റിയാദ്: സൗദിയിലെ ആരോഗ്യ മേഖലയിൽ ജോലി ചെയ്യുന്നവർക്ക് പുതിയ ഡ്രസ്സ് കോഡുമായി അധികൃതർ. തൊഴിലിടങ്ങളിൽ വ്യക്തി ശുചിത്വം നിലനിർത്തുന്നതിന്റെ ഭാഗമായാണ് പുതിയ ഡ്രസ്സ് കോഡുമായി അധികൃതർ എത്തിയിരിക്കുന്നത്. സാമൂഹിക മര്യാദകൾ പാലിക്കുന്നതിന്റെ ഭാഗമായാണ് പുതിയ പരിഷ്കാരം സൗദി കൊണ്ടു വന്നിരിക്കുന്നത്.
മാന്യവും പൊതുസമൂഹത്തിന് ചേർന്നതുമായ വസ്ത്രം ആയിരിക്കണം ആരോഗ്യ മേഖലയിലെ ജീവനക്കാർ തൊഴിലിടങ്ങളിൽ ധരിക്കേണ്ടത് എന്നാണ് നൽകിയിരിക്കുന്ന നിർദേശം. സ്ത്രീകൾക്കും പുരുഷന്മാർക്കും വ്യത്യസ്ത നിർദേശങ്ങളാണ് നൽകിയിരിക്കുന്നത്. ജോലിക്കായി വരുമ്പോൾ പുരുഷൻമാർ പൈജാമയും ഷോർട്‌സും ധരിക്കാൻ പാടില്ല. മാത്രമല്ല, അശ്ലീല ചിത്രങ്ങളോ പദപ്രയോഗങ്ങളോ എഴുതിയ ഒരു വസ്ത്രവും ധരിക്കാൻ പാടില്ല. രാജ്യത്തെ നിയമങ്ങൾക്ക് അനുസരിച്ച് മാത്രമേ ഹെയർ സ്റ്റെൽ പുരുഷൻമാർ വെക്കാൻ പാടുളളു. വിചിത്രമായ രീതിയിൽ ഹെയർസ്റ്റൈൽ പുരുഷൻമാർ വെക്കുന്നതിനും വിലക്കുണ്ട്.
വിദേശ രാജ്യങ്ങളിൽ നിന്നും സൗദിയിലേക്കുള്ള ഉംറ തീർഥാടകരുടെ എണ്ണം വർധിച്ചു. റജബ് മാസമായതോടെയാണ് മക്കയിലേക്കുള്ള തീർഥാടകരുടെ വരവ് വർധിച്ചിരിക്കുന്നത്. റജബ്, ശഅബാൻ, റമദാൻ മാസങ്ങളിൽ ലോകത്തിന്റെ വിവിധ രാജ്യങ്ങളിൽ നിന്നുള്ള ഉംറ തീർഥാടകരുടെ എണ്ണം എല്ലാവർഴും ഉയർന്നാണ് ഉള്ളത്. തുർക്കി, ഇന്തോനേഷ്യ, ഈജിപ്ത്, ടുണീഷ്യ, അൾജീരിയ, പാകിസ്താൻ, ലിബിയ, ഉസ്ബകിസ്താൻ, അസർബൈജാൻ, മലേഷ്യ, ഇന്ത്യ തുടങ്ങിയ രാജ്യത്തി നിന്നാണ് കൂടുതലും തീർഥാടകരെത്തികൊണ്ടിരിക്കുന്നത്.
റമാദാൻ മാസം അടുക്കുന്നതോടെ തീർഥാടകരുടെ എണ്ണത്തിൽ വലിയ വർധനവാണ് ഉണ്ടാകുക. വരും ആഴ്ചകളിൽ തീർഥാടകരുടെ വരവ് ഇനിയും കൂടും. ഉംറ ആഗ്രഹിക്കുന്നവർക്ക് എളുപ്പത്തിൽ വിസ ഇപ്പോൾ ലഭിക്കും. വിസ ലഭിക്കുന്നതിന് നൂതനമായ സംവിധാനങ്ങളാണ് സൗദി ഒരുക്കിയിരുന്നത്. ഹജ്ജ് ഉംറ മന്ത്രാലയം ആണ് ഇതുമായി ബന്ധപ്പെട്ട ലഘൂകരിച്ചത്.
അതിനിടെ രാജ്യത്തേക്ക് തീർഥാടകർ വരുന്നത് കൂടുന്ന സാഹചര്യത്തിൽ ഉംറ കർമ്മം നിർമ്മിക്കാൻ ആളുകളുടെ എണ്ണം കൂടും. അതിനാൽ നിശ്ചിത സമയം കഴിഞ്ഞാൽ രാജ്യം വിട്ടുപോകാൻ അധികൃതർ നിർദേശം നൽകിയിട്ടുണ്ട്. കൂടുതൽ ആളുകളെ ഉൾക്കൊള്ളാൻ ഹറമുകളിൽ സാധിക്കില്ല. കൂടുതൽ സൗകര്യങ്ങളും അതത് വകുപ്പുകൾ പൂർത്തിയാക്കിയിട്ടുണ്ട്. റമദാൻ അടുത്തതോടെ വിവിധ എംബസികളിലും കോൺസുലേറ്റുകളിലും ഉംറ നടപടികൾ സജീവമാക്കിയിട്ടുണ്ട്.
