരിക്കുകയും ചെയ്യുന്നത് ദേശ നിർമിത ഉല്പന്നങ്ങളുടെ ബഹുരാജ്യങ്ങളിലേക്കുള്ള കയറ്റുമതി വര്ധിപ്പിക്കുന്നതിനും പുതിയ കയറ്റുമതി വിപണികള് വിപുലീകരിക്കുന്നതിനുമുള്ള തയാറെടുപ്പിലുമാണ്,” അല് മര്റി പറഞ്ഞു.
സ്വകാര്യ മേഖലയുമായുള്ള സഹകരണം ശക്തിപ്പെടുത്തുന്നതിനും മാതൃകാപരമായ സാമ്പത്തിക, നിക്ഷേപ പദ്ധതികളെ പിന്തുണയ്ക്കുന്നതിനും യുഎഇ സര്ക്കാര് പ്രതിജ്ഞാബദ്ധമാണ്. ഇതിലൂടെ ആഭ്യന്തര ഉല്പാദനം വര്ധിപ്പിക്കാനും കയറ്റുമതി ശേഷി ശക്തിപ്പെടുത്താനും സമ്പദ്വ്യവസ്ഥയെ വൈവിധ്യവല്ക്കരിക്കാനും ദീര്ഘകാല സുസ്ഥിരത ഉറപ്പാക്കാനും സാധിക്കും. ഇതോടെ നിക്ഷേപത്തിന്റെയും ബിസിനസിന്റെയും ആഗോള കേന്ദ്രമെന്ന യുഎഇയുടെ സ്ഥാനം കൂടുതല് ഉറപ്പിക്കപ്പെടുമെന്നും മന്ത്രി കൂട്ടിച്ചേര്ത്തു.
“കഴിഞ്ഞ മൂന്ന് പതിറ്റാണ്ടിനിടെ ഞങ്ങള് കൈവരിച്ച വളര്ച്ചയുടെ കഥ യുഎഇ സാമ്പത്തിക, ടൂറിസം മന്ത്രി അബ്ദുല്ല ബിന് തൗഖ് അല് മര്റിയുമായി പങ്കുവെക്കാൻ കഴിഞ്ഞതില് അഭിമാനമുണ്ടെന്ന് ഹോട്ട്പാക്ക് സ്ഥാപകനും മാനേജിംഗ് ഡയറക്ടറുമായ അബ്ദുല് ജബ്ബാര് പി.ബി. പറഞ്ഞു.
യുഎഇ വ്യാവസായിക മേഖലയിൽ നിർണായക സംഭാവന നൽകാൻ അവസരം ലഭിച്ചതോടൊപ്പം 17-ലേറെ രാജ്യങ്ങളിൽ നിന്നും ഉത്പാദനം നടത്താനും, നൂറിലേറെ രാജ്യങ്ങളിക്ക് കയറ്റുമതി നടത്താനും കഴിയുന്നുണ്ട് ഹോട്ട്പാക്കിനെന്ന് അദ്ദേഹം പറഞ്ഞു.
നിര്മാണ ശേഷി വര്ധിപ്പിക്കുന്നതിനും പുതിയ വിപണികളിലേക്ക് പ്രവേശിക്കുന്നതിനും പ്രകൃതി സൗഹൃദ പാക്കേജിംഗിലേക്കുള്ള മാറ്റം ത്വരിതപ്പെടുത്തുന്നതിനുമുള്ള ശ്രമങ്ങൾ നടത്തിവരികയാണ് ഹോട്ട്പാക്ക്. ആഗോള വിപണികളിൽ ഉയർന്ന നിലവാരമുള്ള പരിസ്ഥിതി സൗഹൃദ പാക്കേജിംഗ് ഉത്പന്നങ്ങൾ എത്തിക്കുന്നതില് ഹോട്ട്പാക് വലിയ പങ്കുവഹിക്കുകയാണെന്നും അബ്ദുല് ജബ്ബാര് കൂട്ടിച്ചേര്ത്തു.
1995-ല് ദുബായില് സ്ഥാപിതമായ ഹോട്ട്പാക്ക്, പ്ലാസ്റ്റിക്, പേപ്പര്, അലുമിനിയം, സുസ്ഥിര പാക്കേജിംഗ് ഉൽപ്പന്നങ്ങൾ എന്നിവ ഉള്പ്പെടുന്ന വൈവിധ്യമാര്ന്ന ഉല്പന്ന ശ്രേണിയാണ് നിർമാണം നടത്തി വിപണിയിലെത്തിക്കുന്നത്.
ഹോട്ട്പാക്കിന്റെ വളര്ച്ച, പ്രാദേശിക നിര്മാണം ശക്തിപ്പെടുത്തുക, ‘മെയ്ഡ് ഇന് ദി യുഎഇ’ ഉല്പന്നങ്ങളുടെ കയറ്റുമതി വര്ധിപ്പിക്കുക, വൈദഗ്ധ്യമുള്ള തൊഴിലവസരങ്ങള് സൃഷ്ടിക്കുക എന്നീ ലക്ഷ്യങ്ങളോടെ നടപ്പാക്കുന്ന ‘ഓപ്പറേഷന് 300 ബില്യണ്’ വ്യാവസായിക പദ്ധതിക്കും ശക്തമായ പിന്തുണ നല്കുന്നതായി അബ്ദുല് ജബ്ബാര് അറിയിച്ചു.
യുഎഇ കേന്ദ്രമായി നിര്മാണം കൂടുതല് ശക്തിപ്പെടുത്തുന്നതിനും ഉല്പന്നങ്ങളുടെ കയറ്റുമതി വര്ധിപ്പിക്കുന്നതിനും വിതരണ ശൃംഖലയുടെ മെച്ചപ്പെടുത്തുന്നതിനും രാജ്യത്തിന്റെ വ്യാവസായിക മേഖലയില് പുതിയ തൊഴിലവസരങ്ങള് സൃഷ്ടിക്കുന്നതിനും ഹോട്ട്പാക്ക് പ്രതിജ്ഞാബദ്ധമാണെന്നും അദ്ദേഹം പറഞ്ഞു.
Gulf
ഷാർജയിൽ കൊല്ലപ്പെട്ട കണ്ണൂർ സ്വദേശി ഇസ്മാഈലിന്റെ മൃതദേഹം ഇന്ന് നാട്ടിലേക്ക് കൊണ്ടുപോകും; മയ്യിത്ത് നമസ്കാരം വൈകുന്നേരം ഷാർജ ഫോറൻസിക്കിൽ
ഷാർജ: കഴിഞ്ഞ ദിവസം ഷാര്ജയില് കൊല്ലപ്പെട്ട കണ്ണൂര് പഴയങ്ങാടി നെരുവമ്പ്രം സ്വദേശി പൊന്നന് ഇസ്മാഈലിന്റെ (47) മൃതദേഹം ഇന്ന് (വ്യാഴം) നാട്ടിലേക്ക് കൊണ്ടുപോകും. ഇന്ന് രാത്രി 10.40-ന് ഷാർജയിൽ നിന്ന് പുറപ്പെടുന്ന എയര് ഇന്ത്യ എക്സ്പ്രസ് വിമാനത്തിൽ കൊണ്ടുപോകുന്ന മൃതദേഹം നാളെ (വെള്ളി) രാവിലെ 4.10-ന് കണ്ണൂരിലെത്തും.
ഇന്ന് വൈകുന്നേരം അസര് നമസ്കാരത്തിന് ശേഷം(4.30 ന്) ഷാര്ജ ഫോറന്സിക് ഡിപ്പാര്ട്ട്മെന്റ് മസ്ജിദിൽ മയ്യിത്ത് നമസ്കാരം നടക്കും. യാബ് ലീഗല് സര്വീസസ് സിവില് ഡിപ്പാര്ട്ട്മെന്റ് പ്രതിനിധി അഡ്വ. ഷൗക്കത്ത് സഖാഫി മയ്യിത്ത് നിസ്കാരത്തിന് നേതൃത്വം നല്കും. (ഷാര്ജ ഫോറന്സിക് ഡിപ്പാര്ട്ട്മെന്റിന്റെ ലൊക്കേഷൻ ഇതോടൊപ്പം ചേർക്കുന്നു)
നിയമനടപടികൾ വേഗത്തിലാക്കി മൃതദേഹം എത്രയും പെട്ടെന്ന് നാട്ടിലെത്തിക്കുന്നതിനായി ബന്ധുക്കളും സുഹൃത്തുക്കളുമായ അബ്ദുല് റഷീദ് (തെക്കുംമ്പാട്), റിയാസ് (നെരുവമ്പ്രം), ബദറുദ്ധീൻ (ഇരിണാവ്) എന്നിവരും യാബ് ലീഗല് സര്വീസസ് സി.ഇ.ഒ സലാം പാപ്പിനിശ്ശേരി, ലീഗല് ഡിപ്പാര്ട്ട്മെന്റ് പ്രതിനിധികളായ ഉബൈദ് ജാസിം മുഹമ്മദ് സൈഫ് അല് ഷംസി, ലുഅയ്യ് അബൂ അംറ, ക്ലെയിംസ് മാനേജര് മുന്ദിര് കല്പകഞ്ചേരി എന്നിവരും സജീവമായി രംഗത്തുണ്ടായിരുന്നു. കേരള കൃഷി വകുപ്പ് മന്ത്രി ബഹു. ടി. സിദ്ധീഖിന്റെ ഭാഗത്തുനിന്നും ഈ വിഷയത്തിൽ അടിയന്തര ഇടപെടലുണ്ടായി. https://www.google.com/maps/search/Forensic+Laboratory/@25.3361244,55.4599953,17z?hl=en&entry=ttu&g_ep=EgoyMDI2MDYwMy4xIKXMDSoASAFQAw%3D%3D
Gulf
ഷാര്ജയില് കൊല്ലപ്പെട്ട കണ്ണൂര് പഴയങ്ങാടി സ്വദേശി ഇസ്മാഈലിന്റെ മൃതദേഹം നാട്ടിലെത്തിക്കാനുള്ള നടപടികള് പുരോഗമിക്കുന്നു
ഷാർജ: യുഎഇയിലെ ഷാർജയിൽ ടിക്ടോക് തർക്കത്തെ തുടർന്നുണ്ടായ സംഘർഷത്തിൽ കൊല്ലപ്പെട്ട കണ്ണൂർ പഴയങ്ങാടി മാട്ടൂൽ സ്വദേശി ഇസ്മാഈല് പൊന്നാരം ഇബ്റാഹീമിന്റെ (40) മൃതദേഹം നാട്ടിലേത്തിക്കുന്നതിന് വേണ്ട നടപടികള് പുരോഗമിക്കുന്നു. ഇതുമായി ബന്ധപ്പെട്ട് ഷാര്ജ അല് ഖാസിമിയ്യ ഹോസ്പിറ്റല്, ഷാര്ജ ഫോറന്സിക് ഡിപ്പാര്ട്ട്മെന്റ്, ഷാര്ജ കോടതി എന്നിവയുമായി ഏകോപിച്ച് യാബ് ലീഗല് സര്വീസസ് സി.ഇ.ഓ സലാം പാപ്പിനിശ്ശേരി, യാബ് ലീഗല് സര്വീസസ് ടീം അംഗങ്ങളായ മുന് ഷാര്ജ പോലീസ് ഉദ്യോഗസ്ഥരായ ഉബൈദ് ജാസിം മുഹമ്മദ് സൈഫ് അല്ഷംസി, ലുഅയ്യ് അബൂ അംറ്, ക്ലെയിംസ് മാനേജര് മുൻദിർ കൽപകഞ്ചേരി, എന്നിവര് ചേര്ന്ന് നടപടിക്രമങ്ങള് പൂര്ത്തീകരിച്ചുവരികയാണ്.
യുഎഇ സാമ്പത്തിക, ടൂറിസം മന്ത്രി അബ്ദുല്ല ബിന് തൗഖ് അല് മര്റി ഹോട്ട്പാക്കിന്റെ നാഷണൽ ഇൻവെസ്റ്റ്മെന്റ് പാർക്ക് ഫാക്ടറി സന്ദർശിച്ചു
ഷാർജയിൽ കൊല്ലപ്പെട്ട കണ്ണൂർ സ്വദേശി ഇസ്മാഈലിന്റെ മൃതദേഹം ഇന്ന് നാട്ടിലേക്ക് കൊണ്ടുപോകും; മയ്യിത്ത് നമസ്കാരം വൈകുന്നേരം ഷാർജ ഫോറൻസിക്കിൽ
ഷാര്ജയില് കൊല്ലപ്പെട്ട കണ്ണൂര് പഴയങ്ങാടി സ്വദേശി ഇസ്മാഈലിന്റെ മൃതദേഹം നാട്ടിലെത്തിക്കാനുള്ള നടപടികള് പുരോഗമിക്കുന്നു
ലോക തൊഴിലാളി ദിനം: ഹോട്ട്പാക്കിന്റെ 1,500 ജീവനക്കാർ ദുബായ് മിറക്കിള് ഗാര്ഡനിൽ ഒത്തൊരുമിച്ചു
അച്ചരപ്പാക്കത്തുനിന്നും ദുബായിലേക്ക്; തനത് തമിഴ് രുചികളുമായി ‘മന്ന മെസ്’ ഇനി പ്രവാസികൾക്ക് മുന്നിൽ
-
World3 years ago
കപ്പലിൽ 15 ഇന്ത്യക്കാർ; തട്ടിക്കൊണ്ടുപോകൽ സൊമാലിയൻ തീരത്ത്, പിന്നാലെ കുതിച്ച് ഇന്ത്യൻ നാവികസേന
-
Gulf2 years ago
സൗദിയില് നിന്ന് കടലിനടിയിലൂടെ വൈദ്യുതി; സാങ്കേതിക പഠനം തുടങ്ങി ഇന്ത്യ
-
Gulf2 years ago
ഓവർസ്റ്റേ സംബന്ധിച്ച സോഷ്യൽ മീഡിയ വാർത്തകൾ തെറ്റ് : ജിഡിആർഎഫ്എ- ദുബായ് — ദുബായിലെ വിസ സംബന്ധമായ അന്വേഷണങ്ങൾക്ക് 8005111 നമ്പറിൽ വിളിക്കാം
-
Top News3 years ago
ഏപ്രിൽ മുതൽ എയർ ഇന്ത്യക്ക് ഏഴ് പുതിയ റൂട്ടുകൾ, അറിയേണ്ടതെല്ലാം
-
Gulf2 years ago
ഒമാനില് ജനങ്ങള് കൈകോര്ത്ത് മലകള്ക്കിടയിലൂടെ റോഡ് നിര്മിച്ചു; 450 കിലോമീറ്റര് യാത്ര 10 കിലോമീറ്ററായി കുറഞ്ഞു
-
Gulf2 years ago
ദുബായിലെ ബസപകടം; നഷ്ടപരിഹാരതുക ലഭിക്കില്ലെന്ന് പറഞ്ഞു നിയമസ്ഥാപനങ്ങൾ ഒഴിവാക്കിയ കേസിൽ സലാം പാപ്പിനിശ്ശേരിയുടെ ഇടപെടൽ ഫലം കണ്ടു. കോടതി ചിലവ് ഉൾപ്പെടെ 47 ലക്ഷം ഇന്ത്യൻ രൂപ (രണ്ടുലക്ഷത്തി ആറായിരം ദിർഹംസ് ) തുക നൽകാൻ ഉത്തരവ്
-
Business2 years ago
മിഡിൽ ഈസ്റ്റിൽ ചികിത്സാ ചെലവുകൾ കുറയ്ക്കാം; ആശുപത്രി വാസം ഒഴിവാക്കാൻ ആകും, ഒരു പുതു സംരംഭം
-
Tech2 years ago
ആ ‘ശല്യം’ ഇനി ഇന്സ്റ്റഗ്രാമിലും; പുതിയ നീക്കവുമായി മെറ്റ