ഷാർജ: കഴിഞ്ഞ ദിവസം ഷാർജയിൽ വിവിധ ഇടങ്ങളിൽ വെെദ്യുതി മുടങ്ങിയത് വലിയ പ്രതിസന്ധി സൃഷ്ട്ടിച്ചു. അല്‍ഖാസ്മിയ,അബുഷഗാര,മജാസ്, മുവൈല, അല്‍ താവൂന്‍,അല്‍നഹ്ദ എന്നിവിടങ്ങളിലാണ് വൈദ്യുതി തടസമുണ്ടായത്. ചൂട് കടുത്ത സമയമാണ് ഇപ്പോൾ ദുബായിൽ ഉള്ളത്. കടുത്ത ചൂടിൽ വൈദ്യുതി നിലച്ചതോടെ എസികളും ലിഫ്റ്റുകളും എല്ലാം പ്രവർത്തനം നിലച്ചു. വലിയ പ്രയാസത്തിലായിരുന്നു താമക്കാർ ഉണ്ടായിരുന്നത്.
വലിയ പ്രതിസന്ധിയാണ് ഇവർ സൃഷ്ട്ടിച്ചത്. ഗ്യാസ് പ്ലാന്റിലുണ്ടായ സാങ്കേതിക തകരാര്‍ ആണ് വൈദ്യുതി മുടങ്ങുന്നതിന് കാരണമായത് എന്നാണ് റിപ്പോർട്ട്. ഈ പ്ലാന്റില്‍ നിന്നാണ് എമിറേറ്റിലെ വിവിധ പവര്‍ സ്റ്റേഷനുകള്‍ പ്രവർത്തിക്കുന്നത്. എന്നാൽ ഇപ്പോൾ സാങ്കേതിക പ്രശ്നം പരിഹരിച്ചതായും വൈദ്യുതി ബന്ധം പൂര്‍ണ്ണമായും പുനസ്ഥാപിച്ചതായും ഷാര്‍ജ മീഡിയ ഓഫീസ് അറിയിച്ചു.
അതേസമയം, യുഎഇ ഫെഡറൽ നാഷനൽ കൗൺസിൽ തെരഞ്ഞെടുപ്പിൽ മത്സരിക്കുന്ന 309 സ്ഥാനാർഥികളുടെ പ്രാഥമിക പട്ടിക ദേശീയ തെരഞ്ഞെടുപ്പ് കമീഷൻ വെള്ളിയാഴ്ച പ്രസിദ്ധീകരിച്ചു. ട്ടികയിൽ 41 ശതമാനവും സ്ത്രീകളാണ് എന്നതാണ് ഇത്തവണത്തെ പ്രത്യേകത. 36 പേർ 25നും 35 ഇടയിൽ പ്രായമുള്ളവർ ആണ്.
അബുദാബിയിൽ ആണ് ഏറ്റവും കൂടുതൽ സ്ഥാനാർഥികൾ നാമനിർദേശം സമർപ്പിച്ചത്.118 പേർ ആണ് മത്സരിക്കുന്നത്. ദുബായ്: 57, ഷാർജ 50, അജ്മാൻ, 21, റാസൽ ഖൈമ 34, ഉമ്മുൽ ഖുവൈൻ, 14, ഫുജൈറ 15 എന്നിവർ ആണ് സ്ഥാനാർഥികളുടെ എണ്ണം.
