Gulf
ലുലു ഗ്രൂപ്പ്; യുഎഇ റെക്കോർഡ് തകർത്ത ഓഹരി വില്‍പ്പന, ഒറ്റമണിക്കൂറില്‍ കാലിയായി
ഏറെ നാളത്തെ കാത്തിരിപ്പിന് ശേഷം ലുലു ഗ്രൂപ്പിന്റെ പ്രാരംഭ ഓഹരി വില്‍പ്പനയ്ക്ക് (ഐ പി ഒ) അബുദാബി സ്റ്റോക്ക് എക്സ്ചേഞ്ചില്‍ തുടക്കമായി. ഒക്ടോബർ 28 മുതല്‍ നവംബർ 5 വരെ മൂന്ന് ഘട്ടങ്ങളിലായിട്ടാണ് ഐ പി ഒ നടത്തുന്നത്. ഐ പി ഐയിലൂടെ കമ്പനിയുടെ 25 ശതമാനം ഓഹരികളാണ് ലുലു ഗ്രൂപ്പ് വിറ്റഴിക്കുന്നത്. 170 മുതല്‍ 180 കോടി ഡോളർ വരെയാണ് ലുലു ഓഹരി വില്‍പ്പനയിലൂടെ ലക്ഷ്യമിടുന്നതെന്ന റിപ്പോർട്ടുണ്ടായിരുന്നെങ്കിലും 136 കോടി ഡോളർ മുതൽ 143 കോടി ഡോളർ വരെയാണ് കമ്പനി ഐ പി ഒ യിലൂടെ സമാഹരിക്കാന്‍ ലക്ഷ്യമിടുന്നതെന്ന് ഇന്നതോടെ വ്യക്തമായി.
