Gulf
സന്ദർശക വിസയിലെത്തി കുടുങ്ങി പോയ വർക്കും പൊതുമാപ്പ്;യു എ ഇയിൽ ജനിച്ച് യാതൊരു രേഖകളുമില്ലാതെ ജീവിക്കുന്നവർക്കും പൊതുമാപ്പ് ഉപയോഗപ്പെടുത്താം
സന്ദര്‍ശക വിസയിലെത്തി അനധികൃത താമസക്കാരായവര്‍ക്കും പൊതുമാപ്പ് ഉപയോഗപ്പെടുത്താമെന്ന ഫെഡറല്‍ അതോറിറ്റി ഫോര്‍ ഐഡന്റിറ്റി, സിറ്റിസണ്‍ഷിപ്പ്, കസ്റ്റംസ് ആന്‍ഡ് പോര്‍ട്ട് സെക്യൂരിറ്റി (ഐ സി പി) അറിയിപ്പ് ആയിരങ്ങള്‍ക്ക് ആശ്വാസമാകും. സെപ്തംബര്‍ ഒന്ന് ഞായറാഴ്ചയാണ് പൊതുമാപ്പ് ആരംഭിക്കുന്നത് .രണ്ട് മാസം നീണ്ടുനില്‍ക്കും.
പൊതുമാപ്പ് പരിപാടി ‘നിയമത്തോടുള്ള ബഹുമാനം, സഹിഷ്ണുത, അനുകമ്പ, സാമൂഹിക ഐക്യം’ എന്നിവ പ്രോത്സാഹിപ്പിക്കുന്നുവെന്ന് ഉദ്യോഗസ്ഥർ പറഞ്ഞു. വിസ, താമസ നിയമ ലംഘകർക്ക് അയവുള്ളതും എളുപ്പമുള്ളതുമായ നടപടിക്രമങ്ങളിലൂടെ അവരുടെ നില ശരിയാക്കാൻ ഇത് അവസരം നൽകുന്നു. അവരുടെ അവകാശങ്ങൾ നേടിയെടുക്കാനും സുരക്ഷിതമായി
പുറത്തുകടക്കാനും കഴിയും. നിയമാനുസൃതമായി രാജ്യത്ത് ജീവിക്കാനും ജോലി ചെയ്യാനും ഇത് അവരെ പ്രാപ്‌തരാക്കുന്നു. യു എ ഇയിൽ ജനിച്ച ഏതൊരു വിദേശിക്കും ജനനത്തീയതി മുതൽ നാല് മാസത്തിനുള്ളിൽ റെസിഡൻസി രജിസ്റ്റർ ചെയ്യാത്തവർക്കടക്കം പൊതുമാപ്പിന് അപേക്ഷിക്കാം