Gulf
റഫയില് സംഘര്ഷം തുടരവെ മധ്യസ്ഥ ചര്ച്ച തുടരാന് ഖത്തര് സംഘം വീണ്ടും കെയ്റോയിലേക്ക് തിരിച്ചു
ദോഹ: ഈജിപ്തുമായി പലസ്തീന് അതിര്ത്തി പങ്കിടുന്ന റഫ ക്രോസിംഗിന്റെ പലസ്തീന് ഭാഗത്തിന്റെ നിയന്ത്രണം ഇസ്രായേല് സൈന്യം പിടിച്ചടക്കിയ പശ്ചാത്തലത്തില് ഖത്തര് മധ്യസ്ഥ സംഘം ചര്ച്ചകള്ക്കായി വീണ്ടും ഈജിപ്ത് തലസ്ഥാനമായ കെയ്റോയിലേക്ക് തിരിച്ചു. ഏഴു മാസമായി തുടരുന്ന സംഘര്ഷം അവസാനിപ്പിക്കാന് ഈജിപ്തും ഖത്തറും ചേര്ന്ന് തയ്യാറാക്കിയ സമാധാന പാക്കേജ് ഹമാസ് അംഗീകരിച്ചിരുന്നു. എന്നാല് ഇന്നലെ റഫ അതിര്ത്തി ഇസ്രായേല് പിടിച്ചതോടെ സമാധാന കരാര് നടപ്പിലാവാനുള്ള സാധ്യത വീണ്ടും അവതാളത്തിലായ സാഹചര്യത്തിലാണ് കൂടുതല് ചര്ച്ചകള്ക്കായി ഖത്തര് പ്രതിനിധി സംഘം കെയ്റോയിലേക്ക് തിരിച്ചത്. ഖത്തര് വിദേശകാര്യ വക്താവ് മജീദ് അല് അന്സാരിയെ ഉദ്ധരിച്ച് ഖത്തര് ന്യൂസ് ഏജന്സിയാണ് ഇക്കാര്യം റിപ്പോര്ട്ട് ചെയ്തത്.
ഗാസയിൽ സ്ഥിരമായ വെടിനിര്ത്തലിനും ഇസ്രായേല്- പലസ്തീന് തടവുകാരുടെ കൈമാറ്റത്തിനും വഴി തളിയിക്കുന്ന സമാധാന കരാര് ഉടന് യാഥാര്ഥ്യമാവുമെന്നാണ് പ്രതീക്ഷയെന്നും അല് അന്സാരി പറഞ്ഞു. ഇതുമായി ബന്ധപ്പെട്ട ചര്ച്ചകള് അന്തിമ ഘട്ടത്തിലാണ്. ഇതുമായി ബന്ധപ്പെട്ട തങ്ങളുടെ നിര്ദ്ദേശം ഹമാസ് അംഗീകരിച്ചത് വലിയ പ്രതീക്ഷയ്ക്ക് വക നല്കുന്നതാണെന്നും അദ്ദേഹം അഭിപ്രായപ്പെട്ടു. ആദ്യം 124 ദിവസത്തേക്ക് വെടിനിര്ത്തല് കരാറുണ്ടാക്കാന് പിന്നീട് അത് സ്ഥിരം വെടിനിര്ത്തലിലേക്ക് പരിവര്ത്തിപ്പിക്കാനുമാണ് ലക്ഷ്യമിടുന്നത്. ഇതുമായി ബന്ധപ്പെട്ട് ഹമാസിന്റെ പൊളിറ്റിക്കല് ബ്യൂറോ തലവന് ഇസ്മായില് ഹനിയ്യയും ഖത്തര് പ്രധാനമന്ത്രി ഷെയ്ഖ് മുഹമ്മദ് ബിന് അബ്ദുല്റഹ്മാന് അല്താനിയും ഫോണ് സംഭാഷണം നടത്തിയതായി ഹമാസ് നേരത്തേ അറിയിച്ചിരുന്നു.
അതേസമയം, ഈജിപ്തും ഖത്തറും മുന്നോട്ടുവയ്ക്കുകയും ഹമാസ് അംഗീകരിക്കുകയും ചെയ്ത വെടിനിര്ത്തല് നിര്ദ്ദേശം തങ്ങളുടെ ആവശ്യങ്ങള് നിറവേറ്റുന്നതല്ലെന്ന് ഇസ്രായേല് പ്രധാനമന്ത്രി ബെഞ്ചമിന് നെതന്യാഹുവിന്റെ ഓഫീസ് പ്രസ്താവനയില് പറഞ്ഞിരുന്നു. അതേസമയം, കെയ്റോയില് നടക്കുന്ന ചര്ച്ചകള്ക്കായി ഇസ്രായേല് പ്രതിനിധി സംഘത്തെ അയക്കുമെന്നും ഓഫീസ് സ്ഥിരീകരിച്ചു. ഇസ്രായേലി ബന്ദികളെ മോചിപ്പിക്കുന്നതിനും യുദ്ധത്തിന്റെ മറ്റ് ലക്ഷ്യങ്ങള് കൈവരിക്കുന്നതിനുമായി ഹമാസിനുമേല് സൈനിക സമ്മര്ദം ചെലുത്തുകയെന്ന ലക്ഷ്യത്തോടെയാണ് ഇസ്രായേല് സൈന്യം റഫ അതിര്ത്തി ഉപരോധിച്ചതെന്നും പ്രസ്താവനയില് പറയുന്നു.
അതിനിടെ, ഇസ്രായേല് – ഹമാസ് വെടിനിര്ത്തല് കരാര് സാധ്യമാക്കുന്നതിന് സിഐഎ ഡയറക്ടര് വില്യം ബേണ്സ് ഖത്തര് പ്രധാനമന്ത്രിയുമായി കൂടിക്കാഴ്ച നടത്തുന്നതിന് ദോഹയിലെത്തുമെന്നും റിപ്പോര്ട്ടുകളുണ്ട്. അതിനിടയിലാണ് തെക്കന് ഗാസയിലെ ജനസാന്ദ്രതയേറിയ റഫ നഗരത്തിനു നേരെ ഇസ്രായേല് കരയാക്രമണം നടത്തിയത്. പ്രദേശത്തിന്റെ കിഴക്കന് ഭാഗത്ത് നിന്ന് ലക്ഷക്കണക്കിന് പലസ്തീനികളോട് കുടിയൊഴിഞ്ഞു പോവാന് ഉത്തരവിട്ട ശേഷമായിരുന്നു ഇസ്രായേല് സൈനിക നീക്കം.
മൂന്ന് ഘട്ടങ്ങളിലായി വെടിനിര്ത്തല് യാഥാര്ഥ്യമാക്കാനുള്ള നിര്ദ്ദേശമാണ് മധ്യസ്ഥര് മുന്നോട്ടുവച്ചതെന്നാണ് അല് ജസീറയുടെ റിപ്പോര്ട്ട്. ആറ് ആഴ്ച വീതം നീളുന്നതാണ് ഓരോ ഘട്ടവും. ആദ്യ ഘട്ടത്തില് ഇസ്രായേലും ഹമാസും വെടിനിര്ത്തുകയും ഗസയില് നിന്ന് ഇസ്രായേല് സൈന്യത്തെ ഭാഗികമായി കിഴക്കു ഭാഗത്തേക്ക് പിന്വലിക്കുകയും ചെയ്യും. ആദ്യ ഘട്ടത്തില് 33 ഇസ്രായേലി തടവുകാരെ ഹമാസ് വിട്ടയക്കും. സ്ത്രീകളും പ്രായമായവരും രോഗികളും 19 വയസ്സിന് താഴെയുള്ള സൈനികരല്ലാത്തവരുമായ തടവുകാരെയാണ് ഈ ഘട്ടത്തില് ഹമാസ് മോചിപ്പിക്കുക. ജീവിച്ചിരിക്കുന്ന ഓരോ ഇസ്രായേലി ബന്ദികള്ക്കും പകരം ഇസ്രായേല് ജയിലുകളില് നിന്ന് 30 ഫലസ്തീനികളെ മോചിപ്പിക്കും. അതോടൊപ്പം 50 പലസ്തീന് തടവുകാര്ക്ക് പകരമായി ഒരു വനിതാ സൈനികനെ ഹമാസ് മോചിപ്പിക്കാനും കരാര് വ്യവസ്ഥ ചെയ്യുന്നു. ഈ ഘട്ടത്തില് ആഭ്യന്തരമായി കുടിയിറക്കപ്പെട്ട പലസ്തീനികളെ ഗാസയിലെ അവരുടെ വീടുകളിലേക്ക് മടങ്ങാന് അനുവദിക്കുകയും പുനര്നിര്മ്മാണ ശ്രമങ്ങള് ആരംഭിക്കുകയും ചെയ്യും.
തുടര്ന്നുള്ള രണ്ടാം ഘട്ടത്തില്, ഇസ്രായേല് സൈനിക പ്രവര്ത്തനങ്ങള് നിര്ത്തി ഗാസയില് നിന്ന് പൂര്ണമായും പിന്വാങ്ങണം. ഫലസ്തീന് തടവുകാര്ക്ക് പകരമായി സൈനികര് ഉള്പ്പെടെ ശേഷിക്കുന്ന ഇസ്രായേലി പുരുഷന്മാരെ ഹമാസ് മോചിപ്പിക്കും. മൂന്നാമത്തെയും അവസാനത്തെയും ഘട്ടത്തില്, ഇസ്രായേലും ഹമാസും ബാക്കിയുള്ള തടവുകാരെ മോചിപ്പിക്കും. ഗാസയുടെ മൂന്നോ അഞ്ചോ വര്ഷത്തെ പുനര്നിര്മ്മാണ പദ്ധതിയും കരാറിന്റെ ഭാഗമായി നടപ്പിലാക്കും. ഗസയ്ക്കെതിരായ ഇസ്രായേല് ഉപരോധം അവസാനിപ്പിക്കുന്ന കാര്യവും ഈ ഘട്ടത്തില് പരിഗണിക്കും.
ഖത്തര് മധ്യസ്ഥ ചര്ച്ചകളില് ഹമാസിനൊപ്പം നില്ക്കുന്നുവെന്നും ബന്ദിക്കളെ വിട്ടയക്കുന്നതില് വേണ്ടത്ര സമ്മര്ദ്ദം ചെലുത്തുന്നില്ലെന്നും ഇസ്രായേലിലെയും അമേരിക്കയിലെയും മുതിര്ന്ന ഉദ്യോഗസ്ഥര് ആരോപണമുന്നയിച്ച പശ്ചാത്തലത്തില് മധ്യസ്ഥ ശ്രമങ്ങളില് നിന്ന് പിന്മാറാന് ഖത്തര് ആലോചിച്ചിരുന്നു. എന്നാല് മധ്യസ്ഥ ശ്രമങ്ങള് തുടരാനുള്ള അന്താരാഷ്ട്ര സമ്മര്ദ്ദത്തെ തുടര്ന്ന് ഖത്തര് ചര്ച്ചകള് പുനരാരംഭിക്കുകയായിരുന്നു.
Gulf
യുഎഇ സാമ്പത്തിക, ടൂറിസം മന്ത്രി അബ്ദുല്ല ബിന് തൗഖ് അല് മര്റി ഹോട്ട്പാക്കിന്റെ നാഷണൽ ഇൻവെസ്റ്റ്മെന്റ് പാർക്ക് ഫാക്ടറി സന്ദർശിച്ചു
ദുബായ്– ജൂണ് 26, 2026: യുഎഇ സാമ്പത്തിക-ടൂറിസം മന്ത്രി അബ്ദുല്ല ബിന് തൗഖ് അല് മര്റി
പരിസ്ഥിതി സൗഹൃദ പാക്കേജിംഗ് ഉത്പന്നങ്ങളുടെ നിർമാണത്തിൽ ജിസിസിയിലെ ഏറ്റവും വലിയ കമ്പനിയായ ഹോട്ട്പാക്കിന്റെ ദുബായിലെ നാഷണല് ഇന്ഡസ്ട്രീസ് പാര്ക്കിലെ (എന്ഐപി) നിര്മാണശാല സന്ദർശിച്ചു.
പ്രമുഖ നിക്ഷേപ സ്ഥാപനമായ ഗള്ഫ് ഇസ്ലാമിക് ഇന്വെസ്റ്റ്മെന്റ്സ് (ജിഐഐ) ഹോട്ട്പാക്കില് ഈയിടെ നടത്തിയ നിക്ഷേപത്തിനു അനുസൃതമായി ഹോട്ട്പാക്കിൽ നടപ്പിൽ വന്നു കൊണ്ടിരിക്കുന്ന വികസന പ്രവർത്തനങ്ങൾക്കൊപ്പം കമ്പനി അതിവേഗ വളര്ച്ചയുടെ പുതിയ ഘട്ടത്തിലേക്ക് കടക്കുന്ന സാഹചര്യത്തിലാണ് മന്ത്രിയുടെ സന്ദര്ശനം.
യുഎഇയുടെ വ്യാവസായിക ലക്ഷ്യങ്ങള് മുന്നോട്ടുകൊണ്ടുപോകുന്നതില് ഹോട്ട്പാക്ക് വഹിക്കുന്ന പങ്കിനുള്ള സുപ്രധാന അംഗീകാരമായാണ് ഈ സന്ദര്ശനം വിലയിരുത്തപ്പെടുന്നത്.
സന്ദര്ശനത്തിനിടെ മന്ത്രി ഹോട്ട്പാക്കിന്റെ ആധുനിക നിര്മാണശാലകള് സന്ദര്ശിക്കുകയും കമ്പനിയുടെ വിവിധ ഘട്ടങ്ങളിലെ വളര്ച്ച, വിവിധ സംരംഭങ്ങള്, സാങ്കേതിക മുന്നേറ്റങ്ങള്, സുസ്ഥിരതാ പദ്ധതികൾ, ബഹുരാഷ്ട്ര പ്രവർത്തന രീതികൾ എന്നിവ മന്ത്രിയുമായി ഹോട്ട്പാക്ക് അധികൃതർ ചർച്ച ചെയ്യുകയും ചെയ്തു.
രാജ്യത്തിന്റെ വ്യാവസായിക മേഖല ശക്തിപ്പെടുത്തുന്നതിനും സാമ്പത്തിക വൈവിധ്യവല്ക്കരണ അജണ്ടയ്ക്ക് സംഭാവന ചെയ്യുന്ന ആഭ്യന്തര നിര്മാണ സ്ഥാപനങ്ങളെ പിന്തുണയ്ക്കുന്നതിനുമുള്ള യുഎഇ നേതൃത്വത്തിന്റെ പ്രതിബദ്ധതയാണ് സന്ദര്ശനം വീണ്ടും വ്യക്തമാക്കുന്നത്.
സന്ദര്ശനത്തിനിടെ മാധ്യമങ്ങളോട് സംസാരിച്ച അബ്ദുല്ല ബിന് തൗഖ് അല് മര്റി, ആഗോള മികച്ച മാതൃകകളെ അടിസ്ഥാനമാക്കി മത്സരാധിഷ്ഠിതവും സുസ്ഥിരവുമായ ബിസിനസ് അന്തരീക്ഷം ശക്തിപ്പെടുത്തുന്നത് യുഎഇയും രാജ്യത്തിന്റെ നേതൃത്വവും തുടരുകയാണെന്ന് പറഞ്ഞു.
“രാജ്യം നിര്മാണമേഖലകളുടെ വളര്ച്ച ത്വരിതപ്പെടുത്തുകയും ആഗോള സാമ്പത്തിക കേന്ദ്രമെന്ന നിലയിലുള്ള സ്ഥാനം കൂടുതല് ശക്തിപ്പെടുത്തുകയും ചെയ്യുകയാണ്. അതിന്റെ ഭാഗമായി സുസ്ഥിര വ്യവസായങ്ങള് വികസിപ്പിക്കുകയും സാമ്പത്തിക പങ്കാളിത്തങ്ങള് വിപുലീകരിക്കുകയും ചെയ്യുന്നത് ദേശ നിർമിത ഉല്പന്നങ്ങളുടെ ബഹുരാജ്യങ്ങളിലേക്കുള്ള കയറ്റുമതി വര്ധിപ്പിക്കുന്നതിനും പുതിയ കയറ്റുമതി വിപണികള് വിപുലീകരിക്കുന്നതിനുമുള്ള തയാറെടുപ്പിലുമാണ്,” അല് മര്റി പറഞ്ഞു.
സ്വകാര്യ മേഖലയുമായുള്ള സഹകരണം ശക്തിപ്പെടുത്തുന്നതിനും മാതൃകാപരമായ സാമ്പത്തിക, നിക്ഷേപ പദ്ധതികളെ പിന്തുണയ്ക്കുന്നതിനും യുഎഇ സര്ക്കാര് പ്രതിജ്ഞാബദ്ധമാണ്. ഇതിലൂടെ ആഭ്യന്തര ഉല്പാദനം വര്ധിപ്പിക്കാനും കയറ്റുമതി ശേഷി ശക്തിപ്പെടുത്താനും സമ്പദ്വ്യവസ്ഥയെ വൈവിധ്യവല്ക്കരിക്കാനും ദീര്ഘകാല സുസ്ഥിരത ഉറപ്പാക്കാനും സാധിക്കും. ഇതോടെ നിക്ഷേപത്തിന്റെയും ബിസിനസിന്റെയും ആഗോള കേന്ദ്രമെന്ന യുഎഇയുടെ സ്ഥാനം കൂടുതല് ഉറപ്പിക്കപ്പെടുമെന്നും മന്ത്രി കൂട്ടിച്ചേര്ത്തു.
“കഴിഞ്ഞ മൂന്ന് പതിറ്റാണ്ടിനിടെ ഞങ്ങള് കൈവരിച്ച വളര്ച്ചയുടെ കഥ യുഎഇ സാമ്പത്തിക, ടൂറിസം മന്ത്രി അബ്ദുല്ല ബിന് തൗഖ് അല് മര്റിയുമായി പങ്കുവെക്കാൻ കഴിഞ്ഞതില് അഭിമാനമുണ്ടെന്ന് ഹോട്ട്പാക്ക് സ്ഥാപകനും മാനേജിംഗ് ഡയറക്ടറുമായ അബ്ദുല് ജബ്ബാര് പി.ബി. പറഞ്ഞു.
യുഎഇ വ്യാവസായിക മേഖലയിൽ നിർണായക സംഭാവന നൽകാൻ അവസരം ലഭിച്ചതോടൊപ്പം 17-ലേറെ രാജ്യങ്ങളിൽ നിന്നും ഉത്പാദനം നടത്താനും, നൂറിലേറെ രാജ്യങ്ങളിക്ക് കയറ്റുമതി നടത്താനും കഴിയുന്നുണ്ട് ഹോട്ട്പാക്കിനെന്ന് അദ്ദേഹം പറഞ്ഞു.
നിര്മാണ ശേഷി വര്ധിപ്പിക്കുന്നതിനും പുതിയ വിപണികളിലേക്ക് പ്രവേശിക്കുന്നതിനും പ്രകൃതി സൗഹൃദ പാക്കേജിംഗിലേക്കുള്ള മാറ്റം ത്വരിതപ്പെടുത്തുന്നതിനുമുള്ള ശ്രമങ്ങൾ നടത്തിവരികയാണ് ഹോട്ട്പാക്ക്. ആഗോള വിപണികളിൽ ഉയർന്ന നിലവാരമുള്ള പരിസ്ഥിതി സൗഹൃദ പാക്കേജിംഗ് ഉത്പന്നങ്ങൾ എത്തിക്കുന്നതില് ഹോട്ട്പാക് വലിയ പങ്കുവഹിക്കുകയാണെന്നും അബ്ദുല് ജബ്ബാര് കൂട്ടിച്ചേര്ത്തു.
1995-ല് ദുബായില് സ്ഥാപിതമായ ഹോട്ട്പാക്ക്, പ്ലാസ്റ്റിക്, പേപ്പര്, അലുമിനിയം, സുസ്ഥിര പാക്കേജിംഗ് ഉൽപ്പന്നങ്ങൾ എന്നിവ ഉള്പ്പെടുന്ന വൈവിധ്യമാര്ന്ന ഉല്പന്ന ശ്രേണിയാണ് നിർമാണം നടത്തി വിപണിയിലെത്തിക്കുന്നത്.
ഹോട്ട്പാക്കിന്റെ വളര്ച്ച, പ്രാദേശിക നിര്മാണം ശക്തിപ്പെടുത്തുക, ‘മെയ്ഡ് ഇന് ദി യുഎഇ’ ഉല്പന്നങ്ങളുടെ കയറ്റുമതി വര്ധിപ്പിക്കുക, വൈദഗ്ധ്യമുള്ള തൊഴിലവസരങ്ങള് സൃഷ്ടിക്കുക എന്നീ ലക്ഷ്യങ്ങളോടെ നടപ്പാക്കുന്ന ‘ഓപ്പറേഷന് 300 ബില്യണ്’ വ്യാവസായിക പദ്ധതിക്കും ശക്തമായ പിന്തുണ നല്കുന്നതായി അബ്ദുല് ജബ്ബാര് അറിയിച്ചു.
യുഎഇ കേന്ദ്രമായി നിര്മാണം കൂടുതല് ശക്തിപ്പെടുത്തുന്നതിനും ഉല്പന്നങ്ങളുടെ കയറ്റുമതി വര്ധിപ്പിക്കുന്നതിനും വിതരണ ശൃംഖലയുടെ മെച്ചപ്പെടുത്തുന്നതിനും രാജ്യത്തിന്റെ വ്യാവസായിക മേഖലയില് പുതിയ തൊഴിലവസരങ്ങള് സൃഷ്ടിക്കുന്നതിനും ഹോട്ട്പാക്ക് പ്രതിജ്ഞാബദ്ധമാണെന്നും അദ്ദേഹം പറഞ്ഞു.
Gulf
ഷാർജയിൽ കൊല്ലപ്പെട്ട കണ്ണൂർ സ്വദേശി ഇസ്മാഈലിന്റെ മൃതദേഹം ഇന്ന് നാട്ടിലേക്ക് കൊണ്ടുപോകും; മയ്യിത്ത് നമസ്കാരം വൈകുന്നേരം ഷാർജ ഫോറൻസിക്കിൽ
ഷാർജ: കഴിഞ്ഞ ദിവസം ഷാര്ജയില് കൊല്ലപ്പെട്ട കണ്ണൂര് പഴയങ്ങാടി നെരുവമ്പ്രം സ്വദേശി പൊന്നന് ഇസ്മാഈലിന്റെ (47) മൃതദേഹം ഇന്ന് (വ്യാഴം) നാട്ടിലേക്ക് കൊണ്ടുപോകും. ഇന്ന് രാത്രി 10.40-ന് ഷാർജയിൽ നിന്ന് പുറപ്പെടുന്ന എയര് ഇന്ത്യ എക്സ്പ്രസ് വിമാനത്തിൽ കൊണ്ടുപോകുന്ന മൃതദേഹം നാളെ (വെള്ളി) രാവിലെ 4.10-ന് കണ്ണൂരിലെത്തും.
ഇന്ന് വൈകുന്നേരം അസര് നമസ്കാരത്തിന് ശേഷം(4.30 ന്) ഷാര്ജ ഫോറന്സിക് ഡിപ്പാര്ട്ട്മെന്റ് മസ്ജിദിൽ മയ്യിത്ത് നമസ്കാരം നടക്കും. യാബ് ലീഗല് സര്വീസസ് സിവില് ഡിപ്പാര്ട്ട്മെന്റ് പ്രതിനിധി അഡ്വ. ഷൗക്കത്ത് സഖാഫി മയ്യിത്ത് നിസ്കാരത്തിന് നേതൃത്വം നല്കും. (ഷാര്ജ ഫോറന്സിക് ഡിപ്പാര്ട്ട്മെന്റിന്റെ ലൊക്കേഷൻ ഇതോടൊപ്പം ചേർക്കുന്നു)
നിയമനടപടികൾ വേഗത്തിലാക്കി മൃതദേഹം എത്രയും പെട്ടെന്ന് നാട്ടിലെത്തിക്കുന്നതിനായി ബന്ധുക്കളും സുഹൃത്തുക്കളുമായ അബ്ദുല് റഷീദ് (തെക്കുംമ്പാട്), റിയാസ് (നെരുവമ്പ്രം), ബദറുദ്ധീൻ (ഇരിണാവ്) എന്നിവരും യാബ് ലീഗല് സര്വീസസ് സി.ഇ.ഒ സലാം പാപ്പിനിശ്ശേരി, ലീഗല് ഡിപ്പാര്ട്ട്മെന്റ് പ്രതിനിധികളായ ഉബൈദ് ജാസിം മുഹമ്മദ് സൈഫ് അല് ഷംസി, ലുഅയ്യ് അബൂ അംറ, ക്ലെയിംസ് മാനേജര് മുന്ദിര് കല്പകഞ്ചേരി എന്നിവരും സജീവമായി രംഗത്തുണ്ടായിരുന്നു. കേരള കൃഷി വകുപ്പ് മന്ത്രി ബഹു. ടി. സിദ്ധീഖിന്റെ ഭാഗത്തുനിന്നും ഈ വിഷയത്തിൽ അടിയന്തര ഇടപെടലുണ്ടായി. https://www.google.com/maps/search/Forensic+Laboratory/@25.3361244,55.4599953,17z?hl=en&entry=ttu&g_ep=EgoyMDI2MDYwMy4xIKXMDSoASAFQAw%3D%3D
Gulf
ഷാര്ജയില് കൊല്ലപ്പെട്ട കണ്ണൂര് പഴയങ്ങാടി സ്വദേശി ഇസ്മാഈലിന്റെ മൃതദേഹം നാട്ടിലെത്തിക്കാനുള്ള നടപടികള് പുരോഗമിക്കുന്നു
ഷാർജ: യുഎഇയിലെ ഷാർജയിൽ ടിക്ടോക് തർക്കത്തെ തുടർന്നുണ്ടായ സംഘർഷത്തിൽ കൊല്ലപ്പെട്ട കണ്ണൂർ പഴയങ്ങാടി മാട്ടൂൽ സ്വദേശി ഇസ്മാഈല് പൊന്നാരം ഇബ്റാഹീമിന്റെ (40) മൃതദേഹം നാട്ടിലേത്തിക്കുന്നതിന് വേണ്ട നടപടികള് പുരോഗമിക്കുന്നു. ഇതുമായി ബന്ധപ്പെട്ട് ഷാര്ജ അല് ഖാസിമിയ്യ ഹോസ്പിറ്റല്, ഷാര്ജ ഫോറന്സിക് ഡിപ്പാര്ട്ട്മെന്റ്, ഷാര്ജ കോടതി എന്നിവയുമായി ഏകോപിച്ച് യാബ് ലീഗല് സര്വീസസ് സി.ഇ.ഓ സലാം പാപ്പിനിശ്ശേരി, യാബ് ലീഗല് സര്വീസസ് ടീം അംഗങ്ങളായ മുന് ഷാര്ജ പോലീസ് ഉദ്യോഗസ്ഥരായ ഉബൈദ് ജാസിം മുഹമ്മദ് സൈഫ് അല്ഷംസി, ലുഅയ്യ് അബൂ അംറ്, ക്ലെയിംസ് മാനേജര് മുൻദിർ കൽപകഞ്ചേരി, എന്നിവര് ചേര്ന്ന് നടപടിക്രമങ്ങള് പൂര്ത്തീകരിച്ചുവരികയാണ്.
യുഎഇ സാമ്പത്തിക, ടൂറിസം മന്ത്രി അബ്ദുല്ല ബിന് തൗഖ് അല് മര്റി ഹോട്ട്പാക്കിന്റെ നാഷണൽ ഇൻവെസ്റ്റ്മെന്റ് പാർക്ക് ഫാക്ടറി സന്ദർശിച്ചു
ഷാർജയിൽ കൊല്ലപ്പെട്ട കണ്ണൂർ സ്വദേശി ഇസ്മാഈലിന്റെ മൃതദേഹം ഇന്ന് നാട്ടിലേക്ക് കൊണ്ടുപോകും; മയ്യിത്ത് നമസ്കാരം വൈകുന്നേരം ഷാർജ ഫോറൻസിക്കിൽ
ഷാര്ജയില് കൊല്ലപ്പെട്ട കണ്ണൂര് പഴയങ്ങാടി സ്വദേശി ഇസ്മാഈലിന്റെ മൃതദേഹം നാട്ടിലെത്തിക്കാനുള്ള നടപടികള് പുരോഗമിക്കുന്നു
ലോക തൊഴിലാളി ദിനം: ഹോട്ട്പാക്കിന്റെ 1,500 ജീവനക്കാർ ദുബായ് മിറക്കിള് ഗാര്ഡനിൽ ഒത്തൊരുമിച്ചു
അച്ചരപ്പാക്കത്തുനിന്നും ദുബായിലേക്ക്; തനത് തമിഴ് രുചികളുമായി ‘മന്ന മെസ്’ ഇനി പ്രവാസികൾക്ക് മുന്നിൽ
-
World3 years ago
കപ്പലിൽ 15 ഇന്ത്യക്കാർ; തട്ടിക്കൊണ്ടുപോകൽ സൊമാലിയൻ തീരത്ത്, പിന്നാലെ കുതിച്ച് ഇന്ത്യൻ നാവികസേന
-
Gulf2 years ago
സൗദിയില് നിന്ന് കടലിനടിയിലൂടെ വൈദ്യുതി; സാങ്കേതിക പഠനം തുടങ്ങി ഇന്ത്യ
-
Gulf2 years ago
ഓവർസ്റ്റേ സംബന്ധിച്ച സോഷ്യൽ മീഡിയ വാർത്തകൾ തെറ്റ് : ജിഡിആർഎഫ്എ- ദുബായ് — ദുബായിലെ വിസ സംബന്ധമായ അന്വേഷണങ്ങൾക്ക് 8005111 നമ്പറിൽ വിളിക്കാം
-
Top News3 years ago
ഏപ്രിൽ മുതൽ എയർ ഇന്ത്യക്ക് ഏഴ് പുതിയ റൂട്ടുകൾ, അറിയേണ്ടതെല്ലാം
-
Gulf2 years ago
ഒമാനില് ജനങ്ങള് കൈകോര്ത്ത് മലകള്ക്കിടയിലൂടെ റോഡ് നിര്മിച്ചു; 450 കിലോമീറ്റര് യാത്ര 10 കിലോമീറ്ററായി കുറഞ്ഞു
-
Gulf2 years ago
ദുബായിലെ ബസപകടം; നഷ്ടപരിഹാരതുക ലഭിക്കില്ലെന്ന് പറഞ്ഞു നിയമസ്ഥാപനങ്ങൾ ഒഴിവാക്കിയ കേസിൽ സലാം പാപ്പിനിശ്ശേരിയുടെ ഇടപെടൽ ഫലം കണ്ടു. കോടതി ചിലവ് ഉൾപ്പെടെ 47 ലക്ഷം ഇന്ത്യൻ രൂപ (രണ്ടുലക്ഷത്തി ആറായിരം ദിർഹംസ് ) തുക നൽകാൻ ഉത്തരവ്
-
Business2 years ago
മിഡിൽ ഈസ്റ്റിൽ ചികിത്സാ ചെലവുകൾ കുറയ്ക്കാം; ആശുപത്രി വാസം ഒഴിവാക്കാൻ ആകും, ഒരു പുതു സംരംഭം
-
Tech2 years ago
ആ ‘ശല്യം’ ഇനി ഇന്സ്റ്റഗ്രാമിലും; പുതിയ നീക്കവുമായി മെറ്റ