സൗദി പ്രോ ലീഗില്‍ വിജയക്കുതിപ്പ് തുടര്‍ന്ന് ക്രിസ്റ്റ്യാനോ റൊണാള്‍ഡോയുടെ അല്‍ നസര്‍ എഫ്‌സി. അല്‍ റെയ്ദ് എഫ്‌സിയെ ഒന്നിനെതിരെ മൂന്ന് ഗോളുകള്‍ക്ക് തകര്‍ത്താണ് അല്‍ നസര്‍ തുടര്‍ച്ചയായ നാലാം വിജയം സ്വന്തമാക്കിയത്. റൊണാള്‍ഡോ ഗോളടിച്ച മത്സരത്തില്‍ സാദിയോ മാനെയും ആന്‍ഡേഴ്‌സണ്‍ ടാലിസ്‌കയുമാണ് അല്‍ നസറിന് വേണ്ടി ഗോളുകള്‍ നേടിയത്. മത്സരത്തിന്റെ അധികസമയത്ത് റൊണാള്‍ഡോ ഒരിക്കല്‍ കൂടി വല ചലിപ്പിച്ചുവെങ്കിലും അത് ഓഫ് സൈഡായി മാറിയിരുന്നു.
