സൗദി: സിസിടിവി ദൃശ്യങ്ങൾ പ്രചരിപ്പിക്കരുതെന്ന് മുന്നറിയിപ്പുമായി സൗദി. സുരക്ഷാ നിരീക്ഷണ ക്യാമറ നിയമത്തിലെ വ്യവസ്ഥകൾ സംഘിച്ചാൽ ശക്തമായ പിഴ ലഭിക്കുമെന്ന് ആഭ്യന്തര മന്ത്രാലയം പ്രഖ്യാപിച്ചു. സിസിടിവി ദൃശ്യങ്ങൾ പ്രചരിപ്പിക്കുന്നവർക്കും പുറത്തുവിടുന്നവർക്കും പിഴ ഈടാക്കും. ഇരുപതിനായിരം റിയാൽ പിഴയാണ് ഈടാക്കുക.
വീടുകൾക്ക് മുന്നിൽ നിന്നുള്ള വീഡിയോ, സ്ഥാപനങ്ങളിൽ സിസിടിവി ദൃശ്യങ്ങൾ എന്നിവയെല്ലാം പുറത്തുവിടുന്നത് ഒരേ കുറ്റമായി പരിഗണിക്കും. ആഭ്യന്തര മന്ത്രാലയമാണ് ഇക്കാര്യങ്ങൾ വ്യക്തമാക്കിയത്. രാജ്യത്തെ വ്യക്തികളുടെ സ്വകാര്യതയും സുരക്ഷയും ഉറപ്പാക്കുന്നതാണ് പുതിയ വ്യവസ്ഥകൾ.
അനധികൃതമായി സിസിടിവി ദൃശ്യങ്ങൾ കെെമാറുകയോ, സോഷ്യൽ മീഡിയ വഴി പ്രചരിപ്പിക്കുകയോ ചെയ്താൽ ശിക്ഷയുടെ പരിതിയിൽ വരും. ക്യാമറകൾ സ്ഥാപിച്ചാൽ മാത്രം പോര അതിന്റെ പ്രവർത്തനങ്ങൾ നടക്കുന്നുണ്ടോയെന്നും പരിശോധിക്കണം. ദൃശ്യങ്ങൾ നശിപ്പിച്ചാലും ഇതേ പിഴ നൽകണം. പൊതുസ്ഥലങ്ങളിലെ ക്യാമറകളും ഉപകരണങ്ങളും നശിപ്പിച്ചാൽ പിഴ ലഭിക്കും. ഇരുപതിനായിരം റിയാലാണ് പിഴ ലഭിക്കുന്നത്. കൂടാതെ ക്യാമറകൾ സ്ഥാപിക്കാൻ പാടില്ലാത്ത സ്ഥലങ്ങളിൽ ക്യാമറകൾ സ്ഥാപിച്ചാൽ പിഴ ഈടാക്കും. പതിനായിരം റിയാൽ പിഴ ലഭിക്കുന്ന കുറ്റമാണ് ഇത്. സ്ഥാപനങ്ങളിലെ ദൃശ്യങ്ങൾ സ്ഥാപന ഉടമകൾ നിർബന്ധമായും സൂക്ഷിക്കണം. നിശ്ചിത അളവിലെ ദൃശ്യങ്ങൾ ആണ് സൂക്ഷിക്കേണ്ടത്. വീഴ്ച വരുത്തുന്നവർക്ക് അയ്യായിരം റിയാൽ പിഴ നൽകേണ്ടി വരും
