ദോഹ: ഗൾഫിൽ ഏറ്റവും കൂടുതൽ വേതനമുള്ള രാജ്യമായി ഖത്തർ. 3.40 ലക്ഷം രൂപയാണ് ഖത്തറിലെ ശരാശരി വേതനം. ആഗോള തലത്തിൽ ഖത്തർ ആറാം സ്ഥാനത്താണ്.
ഓൺലൈൻ സ്റ്റാറ്റിസ്റ്റിക്സ് വെബ്സൈറ്റായ നംബിയോയാണ് ശരാശരി വേതനം അടിസ്ഥാനമാക്കിയുള്ള ലോകരാജ്യങ്ങളുടെ പട്ടിക തയ്യാറാക്കിയത്. ഗൾഫ് രാജ്യങ്ങളിൽ ഏറ്റവും കൂടുതൽ ശമ്പളം നൽകുന്ന രാജ്യമാണ് ഖത്തർ.
4130.45 യുഎസ് ഡോളർ അതായത് മൂന്ന് ലക്ഷത്തിന് നാൽപതിനായിരം രൂപയിലേറെ വരും ഖത്തറിലെ പ്രതിമാസ ശരാശരി വേതനം. സ്വിറ്റ്സർലൻഡ് ആണ് പട്ടികയിൽ മുന്നിൽ. അഞ്ച് ലക്ഷം ഇന്ത്യൻ രൂപയിലധികം വരും ശമ്പളം. ലക്സംബർഗ് രണ്ടാം സ്ഥാനത്തും സിങ്കപ്പൂർ മൂന്നാം സ്ഥാനത്തുമാണ്. അമേരിക്കയാണ് നാലാം സ്ഥാനത്ത്.മൂന്നേ മുക്കാൽ ലക്ഷത്തോളം ഇന്ത്യൻ രൂപയാണ് അമേരിക്കയിലെ ശരാശരി ശമ്പളം.12 അറബ് രാജ്യങ്ങൾ പട്ടികയിൽ ആദ്യ നൂറിലുണ്ട്.
ഖത്തറിനു പിന്നിൽ യുഎഇയാണ് രണ്ടാം സ്ഥാനത്ത്. ഏതാണ്ട് 2.86500 രൂപയാണ് ശരാശരി ശമ്പളം. ആഗോള തലത്തിൽ യുഎഇ ഏഴാം സ്ഥാനത്തുണ്ട്. കുവൈത്ത്, ഒമാൻ, സൌദി അറേബ്യ എന്നിവയാണ് അറബ് രാജ്യങ്ങളിൽ ആദ്യ അഞ്ച് സ്ഥാനങ്ങളിലുള്ള മറ്റുരാജ്യങ്ങൾ.163000 രൂപയാണ്ൗ ദിയിലെ ശരാശരി പ്രതിമാസ ശമ്പളം. പട്ടികയിൽ ഇന്ത്യ 63 ആം സ്ഥാനത്താണ്. 46720 രൂപയാണ് ഇന്ത്യയിലെ ശരാശരി ശമ്പളം.
