റാസൽഖൈമ: റാസൽഖൈമയിലെ കടൽ തീരത്ത് കൂറ്റൻ തിമിംഗലത്തിന്റെ ജഡം കണ്ടെത്തി. ജഡം വെള്ളത്തിൽ പൊങ്ങി കിടക്കുന്ന രീതിയിലാണ് കണ്ടെത്തിയത്. അൽ ജസീറ അൽ ഹംറ ക്രീക്കിൽ നിന്ന് ഏകദേശം 8 കിലോമീറ്റർ അകലെയാണ് കൂറ്റൻ തിമിംഗലത്തിന്റെ ജഡം പൊങ്ങി കിടക്കുന്നതായി കണ്ടെത്തിയത്. പ്രാദേശിക മത്സ്യത്തൊഴിലാളി നുഖത്ത ഹുമൈദ് അൽ സാബിയാണ് ഈ കാഴ്ച ആദ്യം കാണുന്നത്.
രാവിലെ മത്സ്യബന്ധനത്തിന് പോകാൻ ഇറങ്ങിയപ്പോഴാണ് കടലിൽ കൂറ്റൻ തിമിംഗലത്തിന്റെ അവശിഷ്ടങ്ങൾ കണ്ടെത്തിയത്. 31 മീറ്റർ വരെ നീളവും 3,000 കിലോഗ്രാം ഭാരമുണ്ട്. സംഭവം അറിഞ്ഞ ഉടൻ തന്നെ തിമിംഗലത്തിന്റെ ജഡം കാണാൻ ആളുകൾ കൂട്ടമായെത്തി.
എങ്ങനെയാണ് തിമിംഗലം ചത്തതെന്ന കാര്യം വ്യക്തമല്ല. സ്വാഭാവിക മരണം ആണോ അതോ കപ്പലുമായുള്ള കൂട്ടിയിടിയിൽ അപകടം പറ്റിയതാണോ എന്ന് വ്യക്തമല്ല. ജഡം അഴുകിയ നിലയിലാണ് അതിനാൽ ചെറിയ മത്സങ്ങൾ ഭക്ഷിക്കാൻ മടിക്കുന്നു.
ബലീൻ വിഭാഗത്തിൽപെട്ട തിമിംഗലത്തിന്റെ ജഡം ആണ് കണ്ടെത്തിയിരിക്കുന്നതെന്ന് റാസൽഖൈമയിലെ പരിസ്ഥിതി സംരക്ഷണ വികസന അതോറിറ്റി എക്‌സിക്യൂട്ടീവ് ഡയറക്ടർ ഡോ. സെയ്ഫ് അൽ ഗൈസ് അറിയിച്ചു. മൂന്ന് ദിവസം മുമ്പ് 16 നോട്ടിക്കൽ മൈൽ അകലെയാണ് തിമിംഗലത്തെ കണ്ടെത്തിയത്. എന്നാൽ പിന്നീട് ഇത് ക്രമേണ തീരത്തേക്ക് അടുത്തു വരുകയായിരുന്നു. അതോറിറ്റി അധികൃതർ ഇത് ആദ്യമേ കണ്ടെത്തിയിരുന്നു. തിമിംഗലത്തിന്റെ ജഡം എങ്ങോട്ടാണ് പോകുന്നതന്ന് വ്യക്തമായ അധികൃതർ നിരീക്ഷിച്ച് വരുകയായിരുന്നു. തിമിംഗലത്തിന്റെ സാന്നിധ്യത്തെക്കുറിച്ച് പ്രദേശത്തെ മത്സ്യതൊഴിലാളികൾക്ക് മുന്നറിയിപ്പ് നൽകിയിരുന്നു. പരിസ്ഥിതി സംരക്ഷണ വികസന അതോറിറ്റി വിശയത്തിൽ അടിയന്തര നടപടി സ്വീകരിക്കുമെന്ന് അറിയിച്ചു.
സീസൺ ആരംഭിച്ചതോടെ യുഎഇയിൽ വിവിധ തരത്തിലുള്ള പരിപാടികൾ ആണ് നടക്കുക. വിവിധ ആഘോഷങ്ങളും വിനോദ പരിപാടികൾ സജീവമാകുന്നതൊടെ ഓൺലൈൻ വഴിയുള്ള വിവിധ തരം തട്ടിപ്പുകളും സജീവമായിരിക്കുകയാണ്. വാട്സ് ആപ്, ഫേസ്ബുക്ക് തുടങ്ങിയ സമൂഹ മാധ്യമങ്ങൾ വഴി വല തരത്തിലുള്ള തട്ടിപ്പുമായി വ്യാജൻമാർ ഇറങ്ങും. എല്ലാവരും ജാഗ്രതപാലിക്കണമെന്ന് അധികൃതർ വ്യക്തമാക്കി.
വ്യാജ ഇവന്‍റ് ടിക്കറ്റ് വിൽപന നടത്തിയെന്ന കേസിൽ കഴിഞ്ഞ വർഷം നിരവധി പരാതി ലഭിച്ചിരുന്നു. പുതിയ തട്ടിപ്പ് രീതി വർധിച്ചു വരുന്നുണ്ടെന്നും ജാഗ്രത പാലിക്കണമെന്നും അധികൃതർ നിർദേശം നൽകി. തട്ടിപ്പിന് ഇരയാകുന്നവരുടെ എണ്ണം കൂടിവരുകയാണെന്ന് അബുദാബി ജുഡീഷ്യൽ ഡിപ്പാർട്മെന്‍റ് അറിയിച്ചു.
ഉപഭോക്താക്കളെ ആകർഷിക്കാൻ വേണ്ടി കുറഞ്ഞ നിരക്കിൽ ആയിരിക്കും ഇവർ ടിക്കറ്റ് വിൽപന നടത്തുന്നത്. കെണിയിൽ അകപ്പെട്ട് നിരവധി പേർക്ക് പണം നഷ്ടമായെന്ന് വാർത്ത പുറത്തു വരുന്നുണ്ട്. പരാക നൽകുന്നവരുടെ എണ്ണവും കൂടി ഇതോടെയാണ് ജാഗ്രത നിർദേശം നൽകി അധികൃതർ എത്തിയിരിക്കുന്നത്.
