ദുബായ്: ജുൺ മുതൽ യുഎഇയിൽ നിലവിൽവന്ന കോർപറേറ്റ് നികുതി ബാധ്യതയുള്ളവർ ആരെല്ലാം ആണെന്ന് വ്യക്തമാക്കുന്ന മാർഗരേഖ പുറത്തിറക്കി ഫെഡറൽ ടാക്സ് അതോറിറ്റി. രാജ്യത്തു വന്നു ജോലി ചെയ്തു വരുമാനം നേടുന്നവർക്കു ബിസിനസ് ചെയ്യുന്നവർക്കും കോർപറേറ്റ് നികുതി ബാധ്യതയുണ്ടോയെന്ന് മനസ്സിലാക്കാൻ സാധിക്കുന്ന തരത്തിലുള്ള രേഖയാണ് പുറത്തിറക്കിയിരിക്കുന്നത്. നികുതി നൽകാൻ ബാധ്യതയുള്ള രാജ്യത്തുനിന്ന് വരുമാനം നേടുന്ന ‘നാചുറൽ പേഴ്സൻ’ ആരാണെന്ന് വ്യക്തമായി പറയുന്ന ഗൈഡ് ആണ് അധികൃതർ പുറത്തിറക്കിയിരിക്കുന്നത്.
യുഎഇയിൽ താമസക്കാരായവർക്കും അല്ലാത്തവരുമായ എല്ലാ പ്രായത്തിലുള്ള വ്യക്തികളെയും ഉൾക്കൊള്ളിച്ചാണ് ‘നാചുറൽ പേഴ്സൻ’ എന്ന പ്രയോഗം നടത്തിയിരിക്കുന്നത്. 2024 കലണ്ടർ വർഷം മുതൽ വാർഷിക വരുമാനം 10 ലക്ഷം ദിർഹമിൽ കൂടുതലുള്ള, എല്ലാവരും കോർപറേറ്റ് നികുതിക്ക് രജിസ്ട്രേഷൻ പൂർത്തിയാക്കണം. ഇത് പൂർത്തിയാക്കിയ ശേഷം ഇതിന്റെ രജിസ്റ്റർ നമ്പർ നേടിയിരിക്കണം. എഫ്.ടി.എ വെബ്സൈറ്റിൽ ഗൈഡ് നൽകിയിട്ടുണ്ട്. അത് അനുസരിച്ച് മാത്രമേ കാര്യങ്ങൾ ചെയ്യാൻ സാധിക്കുകയുള്ളു.
രാജ്യത്ത് താമസക്കാരല്ലാത്ത വ്യക്തികൾക്ക് യു.എ.ഇയിൽ സ്ഥിരം സ്ഥാപനമുണ്ടാവുകയും 10 ലക്ഷം ദിർഹമിൽ കൂടുതൽ വരുമാനം ലഭിക്കുകയും ചെയ്താലാണ് നികുതി അടക്കേണ്ടിവരുക. എന്നാൽ ജോലിയിൽനിന്നുള്ള വരുമാനം, വ്യക്തിപരമായ നിക്ഷേപത്തിൽ നിന്നുള്ള വരുമാനം, റിയൽ എസ്റ്റേറ്റ് നിക്ഷേപ വരുമാനം എന്നിവക്ക് കോർപറേറ്റ് നികുതിയിൽ ഇളവുണ്ട്. കൂടാതെ യുഎഇയിൽ ബിസിനസ് ചെയ്യുന്നവർക്ക് നികുതി എങ്ങനെയാണ് ബാധകമാകുന്നത് എന്ന ചോദ്യത്തിൽ പ്രായോഗിക ഉദാഹരണങ്ങളിലൂടെ വിശദീകരണം ഗെെഡ് നൽകുന്നുണ്ട്.
ബിസിനസ് സ്ഥാപനങ്ങൾ ഒമ്പത് ശതമാനമാണ് കോർപറേറ്റ് ടാക്സ് നൽകേണ്ടത്. കൂടാതെ സർക്കാർ സ്ഥാപനങ്ങൾ, സർക്കാർ നേരിട്ട് നിയന്ത്രണം നൽകുന്ന സ്ഥാപനങ്ങൾ, ഖനന മേഖലയിലെ സ്ഥാപനങ്ങൾ എന്നിവയയെ നികുതി നൽകുന്നതിൽ നിന്നും ഒഴിവാക്കിയിട്ടുണ്ട്. വിവിധ മാനദണ്ഡങ്ങളുടെ അടിസ്ഥാനത്തിൽ ആണ് ഇവയെ കോർപറേറ്റ് നികുതിയിൽനിന്ന് ഒഴിവാക്കിയിരിക്കുന്നതെന്ന് നേരത്തേ ധനകാര്യമന്ത്രാലയം വ്യക്തമാക്കിയിട്ടുണ്ട്.
പുതുവർഷം ആരംഭിക്കുന്നതിൻരെ പശ്ചാത്തലത്തിൽ ഷാർജയിൽ എല്ലാ സ്ഥാപനങ്ങൾക്കും അവധി പ്രഖ്യാപിച്ച് അധികൃതർ. എമിറേറ്റിലെ സർക്കാർ വകുപ്പുകൾ, വിവിധ ബോഡികൾ, സ്ഥാപനങ്ങൾ എന്നിവിടങ്ങളിലെ ജീവനക്കാർക്കാണ് അവധി പ്രഖ്യാപിച്ചിരിക്കുന്നത്. പുതുവത്സരദിനമായ ജനുവരി ഒന്നിന് പൊതു അവധി പ്രഖ്യാപിച്ച് ഷാർജ ഭരണകൂടം അറിയിച്ചു. ഞായറാഴ്ച മാനവ വിഭവ വകുപ്പാണ് അവധി പ്രഖ്യാപിച്ചത്.
വെള്ളി, ശനി, ഞായർ സർക്കാർ ജീവനക്കാർക്ക് അവധിയായതിനാൽ നാല് ദിവസത്തെ അവധിയായിരിക്കും ലഭിക്കുന്നത്. അവധിക്കുശേഷം ചൊവ്വാഴ്ചയായിരിക്കും ഇനി ഓഫീസുകൾ പ്രവർത്തിക്കുക. ദുബായ് സർക്കാരും നേരത്തെ ജനുവരി ഒന്നിന് അവധി പ്രഖ്യാപിച്ചിരുന്നു.
