മൃഗശാലക്ക് സമീപം തിപിടിത്തം. ശനിയാഴ്ച ഉച്ച കഴിഞ്ഞ് മൂന്ന് മണിയോടെയാണ് തീപിടിത്തമുണ്ടായത്. ഉടൻ തന്നെ അഗ്നിശമന വാഹനങ്ങളും സിവിൽ ഡിഫൻസ് ഉദ്യോഗസ്ഥരും സ്ഥലത്തെത്തി തീ നിയന്ത്രണ വിധേയമാക്കി. മൃഗശാല സന്ദർശകർക്കായി തുറന്നിരിക്കുന്ന സമയത്താണ് സമീപത്ത് തീപിടിത്തമുണ്ടായത്.

സംഭവത്തിന്‍റെ വിശദാംശങ്ങൾ അധികൃതർ ഇതുവരെ പുറത്തുവിട്ടിട്ടില്ല. ഇ 55-ൽ അൽ ഷുവൈബ്-ഉമ്മുൽ ഖുവൈൻ റോഡിൽ സ്ഥിതി ചെയ്യുന്ന മൃഗശാലക്ക് സമീപമാണ് അഗ്നിബാധ ഉണ്ടായത്. എല്ലാ ദിവസവും രാവിലെ 8 മുതൽ രാത്രി 8 വരെ പ്രവർത്തിക്കുന്ന മൃഗശാലയാണിത്.

ലോ​കം ചു​റ്റി​ക്കാ​ണാ​ൻ ആ​ഗ്ര​ഹി​ക്കു​ന്ന ഓ​രോ സ​ഞ്ചാ​രി​യു​ടെ​യും ആ​ദ്യ ല​ക്ഷ്യ​സ്ഥാ​ന​മാ​യി​രി​ക്കും ‘ബു​ർ​ജ്​ ഖ​ലീ​ഫ’ എ​ന്ന ദു​ബൈ​യു​ടെ അ​ത്ഭു​ത കെ​ട്ടി​ടം. ലോ​ക​ത്തെ ഏ​റ്റ​വും ഉ​യ​ര​മു​ള്ള ഈ ​കെ​ട്ടി​ടം പി​റ​ന്നി​ട്ട്​ ശ​നി​യാ​ഴ്ച 15 വ​ർ​ഷം പൂ​ർ​ത്തി​യാ​വു​ക​യാ​ണ്​.
2010 ജ​നു​വ​രി നാ​ലി​ന്​​ വ​ർ​ണ​വെ​ളി​ച്ച​ങ്ങ​ൾ നി​റ​ഞ്ഞ ആ​ഘോ​ഷ​ത്തോ​ടെ​യാ​ണ്​ കെ​ട്ടി​ടം ലോ​ക​ത്തി​ന്​ സ​മ​ർ​പ്പി​ക്ക​പ്പെ​ട്ട​ത്. 2004ലാ​ണ്​ നി​ർ​മാ​ണം ആ​രം​ഭി​ച്ച​ത്. എ​ല്ലാ മേ​ഖ​ല​യി​ലും ​ലോ​ക​ത്തെ ഏ​റ്റ​വും മി​ക​ച്ച​താ​വു​ക​യെ​ന്ന യു.​എ.​ഇ ഭ​ര​ണാ​ധി​കാ​രി​ക​ളു​ടെ കാ​ഴ്ച​പ്പാ​ടി​ന്‍റെ അ​ടി​സ്ഥാ​ന​ത്തി​ലാ​ണ്​ ബു​ർ​ജ്​ ഖ​ലീ​ഫ നി​ർ​മി​ക്ക​പ്പെ​ടു​ന്ന​ത്. 828 മീ​റ്റ​ർ അ​ഥ​വാ 2717 അ​ടി​യാ​ണ്​ ഇ​തി​ന്‍റെ ഉ​യ​രം. 163 നി​ല​ക​ളാ​ണ്​ കെ​ട്ടി​ട​ത്തി​നു​ള്ള​ത്.
2023ൽ ​ബു​ർ​ജ്​ ഖ​ലീ​ഫ​യി​ൽ ഒ​രു ച​തു​ര​ശ്ര അ​ടി​ക്ക്​ 4852 ദി​ർ​ഹ​മാ​ണ്​ വി​ല രേ​ഖ​പ്പെ​ടു​ത്തി​യ​ത്. 2022ലെ ​വി​ല​യേ​ക്കാ​ൾ 20 ശ​ത​മാ​നം വ​ർ​ധ​ന​യാ​ണി​ത്. അ​തി​സ​മ്പ​ന്ന​ർ​ക്ക്​ മാ​​ത്രം സ്വ​ന്ത​മാ​ക്കാ​ൻ ക​ഴി​യു​ന്ന​താ​ണ്​ കെ​ട്ടി​ട​ത്തി​ലെ അ​പ്പാ​ർ​ട്മെ​ന്‍റു​ക​ൾ. ഇ​തി​ന​കം 980 കോ​ടി ദി​ർ​ഹ​മി​ന്‍റെ വി​ൽ​പ​ന​യാ​ണ്​ ന​ട​ന്നി​ട്ടു​ള്ള​ത്.എ​ന്നാ​ൽ, 148ാം നി​ല​യി​ലും 125ാം നി​ല​യി​ലും സ​ഞ്ചാ​രി​ക​ൾ​ക്കാ​യി പ്ര​ത്യേ​കം നി​രീ​ക്ഷ​ണ സ്ഥ​ല​ങ്ങ​ൾ ഒ​രു​ക്കി​യി​ട്ടു​ണ്ട്. ഫീ​സ​ട​ച്ച്​ പ്ര​വേ​ശി​ച്ചാ​ൽ ദു​ബൈ ന​ഗ​രം ഒ​ന്നാ​കെ ഇ​വി​ടെ​നി​ന്ന്​ കാ​ണാ​നാ​കും. ലോ​ക​പ്ര​ശ​സ്ത ആ​ർ​കി​ടെ​ക്ട്​ ആ​ഡ്രി​യാ​ൻ സ്മി​ത്താ​ണ്​ കെ​ട്ടി​ട​ത്തി​ന്‍റെ ഡി​സൈ​ൻ ത​യാ​റാ​ക്കി​യ​ത്.

ജീവനക്കാർക്ക് ശമ്പളം നൽകിയില്ല; മെഡിക്കൽ സ്ഥാപനത്തിലെ ഉപകരണങ്ങൾ ലേലം ചെയ്യാൻ ഉത്തരവിട്ട് ദുബായ് കോടതി
ആരോഗ്യ സ്ഥാപനത്തിനെതിരെ ദുബായ് കോടതിയുടെ സുപ്രധാന വിധി. മെഡിക്കൽ ഉപകരണങ്ങൾ ലേലം ചെയ്യാൻ ഉത്തരവ്. വ്യാപാര സ്ഥാപനങ്ങൾക്ക് നൽകാനുള്ള കടങ്ങളും ഡോക്ടർമാർക്കും നഴ്സുമാർക്കും ഉൾപ്പെടെയുള്ള ജീവനക്കാർക്ക് ശമ്പളവും നൽകാതിരുന്ന കേസിലാണ് ദുബായ് കോടതി ഉത്തരവിട്ടത്. ജനുവരി ഏഴിന് ലേലം നടത്താൻ നിർദേശം.ജീവനക്കാർക്ക് ശമ്പളം നൽകിയില്ല; മെഡിക്കൽ സ്ഥാപനത്തിലെ ഉപകരണങ്ങൾ ലേലം ചെയ്യാൻ ഉത്തരവിട്ട് ദുബായ് കോടതി

ദുബായ്: സാധനങ്ങൾ വാങ്ങിയ വകയിൽ വ്യാപാര സ്ഥാപനങ്ങൾക്ക് നൽകാനുള്ള കടങ്ങളും ഡോക്ടർമാർക്കും നഴ്സുമാർക്കും ഉൾപ്പെടെയുള്ള ജീവനക്കാർക്ക് ശമ്പളവും നൽകാതിരുന്ന കേസിൽ ആരോഗ്യ സ്ഥാപനത്തിനെതിരെ സുപ്രധാന വിധിയുമായി ദുബായ് കോടതി. ഇവർക്കുള്ള കടവും ശമ്പള കുടിശികയും നൽകുന്നതിനായി ഹെൽത്ത് കെയർ ഫെസിലിറ്റിയിലെ മെഡിക്കൽ ഉപകരണങ്ങൾ ലേലം ചെയ്യാൻ ഉത്തരവിട്ടിരിക്കുകയാണ് ദുബായിലെ കോടതി.

അടുത്ത ചൊവ്വാഴ്ച (ജനുവരി ഏഴ്) വൈകുന്നേരം അഞ്ച് മണിക്ക് റാസൽ ഖോറിലെ ലേല കേന്ദ്രത്തിൽ വെച്ച് ഇവ ലേലത്തിൽ വിൽക്കുകയും വിറ്റു കിട്ടുന്ന പണം കൊണ്ട് കടവും ശമ്പള കുടിശികയും തീർക്കാനുമാണ് കോടതി നിർദ്ദേശിച്ചിരിക്കുന്നത്. ലേലത്തിൽ പങ്കെടുക്കാൻ ആഗ്രഹിക്കുന്നവർക്ക് കമ്പനിയുടെ വെബ്സൈറ്റ് വഴി ഓൺലൈനായും
പങ്കെടുക്കാമെന്ന് അധികൃതർ അറിയിച്ചു.

കോടതി നിയോഗിച്ച എക്‌സിക്യൂട്ടർ 2024 മാർച്ചിൽ നടത്തിയ സൈറ്റ് പരിശോധനയെ തുടർന്ന് നടത്തിയ റിപ്പോർട്ടിന്റെ അടിസ്ഥാനത്തിലാണ് സ്ഥാപനത്തിലെ ഉപകരണങ്ങൾ പിടിച്ചെടുത്ത് ലേലം ചെയ്യാൻ കോടതി ഉത്തരവിട്ടിരിക്കുന്നത്. ഈ റിപ്പോർട്ടിൽ സ്ഥാപനത്തിലെ എല്ലാ മെഡിക്കൽ ഉപകരണങ്ങളുടെയും ഫർണിച്ചറുകളുടെയും പട്ടിക തയ്യാറാക്കി നൽകിയിരുന്നു. സ്ഥാപനത്തിലെ ജീവനക്കാരുടെയും പണം കിട്ടാനുള്ള വ്യാപാര സ്ഥാപനങ്ങളുടെയും പരാതിയിലാണ് കോടതിയുടെ നടപടി.”