Health & Fitness
പ്രമേഹത്തെ നിയന്ത്രിക്കാന്‍ ഇതാ ഹെല്‍ത്തി ഫാറ്റ് അടങ്ങിയ 5 ഭക്ഷണങ്ങള്‍
സ്‌ട്രോക്ക്, ഹാര്‍ട്ട് അറ്റാക്ക് എന്നീ അസുഖങ്ങള്‍ വരുന്നതിന്റെ പിന്നിലെ ഏറ്റവും വലിയ വില്ലന്‍ പ്രമേഹം ആണ്. കൃത്യമായ ആഹാരരീതിയും ശീലങ്ങളും പിന്തുടര്‍ന്നാല്‍ മാത്രമാണ് പ്രമേഹം വരാതിരിക്കാനും അതുപോലെ, പ്രമേഹത്തെ നിയന്ത്രിക്കാനും സാധിക്കുകയുള്ളൂ. പ്രമേഹത്തെ നിയന്ത്രിക്കുന്നതിന് സഹായിക്കുന്ന കുറച്ച് ആഹാരങ്ങള്‍ ഏതെല്ലാമെന്ന് നോക്കാം.
പ്രമേഹം വില്ലനാകുന്നത് എപ്പോള്‍?
കുട്ടികളിലും യുവാക്കളിലും ഇന്ന് പ്രധാനമായും ടൈപ്പ് 1 പ്രമേഹമാണ് കണ്ടുവരുന്നത്.
പ്രമേഹം തുടക്കത്തില്‍ തന്നെ കണ്ടെത്തി കൃത്യമായ മരുന്നും ഡയറ്റും എടുത്ത് നിയന്ത്രിച്ചില്ലെങ്കില്‍ ഇത് പല ഗുരുതര ആരോഗ്യ പ്രശ്‌നങ്ങളിലേയ്ക്ക് നയിക്കും. പ്രത്യേകിച്ച് സ്‌ട്രോക്ക്, അറ്റാക്ക് എന്നീ അസുഖങ്ങള്‍ വരുന്നതിന് കാരണമാണ്.
പ്രമേഹത്തെ നിയന്ത്രിക്കാന്‍ മരുന്നിനൊപ്പം തന്നെ ആഹാരത്തിലും കുറച്ച് ശ്രദ്ധ വേണം. നല്ല ഹെല്‍ത്തി ഫാറ്റ് അടങ്ങിയതും നാരുകള്‍ അടങ്ങിയതുമായ ഭക്ഷണങ്ങള്‍ കഴിക്കാന്‍ ശ്രദ്ധിക്കണം. പൊതുവില്‍ 4 തരത്തിലുള്ള കൊഴുപ്പാണ് ഉള്ളത്. സാറ്റുറേറ്റഡ് ഫാറ്റ്, ട്രാന്‍സ് ഫാറ്റ്, മോണോആണ്‍സാറ്റുറേറ്റഡ് ഫാറ്റ്, പോളിഅണ്‍സാറ്റുറേറ്റഡ് ഫാറ്റ് എന്നിവയാണ് അവ.
ഇതില്‍ ആരോഗ്യത്തിന് ഗുണം ചെയ്യുന്നത് മോണോഅണ്‍സാറ്റുറേറ്റഡ് ഫാറ്റും പോളി അണ്‍സാറ്റുറേറ്റഡ് ഫാറ്റുമാണ്. ഇത്തരത്തില്‍ പ്രേമേഹ രോഗികള്‍ക്ക് കഴിക്കാന്‍ പറ്റിയ നല്ല ഹെല്‍ത്തി ഫാറ്റ് അടങ്ങിയ ആഹാരങ്ങള്‍ ഏതെല്ലാമെന്ന് നോക്കാം.
ഓയില്‍
ഒട്ടുമിക്ക ആഹാരങ്ങളും തയ്യാറാക്കുന്നത് ഓയിലില്‍ ആണ്. അമിതമായി ഓയില്‍ ഉപയോഗിക്കുന്നത് നല്ലതല്ല. പ്രമേഹം കൂട്ടുന്നതിനും കൊളസ്‌ട്രോള്‍ കൂടുന്നതിനും ഇത് കാരണമാണ്. എന്നാല്‍ മോണോഅണ്‍സാറ്റുറേറ്റഡ് ഫാറ്റും പോളിഅണ്‍സാറ്റുറേറ്റഡ് ഫാറ്റ് അടങ്ങിയതുമായ ഓയിലുകള്‍ പാചകത്തിന് ഇന്ന് ലഭ്യമാണ്.
ഒലീവ് ഓയില്‍, കനോല ഓയില്‍, റൈസ് ബാന്‍ ഓയില്‍, വാള്‍നട്ട് ഓയില്‍ എന്നിവയെല്ലാം പാചകത്തിന് ഉപയോഗിക്കുന്നത് രക്തത്തില്‍ പഞ്ചസ്സാരയുടെ അളവ് കൂടുന്നത് കുറയ്ക്കാന്‍ സഹായിക്കുന്നുണ്ട്.
നട്‌സ്
നമ്മള്‍ ഇടവേളകളില്‍ ബിസ്‌ക്കറ്റ്, റസ്‌ക്ക് പോലെയുള്ള പ്രോസസ്സ്ഡ് പലഹാരങ്ങള്‍ കഴിക്കാന്‍ തിരഞ്ഞെടുക്കുന്നതിന് പകരം നട്‌സ് കഴിക്കാന്‍ തിരഞ്ഞെടുക്കുന്നത് നല്ലതാണ്.
നട്‌സ് കഴിക്കുന്നതിലൂടെ ശരീരത്തിലെ പഞ്ചസ്സാരയുടെ അളവ് ഒരിക്കലും വര്‍ദ്ധിക്കുന്നില്ല. കൂടാതെ, കാര്‍ബോഹൈഡ്രേറ്റ്് അടങ്ങിയ ആഹാരത്തിനൊപ്പം നട്‌സ് ചേര്‍ത്ത് കഴിച്ചാല്‍ ഇത് ഗ്ലൈസെമിക് റസ്‌പോണ്‍സ് കുറയ്ക്കാന്‍ സഹായിക്കുന്നു. ഇത് പ്രമേഹത്തെ നിയന്ത്രിക്കാന്‍ സഹായിക്കുന്നുണ്ട്.
എള്ള്
എള്ള് എല്ലെങ്കില്‍ എള്ളെണ്ണ എന്നിവ ആഹാരത്തില്‍ ചേര്‍ക്കുന്നത് പ്രമേഹത്തെ നിയന്ത്രിക്കാന്‍ നല്ലതാണ്. ഇതില്‍ മഗ്‌നീഷ്യം, അതുപോലെ, മിനറല്‍സ് എന്നിവ അടങ്ങിയിരിക്കുന്നു. ഇത് രക്തത്തില്‍ പഞ്ചസ്സാരയുടെ അളവ് കുറയ്ക്കാന്‍ സഹായിക്കുന്നുണ്ട്.
കൂടാതെ, ഇതില്‍ ആന്റിഓക്‌സിഡന്റ്‌സും ആന്റിഇന്‍ഫ്‌ലമേറ്ററി പ്രോപര്‍ട്ടീസും അടങ്ങിയിരിക്കുന്നു. ഇത് മെറ്റബോളിസം കൂട്ടുന്നതിനും കൊളസ്‌ട്രോള്‍ കുറയ്ക്കുന്നതിനും സഹായിക്കുന്നു.
അവോകാഡോ
ഷുഗര്‍ ഫ്രീ ആയിട്ടുള്ള ഒരു പഴമാണ് അവോകാഡോ. ധാരാളം നാരുകളാലും മോണോസാറ്റുറേറ്റഡ് ഫാറ്റും ഇതില്‍ അടങ്ങിയിരിക്കുന്നു. കൂടാതെ, മഗാനീഷ്യം, വിറ്റമിന്‍സ്, മിനറല്‍സ് എന്നിവയും അടങ്ങിയിരിക്കുന്നു. അതിനാല്‍ തന്നെ അവോകാഡോ ആഹാരത്തില്‍ ചേര്‍ത്ത് കഴിക്കുന്നത് പ്രമേഹത്തെ നിയന്ത്രിക്കുന്നതിന് സഹായിക്കുന്നുണ്ട്.
ഫാറ്റി ഫിഷ്
നല്ല ഒമേഗ-3 അടങ്ങിയ ഫാറ്റി ഫിഷ് വാങ്ങി കഴിക്കുന്നത് നല്ലതാണ്. ഫാറ്റി ഫിഷുകളില്‍ വിറ്റമിന്‍ ഇയും അടങ്ങിയിട്ടുണ്ട്. ഇതെല്ലാം രക്തത്തില്‍ പഞ്ചസ്സാരയുടെ അളവ് നിയന്ത്രിക്കാന്‍ സഹായിക്കുന്നുണ്ട്.
ഈ മീനുകള്‍ ഗ്രില്‍ ചെയ്ത് കഴിക്കുന്നത്, കറി വെച്ച് കഴിക്കുന്നതും നല്ലതാണ്. 30-5- ഗ്രാം ഫാറ്റി ഫിഷ് ആഹാരത്തില്‍ ഉള്‍പ്പെടുത്തുന്നതാണ് പ്രമേഹത്തെ നിയന്ത്രിക്കാന്‍ ഏറ്റവും നല്ലത്.
അയല, ചാള, ചൂര, ചെമ്മീന്‍ എന്നിവയിലെല്ലാം ഒമേഗ-3 അടങ്ങിയിട്ടുള്ള ഫാറ്റി ഫിഷുകളാണ്. ഇവ ആഹാരത്തില്‍ ചേര്‍ക്കം.