സോഹാർ : സോഹാറിൽ തെറ്റായ ദിശയിൽ വന്ന ട്രക്കിടിച്ച് ഉണ്ടായ അപകടത്തിൽ മലയാളി മരണപ്പെട്ടു. പാലക്കാട് ഒറ്റപ്പാലം സ്വദേശി സുനിൽ ആണ് മരിച്ചത്. സ്വകാര്യ കമ്പനിയിൽ അഡ്മിൻ മാനേജർ ആയിരുന്നു. ലിവ റൗണ്ട് എബൗട്ടിൽ ആണ് ആക്സിഡൻ്റ് നടന്നത്. 7 വാഹനങ്ങൾ അപകടത്തിൽ പെട്ടതായാണ് പ്രാഥമിക വിവരം.
തെറ്റായ ദിശയിൽ വന്ന ട്രക്ക് ഇടിക്കുകയായിരുന്നു. ഇതോടെ ഏഴോളം വാഹനങ്ങൾ അപകടത്തിൽ പെടുകയായിരുന്നവെന്ന് ദൃക്സാക്ഷികൾ പറഞ്ഞു.
റെസിഡന്റ് കാർഡ് പുതുക്കാൻ കുടുംബത്തോടൊപ്പം ലിവയിൽ പോയി തിരിച്ചു വരുന്ന വഴിയിലാണ് അപകടം ഉണ്ടായത്. പരിക്ക് പറ്റിയവരെ സോഹാർ ആശുപത്രിയിലേക്ക് മാറ്റിയിട്ടുണ്ട്. അപകടത്തിൽ ഒരു വിദേശിയും രണ്ട് സ്വദേശികളും മരണപ്പെട്ടതായി റോയൽ ഒമാൻ പോലിസ് സ്ഥിതീകരിച്ചു . കൂടുതൽ വിവരങ്ങൾ ലഭ്യമായിട്ടില്ല
