ബഹ്റെെൻ: ബഹ്റെെനിൽ ഡ്രോണുകൾക്ക് നിബന്ധനകളോടെ അനുമതി നൽകുന്ന ആപ്പുകൾ നടപ്പിലാക്കും. ഡ്രോണുകൾ വാങ്ങുന്നതിനും രജിസ്റ്റർ ചെയ്യുന്നതിനുമുള്ള നടപടികൾ വേഗത്തിലാക്കുന്നതിന്റെ ഭാഗമായാണ് പുതിയ പദ്ധതിയുമായി ബഹ്റെെൻ എത്തിയിരിക്കുന്നത്.
രാജ്യത്ത് വെബ് അധിഷ്ഠിത ഡ്രോൺ ലൈസൻസിങ് സംവിധാനം നടപ്പിലാക്കാൻ തീരുമാനിച്ചിട്ടുണ്ട്. ടെലികമ്മ്യൂണിക്കേഷൻ ഗതാഗത, മന്ത്രാലയം ആണ് ഇക്കാര്യം അറിയിച്ചത്. ഡ്രോണുകളുടെ രജിസ്ട്രേഷൻ പ്രക്രിയ ലളിതമാക്കുകയാണ് ഇതിലൂടെ ലക്ഷ്യമാക്കുന്നത്.
ഡ്രോൺ സേവനങ്ങൾക്കുള്ള അംഗീകാരവും നടപടി ക്രമങ്ങളും കെെകാര്യം ചെയ്യാൻ വേണ്ടി ഏവിയേഷൻ സേഫ്റ്റി ആൻഡ് സെക്യൂരിറ്റി ഡയറക്ടറേറ്റിനെയും എയറോനോട്ടിക്കൽ ലൈസൻസ് ഡയറക്ടറേറ്റിനെയും സഹായിക്കുന്ന തരത്തിൽ ഒരു വെബ് അധിഷ്ഠിത ഡ്രോൺ ഹബ് സിസ്റ്റം ഉണ്ടാക്കുകയും ലക്ഷ്യം വെക്കുന്നുണ്ട്. ഇത്തരത്തിലുള്ള സംവിധാനം ഉണ്ടാക്കാൻ ഡെവലപർമാരെ ക്ഷണിച്ചുകൊണ്ട് ടെൻഡർ പ്രക്രിയ ആരംഭിച്ചിട്ടുണ്ട്. പൊതു പോർട്ടലും സർക്കാർ പോർട്ടലും ഉൾക്കൊള്ളുന്ന ഒരു ദ്വിതല സംവിധാനമാണ് കൊണ്ടുവരാൻ ലക്ഷ്യം വെക്കുന്നത്.
പബ്ലിക് പോർട്ടൽ ഉപഭോഗ്താക്കൾക്ക് അവരുടെ രജിസ്ട്രേഷൻ സമർപ്പിക്കാനുള്ള അവസരം ഉണ്ടാകും. ഗതാഗത, ടെലികമ്മ്യൂണിക്കേഷൻ മന്ത്രാലയത്തിന് ആക്സസ് ചെയ്യാവുന്ന തരത്തിൽ അനുബന്ധ മൊബൈൽ ആപ്പും ഉണ്ടാക്കും. ഡ്രോൺ ഉപയോഗിക്കുന്നവരെ നീരീക്ഷിക്കാൻ വേണ്ടി സംവിധാനം ഉണ്ടാക്കും. വ്യക്തികൾക്ക് ഡ്രോണുകൾക്ക് അനുമതി നൽകമ്പോൾ അത് ദുരുപയോഗം ചെയ്യുന്നുണ്ടോ എന്നറിയാനുള്ള സംവിധാനം കൂടി ഉൾപ്പെടുത്തും.
മൂന്ന് വർഷത്തേക്കായിരിക്കും അനുമതി നൽകുക. ഒരു വിമാനത്താവളത്തിന്റെ അഞ്ച് മൈൽ ചുറ്റളവിൽ ഡ്രോണുകൾ പ്രവർത്തിപ്പിക്കരുതെന്നാണ് നിയമം. കടുത്ത നിയന്ത്രണത്തിലാണ് ഇതിന് വേണ്ടിയുള്ള ഒരുക്കങ്ങൾ നടക്കുന്നത്. ജനങ്ങൾ കൂടുതൽ താമസിക്കുന്ന സ്ഥലങ്ങളിൽ കൂടുതൽ ഉയരത്തിൽ പറപ്പിക്കാൻ പാടില്ല. ഡ്രോണുകൾ പറപ്പിക്കുന്നത് കനത്ത സുരക്ഷയിൽ ആയിരിക്കും. സർക്കാർ നിയന്ത്രണത്തിൽ ആണെങ്കിലും ഡ്രോണുകൾക്ക് അനുമതി ലഭിക്കുമെന്ന് വാർത്ത ഈ മേഖലയിൽ പ്രവർത്തിക്കുന്നവർക്ക് വലിയ ആശ്വാസം നൽകുന്ന വാർത്തയാണ്.
