സൗദി: സൗദി അറേബ്യയില്‍ ഒരാഴ്ചക്കിടെ മലയാളികള്‍ ഉള്‍പ്പെടെ പതിനയ്യായിരത്തോളം വിദേശികള്‍ അറസ്റ്റിലായി. വിവിധ നിയമ ലംഘനങ്ങളുടെ പേരിലാണ് അറസ്റ്റ്. ഗുരുതരമായ നിയമ ലംഘനം നടത്തിയവരെ നാടുകടത്തുമെന്ന് ആഭ്യന്തര മന്ത്രാലയം അറിയിച്ചു. ഈ മാസം പത്ത് മുതല്‍ പതിനാറ് വരെ സൗദി ആഭ്യന്തര മന്ത്രാലയത്തിന്റെ നേതൃത്വത്തില്‍ രാജ്യത്തിന്റെ വിവിധ ഭാഗങ്ങളില്‍ നടത്തിയ പരിശോധനയിലാണ് പതിനയ്യായിരത്തോളം ആളുകള്‍ അറസ്റ്റിലായത്. താമസ നിയമങ്ങള്‍ ലംഘിച്ചവരാണ് അറസ്റ്റിലായവരില്‍ ഏറെയും.
