ഷാര്‍ജ: ഷാർജയിൽ മരണപെട്ട മലയാളി യുവാവ് ആരോമൽ വിനോദ് (25)ന്റെ മൃതദേഹം ഇന്ന് രാത്രി നാട്ടിലേക്ക് കൊണ്ട് പോകും.
ഹൃദയാഘാതം മൂലം കഴിഞ്ഞ 30 ന് ആണ് മരണപ്പെട്ടത്.തിരുവനന്തപുരം പേയാട് സ്വദേശിയാണ്. തിരുവോണദിവസമായ ചൊവ്വാഴ്ച രാത്രിയായിരുന്നു സംഭവം.യൂറോപ്പില്‍ വൈദ്യപഠനത്തിനുപോകുന്ന സഹോദരിയെ അബുദാബി വിമാനത്താവളത്തില്‍ കൊണ്ടുവിടാനായി മാതാപിതാക്കള്‍ക്കൊപ്പം താമസിക്കുന്ന കെട്ടിടത്തിന്റെ ലിഫ്റ്റില്‍നിന്ന് പുറത്തിറങ്ങുമ്പോള്‍ ദേഹാസ്വാസ്ഥ്യം അനുഭവപെടുകയായിരുന്നു. തുടർന്ന് ഉടൻ തന്നെ ആംബുലൻസ് വിളിച്ചു ഷാർജ ഖാസിമിയ ഹോസ്പിറ്റലിൽ എത്തിച്ചെങ്കിലും മരണം സംഭവിച്ചിരുന്നു. ഹൃദയാഘാതമാണ് മരണകാരണമെന്ന് കണ്ടെത്തി.യുഎ ഇ യാബ് ലീഗൽ സർവീസ് ചെയർമാൻ സലാം പാപ്പിനിശേരി, സാമൂഹിക പ്രവർത്തകൻ നിഹാസ് ഹാഷിം കല്ലറ,എന്നിവരുടെ നേതൃത്വത്തിൽ നിയമ നടപടികൾ പൂർത്തീകരിച്ച മൃതദേഹം ഇന്ന് രാത്രിയുള്ള എയർ ഇന്ത്യ വിമാനത്തിൽ നാട്ടിലേക്ക് കൊണ്ട് പോയി സംസ്കരിക്കും.
വിനോദ്കുമാര്‍ സുബ്രഹ്‌മണ്യന്‍പിള്ള – ബിന്ദു ദമ്പതികളുടെ മകനായ ആരോമല്‍ ഷാര്‍ജയിലെ പ്രമുഖ ഐ.ടി കമ്പനിയിലെ ജീവനക്കാരനാണ്.
