ദുബായ്: 82 രാജ്യങ്ങളിൽ നിന്നുള്ള പൗരന്മാർക്ക് മുൻകൂർ വിസയില്ലാതെ യുഎഇയിൽ പ്രവേശിക്കാമെന്ന് യുഎഇ വിദേശകാര്യ മന്ത്രാലയം അറിയിച്ചു. അൽ ഖലീജ് പത്രമാണ് വാർത്ത റിപ്പോർട്ട് ചെയ്യുന്നത്. വിശദമായ വിസ വിവരങ്ങൾ അന്വേഷിക്കുന്ന യാത്രക്കാരോട് മന്ത്രാലയത്തിന്റെ ഔദ്യോഗിക വെബ്സൈറ്റ് സന്ദർശിക്കാൻ അധികൃതർ ആഹ്വാനം ചെയ്തു. 115 രാജ്യങ്ങളിൽ നിന്നുള്ള പൗരന്മാർക്ക് യുഎഇയിൽ പ്രവേശിക്കുന്നതിന് മുമ്പ് വിസ എടുക്കണം. 82 രാജ്യങ്ങളുടെ പട്ടികയും യാത്രക്കാർക്കുള്ള വിസ ഇളവുകളുമായി ബന്ധപ്പെട്ട മറ്റ് വിശദാംശങ്ങളും മന്ത്രാലയം പുറത്തുവിട്ടു.
വിസയെ സംബന്ധിച്ചുള്ള വിവരങ്ങളിൽ കൂടുതൽ വ്യക്തത വേണ്ടവർ ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ്, പോർട്ട് സെക്യൂരിറ്റി എന്നിവയുടെ ഔദ്യോഗിക വെബ്സൈറ്റ് പരിശോധിച്ചാൽ മതിയാകും. അല്ലെങ്കിൽ യാത്രക്കാർ അവരുടെ എയർലൈനുകളെ ബന്ധപ്പെട്ട് വിവരങ്ങൾ പരിശോധിക്കാം. ജിസിസി രാജ്യങ്ങളിലെ പൗരന്മാർക്ക് യുഎഇ സന്ദർശിക്കാൻ വിസയോ സ്പോൺസറോ ആവശ്യമില്ല. യുഎഇലേക്ക് പ്രവേശിക്കുന്ന അതിർഥികളിൽ എത്തുമ്പോൾ ജിസിസി രാജ്യം നൽകിയ പാസ്‌പോർട്ടോ അവരുടെ ഐഡി കാർഡോ ഹാജരാക്കിയാൽ മതിയാകും.
https://www.visitdubai.com/ar/plan-your-trip/visa-information എന്ന വെബ്സെെറ്റ് സന്ദർശിച്ചാൽവിസ ലഭിക്കുന്നതിനെ കുറിച്ചുള്ള വിവരങ്ങൾ ലഭിക്കും. 14 ദിവസത്തെ വിസ ഓൺ അറൈവൽ ലഭിക്കും. ആവശ്യമെങ്കിൽ ഇത് 14 ദിവസത്തേക്ക് കൂടി നീട്ടാവുന്നതാണ്. വിസ ഇളവ് അല്ലെങ്കിൽ വിസ-ഓൺ-അറൈവൽ വിഭാഗങ്ങളിൽ പെടാത്തവർക്ക് എൻട്രി പെർമിറ്റ് ആവശ്യമാണെന്ന് യുഎഇ ഡിജിറ്റൽ സർക്കാർ വ്യക്തമാക്കി. സന്ദർശനത്തിന്റെ ഉദ്ദേശ്യത്തെ ആശ്രയിച്ചിരിക്കുന്ന ഈ പെർമിറ്റ് അവർ യുഎഇയിൽ എത്തുന്നതിന് മുമ്പ് ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സിൽ നിന്ന് നേടിയിരിക്കണം.
യുഎഇ പാസ്‌പോർട്ട് ഇപ്പോഴത്തെ നിലവിലെ പാസ്‌പോർട്ട് ഇൻഡക്‌സ് വെബ്‌സൈറ്റിൽ ഒന്നാം സ്ഥാനത്താണ് ഉള്ളത് . ഇത് ലോകത്തിലെ ഏറ്റവും ശക്തമായ പാസ്‌പോർട്ടായി അംഗീകരിക്കപ്പെട്ടിരിക്കുന്നു . യുഎഇ പാസ്‌പോർട്ട് ഉടമകൾക്ക് 180 രാജ്യങ്ങളിൽ അനായാസം പ്രവേശിക്കാൻ സാധിക്കും. മൊത്തം 127 രാജ്യങ്ങൾക്ക് ഇപ്പോൾ യുഎഇലേക്ക് പ്രവേശിക്കാൻ സാധിക്കും.
