Kerala
തിരുവനന്തപുരം, തൃശൂർ, കോഴിക്കോട് ജില്ലകളിൽ എയർടെൽ 5ജി എത്തി
ഇന്ത്യയിലെ നഗരങ്ങളിൽ പലതിലും 5ജി നെറ്റ്വർക്ക് എത്തിച്ചിട്ടും കേരളത്തെ അവഗണിച്ചിരുന്ന എയർടെൽ ഒടുവിൽ സംസ്ഥാനത്തെ കൂടുതൽ ജില്ലകളിൽ കൂടി 5ജി പ്ലസ് (Airtel 5G) സേവനം ലഭ്യമാക്കി. നേരത്തെ തന്നെ കൊച്ചിയിൽ എയർടെൽ 5ജി പ്ലസ് ലഭ്യമായിരുന്നു. ഇപ്പോൾ പുതിയ തലമുറ നെറ്റ്വർക്ക് തിരുവനന്തപുരം, കോഴിക്കോട്, തൃശൂർ എന്നിവടങ്ങളിലാണ് അവതരിപ്പിച്ചിരിക്കുന്നത്.
കഴിഞ്ഞ ദിവസം കേരളത്തിലെ മൂന്ന് ജില്ലകളിൽ കൂടി എയർടെൽ 5ജി അവതരിപ്പിച്ചതോടെ സംസ്ഥാനത്ത് എയർടെൽ 5ജി സേവനം ലഭ്യമായ ജില്ലകളുടെ എണ്ണം നാലായി. ഇന്ത്യയിൽ ആകെ 70 നഗരങ്ങളിലാണ് എയർടെൽ 5ജി സേവനം ലഭ്യമായിട്ടുള്ളത്. കേരളത്തിലെ നാല് ജില്ലകളിലുമുള്ള ആളുകൾക്ക് അവരുടെ 5ജി ഡിവൈസുകളിൽ ഇപ്പോൾ അതിവേഗ ഇന്റർനെറ്റ് ലഭിക്കും.
എയർടെൽ 5ജി പ്ലസിന്റെ ഏറ്റവും മികച്ച കാര്യം 4ജി സിം കാർഡ് ഉപയോഗിച്ച് തന്നെ 5ജി ആക്സസ് ചെയ്യാം എന്നതാണ്. 5ജിക്കായി പ്രത്യേക പ്ലാനുകളും കമ്പനി അവതരിപ്പിച്ചിട്ടില്ല എന്നതുകൊണ്ട് ഉപഭോക്താക്കൾക്ക് 4ജി പ്ലാനുകളിലൂടെ തന്നെ 5ജി ആസ്വദിക്കാം. എയർടെൽ 5ജി നെറ്റ്വർക്ക് സപ്പോർട്ട് ചെയ്യുന്ന ഫോൺ മാത്രമാണ് ഇതിനായി വേണ്ടത്. ഇന്ത്യയിൽ മിക്കയിടത്തും 5ജി എത്തിക്കാതെ 5ജി പ്ലാനുകൾ പ്രഖ്യാപിക്കില്ലെന്ന് കമ്പനി അറിയിച്ചിട്ടണ്ട്.
തിരുവനന്തപുരം ജില്ലയിലെ വഴുതക്കാട്, തമ്പാനൂർ, കിഴക്കേക്കോട്ട, പാളയം, പട്ടം, കഴക്കൂട്ടം, വട്ടിയൂർക്കാവ്, പാപ്പനംകോട്, കോവളം, വിഴിഞ്ഞം, വലിയവിള എന്നിവിടങ്ങളിലാണ് എയർടെല്ലിന്റെ 5ജി പ്ലസ് സേവനങ്ങൾ ലഭ്യമാകുന്ന്. തിരുവനന്തപുരം നഗരത്തിലെ പ്രധാനപ്പെട്ട പ്രദേശങ്ങളിലും ടൂറിസ്റ്റുകൾ അധികമായി വരുന്ന ഇടങ്ങളിലും എയർടെൽ 5ജി നെറ്റ്വർക്ക് ലഭ്യമാകുന്നുണ്ട് എന്നതാണ് ശ്രദ്ധേയമായ കാര്യം.
കോഴിക്കോട് ജില്ലയിലെ നടക്കാവ്, പാളയം, കല്ലായി, വെസ്റ്റ്ഹിൽ, കുറ്റിച്ചിറ, എരഞ്ഞിപ്പാലം, മീഞ്ചന്ത, തൊണ്ടയാട്, മലാപ്പറമ്പ്, എലത്തൂർ, കുന്നമംഗലം എന്നിവിടങ്ങളിലാണ് എയർടെല്ലിന്റെ 5ജി പ്ലസ് സേവനങ്ങൾ ലഭ്യമാക്കിയിരിക്കുന്നത്.
തൃശൂർ ജില്ലയിലെ രാമവർമപുരം, തൃശൂർ റൗണ്ട്, കിഴക്കേകോട്ട, കൂർക്കഞ്ചേരി, ഒളരിക്കര, ഒല്ലൂർ, മണ്ണുത്തി, നടത്തറ എന്നിവിടങ്ങളിൽ എയർടെല്ലിന്റെ 5ജി പ്ലസ് സേവനങ്ങൾ ലഭ്യമാകും.
എയർടെൽ 5ജി
4ജി നെറ്റ്വർക്കുകൾക്ക് നൽകുന്നതിനെക്കാൾ 20 മടങ്ങ് മുതൽ 30 മടങ്ങ് വരെ വേഗതയാണ് എയർടെൽ 5ജി പ്ലസ് നെറ്റ്വർക്കിലൂടെ ഉപഭോക്താക്കൾക്ക് ലഭിക്കുന്നത്. 2024 മാർച്ചോടെ ഇന്ത്യയിലെ മിക്കവാറും പ്രദേശങ്ങളിൽ എയർടെല്ലിന്റെ 5ജി നെറ്റ്വർക്ക് ലഭ്യമാക്കുമെന്നാണ് കമ്പനി വ്യക്തമാക്കിയിരിക്കുന്നത്. ഇതിൽ കേരളത്തിലെ മറ്റ് ജില്ലകളും ഉൾപ്പെടും.
5ജിയിലൂടെ ഉപഭോക്താക്കൾക്കും സംരംഭങ്ങൾക്കും ഉണ്ടാകുന്ന ഡിജിറ്റൽ സാധ്യതകൾ വലുതാണ്. എയർടെൽ 5ജി പ്ലസ് ഇപ്പോൾ രാജ്യത്തെ ഒട്ടുമിക്ക സംസ്ഥാനങ്ങളിലെയും 70 നഗരങ്ങളിൽ ലഭ്യമാണ്. എയർടെൽ 5ജി എൻഎസ്എ (നോൺ-സ്റ്റാൻഡലോൺ) നെറ്റ്വർക്കാണ് നൽകുന്നത്. രാജ്യത്തുള്ള 5ജി സപ്പോർട്ട് ചെയ്യുന്ന മിക്ക സ്മാർട്ട്ഫോണുകളിലും എയർടെൽ 5ജി ലഭ്യമാകും. റിലയൻസ് ജിയോ ഇതിനകം 100ൽ അധികം നഗരങ്ങളിൽ 5ജി ലഭ്യമാക്കിയിട്ടുണ്ട്. കേരളത്തിലെയും നിരവധി നഗരങ്ങളിൽ ജിയോ 5ജി ലഭ്യമാണ്.
നിലമ്പൂര്: ലോക്സഭാ തിരഞ്ഞെടുപ്പ് ജനവിധിയില് ബിജെപിക്കുണ്ടായ പ്രഹരത്തെ തുടര്ന്ന് യൂ ട്യൂബര് ധ്രുവ് റാത്തിക്ക് ആശംസകളര്പ്പിച്ച് ഫാന്സ് അസോസിയേഷന്. മലപ്പുറം ജില്ലയിലെ നിലമ്പൂരിലുള്ള ജനതപ്പടിയിലാണ് ധ്രുവിന് ആശംസ അര്പ്പിച്ച് ഫ്ലക്സ് ബോര്ഡ് സ്ഥാപിച്ചിരിക്കുന്നത്. ‘ജനാധിപത്യം വീണ്ടെടുക്കാന് പ്രയത്നിച്ച സോഷ്യല്മീഡിയ പോരാളിക്ക് ഹൃദയാഭിവാദ്യങ്ങള്’ എന്നെഴുതിയ ഫ്ലക്സാണ് ജനതപ്പടിയില് പ്രത്യക്ഷപ്പെട്ടിരിക്കുന്നത്.
ലോക്സഭാ തിരഞ്ഞെടുപ്പില് എന്ഡിഎ സഖ്യം നേരിട്ട തിരിച്ചടിയില് യുട്യൂബറും സോഷ്യല് മീഡിയ ഇന്ഫ്ളുവന്സറുമായ ധ്രുവ് റാത്തിയുടെ പങ്കിനെ പ്രശംസിച്ച് സോഷ്യല് മീഡിയയില് നേരത്തെ വ്യാപക പോസ്റ്ററുകള് വന്നിരുന്നു. ഇതിന് പിന്നാലെയാണ് കേരളത്തിലും ഫാന്സ് അസോസിയേഷന് രംഗത്തെത്തിയിരിക്കുന്നത്.
ഉത്തര്പ്രദേശ് അടക്കം ബിജെപി ഹൃദയഭൂമിയില് ബിജെപിക്ക് അടിപതറിയതില് സോഷ്യല് മീഡിയയിലെ ധ്രുവിന്റെ ഇടപെടല് വലിയ പങ്കുവഹിച്ചെന്നും സാധാരണക്കാരുടെ നെഞ്ചില് കയറിക്കൂടിയത് ധ്രുവിന്റെ വാക്കുകളാണെന്നും സോഷ്യല് മീഡിയ അഭിപ്രായപ്പെട്ടിരുന്നു. രാജ്യത്തിന്റെ അടിസ്ഥാന വര്ഗത്തിന്റെ പ്രശ്നങ്ങള് അവതരിപ്പിച്ച് മോദി സര്ക്കാരിനെ തുറന്നുകാട്ടിയ ധ്രുവ് റാത്തിയുടെ വീഡിയോ മിനിറ്റുകള്ക്കകം സോഷ്യല് മീഡിയ ഏറ്റെടുത്തിരുന്നു.
2024 ഫെബ്രുവരി 22- ന് ധ്രുവ് റാത്തി പോസ്റ്റ് ചെയ്ത ‘ ഇന്ത്യ ഏകാധിപത്യത്തിലേക്ക് പോവുകയാണോ?’ എന്ന ഒരൊറ്റ വീഡിയോ മാത്രം കണ്ടത് കോടിക്കണക്കിന് പേരായിരുന്നു. ശേഷം ഇത് വരെയുള്ള തുടര്ച്ചയായ ദിവസങ്ങളിലെ ട്വിറ്റര് ട്രെന്ഡിങ്ങില് ഇത് ആദ്യ പത്തില് ഇടം പിടിച്ചു. ആരോപണ പ്രത്യാരോപണങ്ങളല്ലാതെ കൃത്യമായ വിവരങ്ങള് പങ്ക് വെക്കാന് ശ്രമിച്ച് വിശകലനം ചെയ്യുന്ന രീതിയാണ് ധ്രുവിന്റേത്. മാസത്തില് പത്തില് താഴെ വീഡിയോ മാത്രമാണ് ധ്രുവ് യുട്യൂബില് പോസ്റ്റ് ചെയ്യാറുള്ളത്.എന്നിട്ട് പോലും ഇന്ത്യയുടെ മുഖ്യ വാര്ത്താ ചാനലുകളേക്കാള് അധികം, ഏകദേശം 20 മില്യണ് സബ്സ്ക്രൈബേഴ്സ് ധ്രുവിനുണ്ട് . കഴിഞ്ഞ വര്ഷത്തെ ടൈം മാഗസിന്റെ ‘Next Generation Leaders’ പട്ടികയില് ഉള്പ്പെട്ട ഇന്ത്യക്കാരന് കൂടിയാണ് ധ്രുവ്.
കര്ഷക സമരം, ലഡാക്കിലെ പ്രതിഷേധങ്ങള്, ഇലക്ട്രറല് ബോണ്ട് വിഷയം തുടങ്ങിയവയെല്ലാം സാധാരണക്കാരിലേക്ക് എത്തിച്ചത് ധ്രുവ് റാത്തിയാണ്. മെക്കാനിക്കല്, റിന്യൂവബ്ള് എനര്ജി എന്ജിനീയിറിംഗില് മാസ്റ്റേഴ്സ് ഡിഗ്രിയുള്ള ധ്രുവ് റാഠി ബെര്ലിനിലാണ് താമസം. ധ്രുവ് റാത്തി വ്ളോഗിന് രണ്ടുകോടിയിലേറെ സബ്സ്ക്രൈബര്മാരുണ്ട്. തമിഴ്, തെലുങ്ക്, ബംഗാളി, മറാത്തി, കന്നഡ ഭാഷകളില് പുതിയ യൂട്യൂബ് ചാനലുകളും വരുന്നുണ്ട്. പിന്നീട് മലയാളം, ഗുജറാത്തി, ഒഡിയ ഭാഷകളില് വാട്സാപ്പ് ചാനലുകള് പരീക്ഷിക്കാനും പദ്ധതിയുണ്ടെന്നാണ് സൂചന.
കൊച്ചി: ജീവനക്കാരുടെ പണിമുടക്കിനെ തുടര്ന്ന് എയര് ഇന്ത്യ സര്വീസ് റദ്ദാക്കിയത് രണ്ടാം ദിവസവും യാത്രക്കാരെ വലച്ചു. ജീവനക്കാര് പണിമുടക്ക് തുടരുന്നതിനാല് എയര് ഇന്ത്യയുടെ കൂടുതല് സര്വീസുകള് രണ്ടാം ദിവസവും റദ്ദാക്കി. നെടുമ്പാശ്ശേരിയിൽ നിന്ന് രാവിലെ 8.50ന് മസ്ക്കറ്റിലേക്ക് പോകേണ്ട എയർ ഇന്ത്യ എക്സ് പ്രസ്സ് വിമാനം റദ്ദാക്കി. കരിപ്പൂരില് റദ്ദാക്കിയത് മൂന്ന് സര്വീസുകളാണ്. അല് ഐന്, ജിദ്ദ, ദോഹ എന്നിവടങ്ങളിലേക്കുള്ള സര്വീസുകളാണ് കരിപ്പൂരില് നിന്ന് റദ്ദാക്കിയത്. രാവിലെ എട്ടിന് പുറപ്പെടേണ്ട അല് ഐന് സര്വീസ്, 08.50നുള്ള ജിദ്ദ, 09.30നുള്ള ദോഹ എന്നിവയാണ് റദ്ദാക്കിയ സര്വീസുകള്.
8.30ന് പുറപ്പെടേണ്ട തിരുവനന്തപുരം -മസ്ക്കറ്റ് എയര് ഇന്ത്യ എക്സ്പ്രസ്സും റദ്ദാക്കിയിരുന്നു. കണ്ണൂരില് നാല് സര്വീസുകളാണ് റദ്ദാക്കിയത്. ഷാര്ജ, അബുദബി, ദമാം, മസ്ക്കറ്റ് എന്നിവിടങ്ങളിലേക്കുള്ള സര്വീസുകളാണ് കണ്ണൂരില് നിന്ന് റദ്ദാക്കിയത്. കരിപ്പൂരിൽ നിന്നുള്ള രണ്ട് സർവീസുകൾ കൂടി റദ്ദാക്കിയിട്ടുണ്ട്. സലാല, റിയാദ് വിമാനങ്ങളാണ് റദ്ദാക്കിയത്.
വിമാനത്താവളത്തില് യാത്രക്കാരുടെ പ്രതിഷേധം തുടരുകയാണ്. ഇന്നലെ രാത്രിയും സംസ്ഥാനത്ത് വിവിധയിടങ്ങളില് നിന്നുള്ള എയര് ഇന്ത്യ എക്സ്പ്രസ് വിമാനങ്ങള് റദ്ദാക്കിയിരുന്നു. ക്യാബിന് ക്രൂ അംഗങ്ങളില് ഒരു വിഭാഗം കൂട്ട അവധിയെടുത്തതോടെയാണ് എയര് ഇന്ത്യയില് സര്വ്വീസ് പ്രതിസന്ധിയിലായത്. 200 ലധികം ക്യാബിന് ക്രൂ ജീവനക്കാര് സിക്ക് ലീവ് എടുക്കുകയായിരുന്നു.
നിരവധി ആഭ്യന്തര-അന്താരാഷ്ട്ര സര്വീസുകളാണ് കഴിഞ്ഞ ദിവസം മുതല് റദ്ദാക്കിയത്. അപ്രതീക്ഷിതമായി സര്വീസുകള് റദ്ദാക്കിയതുമൂലം നൂറുകണക്കിന് യാത്രക്കാരാണ് ദുരിതത്തിലായത്. ഫ്ളൈറ്റ് റദ്ദാക്കിയതില് യാത്രക്കാര്ക്കുണ്ടായ അസൗകര്യത്തില് എയര് ഇന്ത്യ ക്ഷമ ചോദിച്ചിരുന്നു. ജീവനക്കാരുടെ സമരം നിയമവിരുദ്ധമാണെന്ന് എയര് ഇന്ത്യ എക്സ്പ്രസ് പ്രതികരിച്ചു. യാത്ര മുടങ്ങിയവര്ക്ക് ടിക്കറ്റ് തുക മടക്കി നല്കുമെന്ന് എയര് ഇന്ത്യ അധികൃതര് അറിയിച്ചു. വരും ദിവസങ്ങളിലും സര്വീസ് മുടങ്ങുമെന്ന് എയര് ഇന്ത്യ എംഡി അറിയിച്ചു. തിരുവനന്തപുരം, നെടുമ്പാശ്ശേരി, കരിപ്പൂര്, കണ്ണൂര് വിമാനത്താവളങ്ങളിലും നിരവധി യാത്രക്കാര് വലഞ്ഞു. തിരുവനന്തപുരത്തേക്ക് എത്തേണ്ട നാലു വിമാനങ്ങളും റദ്ദാക്കി.
കണ്ണൂരും കരിപ്പൂരും യാത്രക്കാര് ബഹളം വച്ചു. തിരുവനന്തപുരത്തും പ്രതിഷേധം ഉണ്ടായി. വിമാനത്താവളങ്ങളില് നിന്ന് കൃത്യമായ അറിയിപ്പോ അടിസ്ഥാന സൗകര്യങ്ങളോ ലഭിച്ചില്ലെന്നും യാത്രക്കാര് പരാതിപ്പെട്ടു. കൂടാതെ ഇന്ന് ജോലിക്കെത്തേണ്ടവരും വീസ കാലാവധി തീരുന്നവരും പെരുവഴിയിലായി.
Gulf
ഉദ്യോഗാര്ത്ഥികളേ ജാഗ്രത പാലിക്കുക; വ്യാജസീല് ഉപയോഗിച്ച് സര്ട്ടിഫിക്കറ്റ് അറ്റസ്റ്റേഷന്, മുന്നറിയിപ്പ്
തിരുവനന്തപുരം: നോർക്ക റൂട്ട്സിൻറെ തിരുവനന്തപുരം സര്ട്ടിഫിക്കറ്റ് ഓതന്റിക്കേഷന് സെന്ററില് എച്ച്.ആര്.ഡി അറ്റസ്റ്റേഷനായി സമര്പ്പിച്ച വിദ്യാഭ്യാസ സര്ട്ടിഫിക്കറ്റുകള് പരിശോധിച്ചപ്പോൾ വ്യാജസീല് ഉപയോഗിച്ച് അറ്റസ്റ്റേഷന് നടത്തിയതായി കണ്ടെത്തിയിട്ടുണ്ട്. ഇക്കാര്യം തുടര് നിയമ നടപടികള്ക്കായി കൈമാറുകയും ചെയ്തിട്ടുണ്ട്. ഏജന്സികളും ഇടനിലക്കാരും വഴി ഇത്തരത്തില് സര്ട്ടിഫിക്കറ്റുകള് സാക്ഷ്യപ്പെടുത്തുന്നത് നിയമവിരുദ്ധമാണ്.
വ്യാജ അറ്റസ്റ്റേഷൻ ശ്രദ്ധയിൽപ്പെടുന്ന സാഹചര്യങ്ങളിൽ നിയമപരമായ നടപടികൾക്കായി സർട്ടിഫിക്കറ്റുകൾ ഹാജരാക്കേണ്ടി വരുന്നതിനാൽ ജോലിനഷ്ടം, കാലവിളംബം എന്നിവയ്ക്കും നിയമനടപടികൾക്കും സാധ്യതയുണ്ട്. ഇക്കാര്യത്തില് ഉദ്യോഗാര്ത്ഥികള് ജാഗ്രതപാലിക്കണമെന്ന് നോര്ക്ക റൂട്ട്സ് ചീഫ് എക്സിക്യൂട്ടീവ് ഓഫീസര് അജിത്ത് കോളശ്ശേരി അറിയിച്ചു.
സര്ട്ടിഫിക്കറ്റ് അറ്റസ്റ്റേഷനോ മറ്റ് സേവനങ്ങള്ക്കോ സംസ്ഥാനസര്ക്കാര് സ്ഥാപനമായ നോര്ക്ക റൂട്ട്സ് ഏതെങ്കിലും വ്യക്തിയേയോ സ്ഥാപനത്തേയോ ചുമതലപ്പെടുത്തിയിട്ടില്ല. കേന്ദ്ര വിദ്യാഭ്യാസ മന്ത്രാലയത്തിന്റെ മാര്ഗ്ഗനിര്ദ്ദേശങ്ങള് അനുസരിച്ച് വിദ്യാഭ്യാസ സര്ട്ടിഫിക്കറ്റുകള് സാക്ഷ്യപ്പെടുത്തുതിന് കേന്ദ്ര-കേരള ഗവണ്മെന്റുകള് അധികാരപ്പെടുത്തിയിട്ടുള്ള ഏക സ്ഥാപനമാണ് നോര്ക്ക റൂട്ട്സ്. വിദ്യാഭ്യാസ വ്യക്തിവിവര സര്ട്ടിഫിക്കറ്റുകളുടെ ഹോം അറ്റസ്റ്റേഷന്, എം.ഇ.എ (മിനിസ്ട്രി ഓഫ് എക്സ്റ്റേണല് അഫയേഴ്സ്) സാക്ഷ്യപ്പെടുത്തല്, വിവിധ എംബസികളുടെ സാക്ഷ്യപ്പെടുത്തല്, അപ്പോസ്റ്റെല് അറ്റസ്റ്റേഷന് സേവനങ്ങള് നോര്ക്ക റൂട്ട്സ് വഴി ലഭ്യമാണ്. ഉദ്യോഗാര്ത്ഥികള്ക്ക് നേരിട്ടോ അല്ലെങ്കില് ചുമതലപ്പെടുത്തുന്ന വ്യക്തിക്കോ നോര്ക്ക റൂട്ട്സ് ഓഫീസുകളില് നിന്നും മേല്പറഞ്ഞ സേവനങ്ങള് ലഭ്യമാകും.
കൂടുതല് വിവരങ്ങള്ക്ക് 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.
യുഎഇ സാമ്പത്തിക, ടൂറിസം മന്ത്രി അബ്ദുല്ല ബിന് തൗഖ് അല് മര്റി ഹോട്ട്പാക്കിന്റെ നാഷണൽ ഇൻവെസ്റ്റ്മെന്റ് പാർക്ക് ഫാക്ടറി സന്ദർശിച്ചു
ഷാർജയിൽ കൊല്ലപ്പെട്ട കണ്ണൂർ സ്വദേശി ഇസ്മാഈലിന്റെ മൃതദേഹം ഇന്ന് നാട്ടിലേക്ക് കൊണ്ടുപോകും; മയ്യിത്ത് നമസ്കാരം വൈകുന്നേരം ഷാർജ ഫോറൻസിക്കിൽ
ഷാര്ജയില് കൊല്ലപ്പെട്ട കണ്ണൂര് പഴയങ്ങാടി സ്വദേശി ഇസ്മാഈലിന്റെ മൃതദേഹം നാട്ടിലെത്തിക്കാനുള്ള നടപടികള് പുരോഗമിക്കുന്നു
ലോക തൊഴിലാളി ദിനം: ഹോട്ട്പാക്കിന്റെ 1,500 ജീവനക്കാർ ദുബായ് മിറക്കിള് ഗാര്ഡനിൽ ഒത്തൊരുമിച്ചു
അച്ചരപ്പാക്കത്തുനിന്നും ദുബായിലേക്ക്; തനത് തമിഴ് രുചികളുമായി ‘മന്ന മെസ്’ ഇനി പ്രവാസികൾക്ക് മുന്നിൽ
-
World3 years ago
കപ്പലിൽ 15 ഇന്ത്യക്കാർ; തട്ടിക്കൊണ്ടുപോകൽ സൊമാലിയൻ തീരത്ത്, പിന്നാലെ കുതിച്ച് ഇന്ത്യൻ നാവികസേന
-
Gulf2 years ago
സൗദിയില് നിന്ന് കടലിനടിയിലൂടെ വൈദ്യുതി; സാങ്കേതിക പഠനം തുടങ്ങി ഇന്ത്യ
-
Gulf2 years ago
ഓവർസ്റ്റേ സംബന്ധിച്ച സോഷ്യൽ മീഡിയ വാർത്തകൾ തെറ്റ് : ജിഡിആർഎഫ്എ- ദുബായ് — ദുബായിലെ വിസ സംബന്ധമായ അന്വേഷണങ്ങൾക്ക് 8005111 നമ്പറിൽ വിളിക്കാം
-
Top News3 years ago
ഏപ്രിൽ മുതൽ എയർ ഇന്ത്യക്ക് ഏഴ് പുതിയ റൂട്ടുകൾ, അറിയേണ്ടതെല്ലാം
-
Gulf2 years ago
ഒമാനില് ജനങ്ങള് കൈകോര്ത്ത് മലകള്ക്കിടയിലൂടെ റോഡ് നിര്മിച്ചു; 450 കിലോമീറ്റര് യാത്ര 10 കിലോമീറ്ററായി കുറഞ്ഞു
-
Gulf2 years ago
ദുബായിലെ ബസപകടം; നഷ്ടപരിഹാരതുക ലഭിക്കില്ലെന്ന് പറഞ്ഞു നിയമസ്ഥാപനങ്ങൾ ഒഴിവാക്കിയ കേസിൽ സലാം പാപ്പിനിശ്ശേരിയുടെ ഇടപെടൽ ഫലം കണ്ടു. കോടതി ചിലവ് ഉൾപ്പെടെ 47 ലക്ഷം ഇന്ത്യൻ രൂപ (രണ്ടുലക്ഷത്തി ആറായിരം ദിർഹംസ് ) തുക നൽകാൻ ഉത്തരവ്
-
Business2 years ago
മിഡിൽ ഈസ്റ്റിൽ ചികിത്സാ ചെലവുകൾ കുറയ്ക്കാം; ആശുപത്രി വാസം ഒഴിവാക്കാൻ ആകും, ഒരു പുതു സംരംഭം
-
Tech2 years ago
ആ ‘ശല്യം’ ഇനി ഇന്സ്റ്റഗ്രാമിലും; പുതിയ നീക്കവുമായി മെറ്റ