അജ്മാന്‍: ജിം പരിശീലകനായ പ്രവാസി മലയാളി യുവാവ് യുഎഇയിലെ അജ്മാനില്‍ മരിച്ചു. പത്തനംതിട്ട പെരുനാട് കല്ലുപുരയിടത്തില്‍ നാണു സുരേഷിന്റെ മകന്‍ മിഥുന് (35) ആണ് ഹൃദയാഘാതം മൂലം മരിച്ചത്.
അജ്മാനിലെ ഒരു സ്വകാര്യ ജിമ്മിലെ പരിശീലകനായിരുന്ന മിഥുന് ചൊവ്വാഴ്ച രാവിലെ അജ്മാന്‍ നുഐമിയയിലെ താമസ സ്ഥലത്ത് വച്ചാണ് ശാരീരിക അസ്വസ്ഥത അനുഭവപ്പെട്ടത്. ഇതേ തുടര്‍ന്ന് ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു.
ഭാര്യ സിനി അജ്മാന്‍ ഇന്‍ഫിനിറ്റി ജിമ്മിലെ പരിശീലകയാണ്. സജിനിയാണ് മാതാവ്.
മകന്‍ ധീരവ് (6) അജ്മാന്‍ ഹാബിറ്റാറ്റ് തല്ല സ്‌കൂള്‍ വിദ്യാര്‍ഥിയാണ്. മൃതദേഹം നാട്ടിലേക്ക് കൊണ്ട് പോകുന്നതിനുള്ള നടപടിക്രമങ്ങള്‍ പൂര്‍ത്തീകരിച്ചുവരുന്നു.
