റിയാദ്: റിയാദിൽ പനി ബാധിച്ച് ചികിത്സയിലായിരുന്ന മലയാളി നിര്യാതനായി. കൊല്ലം കോവൂർ സ്വദേശി സജീവ് രാജപ്പൻ (53) ആണ് മരിച്ചത്. മൃതദേഹം നടപടികൾ പൂർത്തീകരിച്ച ശേഷം നാട്ടിലേക്ക് കൊണ്ടുപോകും. നടപടി ക്രമങ്ങൾ പൂർത്തീകരിക്കുന്നതിനായി കമ്പനിയും സാമൂഹിക പ്രവർത്തകരും രംഗത്തുണ്ട്. കഴിഞ്ഞ ഒമ്പത് വർഷമായി റിയാദിലാണ് സജീവ്. റിയാദിലെ ന്യൂ സാഇയ്യയിൽ ഗാൽവൻകോ കമ്പനിയിലെ തൊഴിലാളിയായിരുന്നു സജീവ് രാജപ്പൻ. ഭാര്യ: ബിന്ദു, മക്കൾ: സൂരജ്, ആവണി.
