തോന്നിയ പോലെ തൊഴിലാളിയെ പിരിച്ചുവിടാന്‍ യുഎഇ തൊഴില്‍ നിയമം തൊഴിലുടമയെ അനുവദിക്കുന്നില്ല. പകരം വ്യക്തമായി നിര്‍വചിക്കപ്പെട്ട ഒരു കൂട്ടം സാഹചര്യങ്ങളില്‍ മാത്രമേ ജോലി ചെയ്യുന്ന ഒരു ജീവനക്കാരന്‍റെ തൊഴില്‍ കരാര്‍ അവസാനിപ്പിക്കാന്‍ തൊഴിലുടമയ്ക്ക് അവകാശമുള്ളൂ എന്ന് യുഎഇ സര്‍ക്കാര്‍ ഇതുമായി ബന്ധപ്പെട്ട ഒരു അപ്ഡേറ്റില്‍ വ്യക്തമാക്കി. ജീവനക്കാരനെ പിരിച്ചുവിടാന്‍ തൊഴിലുടമയ്ക്ക് അനുവാദമുള്ള സാഹചര്യങ്ങള്‍ ഇവയാണ്
തൊഴിലാളി ആള്‍മാറാട്ടം നടത്തുകയോ വ്യാജ സര്‍ട്ടിഫിക്കറ്റുകളോ രേഖകളോ സമര്‍പ്പിക്കുകയോ ചെയ്താല്‍.
തൊഴിലുടമയ്ക്ക് കാര്യമായ സാമ്പത്തിക നഷ്ടം വരുത്തുന്ന ഒരു പിശക് തൊഴിലാളി വരുത്തുകയാണെങ്കില്‍.
തൊഴിലാളി മനപ്പൂർവം തൊഴിലുടമയുടെ വസ്തുവകകൾക്ക് നാശമുണ്ടാക്കുകയും അക്കാര്യം അംഗീകരിക്കുകയും ചെയ്താൽ. ഇത്തരം സന്ദർഭങ്ങളിൽ ഇക്കാര്യം ഏഴ് ദിവസത്തിനകം മാനവ വിഭവശേഷി, സ്വദേശിവൽക്കരണ മന്ത്രാലയത്തെ അറിയിക്കണം.
.ജോലിയുടെയും തൊഴിലാളികളുടെയും ജോലിസ്ഥലത്തിന്റെയും
സുരക്ഷയുമായി ബന്ധപ്പെട്ട നിർദ്ദേശങ്ങൾ കാണും വിധം എഴുതി പതിക്കുകയും തൊഴിലാളിയെ അറിയിക്കുകയും ചെയ്ത ശേഷം അവ തൊഴിലാളി ലംഘിക്കുകയാണെങ്കിൽ.
* തൊഴിൽ കരാർ പ്രകാരം തൊഴിലാളി തന്റെ അടിസ്ഥാന കർത്തവ്യങ്ങൾ നിർവഹിക്കുന്നില്ലെങ്കിൽ. ഇക്കാര്യത്തിൽ രേഖാമൂലമുള്ള അറിയിപ്പ് നൽകുകയും പിരിച്ചുവിടുമെന്ന് രണ്ടുതവണ മുന്നറിയിപ്പ് നൽകുകയും ചെയ്ത ശേഷവും അത് ആവർത്തിക്കുകയാണെങ്കിൽ.
* ജോലി ചെയ്യുന്ന
സ്ഥാപനത്തിന്റെ രഹസ്യം വെളിപ്പെടുത്തിയാൽ.
വെളിപ്പെടുത്തൽ വ്യാവസായികമോ ബൗദ്ധിക സ്വത്തുമായി ബന്ധപ്പെട്ടതോ, അല്ലെങ്കിൽ തൊഴിലുടമയ്ക്ക് നഷ്ടം വരുത്തുകയോ, തൊഴിലുടമയുടെ അവസരം നഷ്ടപ്പെടുകയോ, ജീവനക്കാരന് വ്യക്തിപരമായ നേട്ടം കൊണ്ടുവരുന്നതോ ആയ കാര്യമാണെങ്കിൽ.
* സത്യസന്ധതയെയോ പൊതു ധാർമ്മികതയെയോ ബാധിക്കുന്ന ഒരു കുറ്റകൃത്യത്തിന് യോഗ്യതയുള്ള ഒരു കോടതി ജീവനക്കാരനെ ശിക്ഷിച്ചിട്ടുണ്ടെങ്കിൽ.
* ജോലിസമയത്ത് ജീവനക്കാരനെ മദ്യപിച്ചതായോ മയക്കുമരുന്ന് ഉപയോഗിച്ചതായോ കണ്ടെത്തുകയോ
ജോലിസ്ഥലത്ത് പൊതു ധാർമികത ലംഘിക്കുന്ന ഒരു പ്രവൃത്തി ചെയ്യുകയോ ചെയ്താൽ.
* ജോലി സമയത്ത്, അയാൾ തൊഴിലുടമയെയോ, ഉത്തരവാദിത്തപ്പെട്ട മാനേജരെയോ, അയാളുടെ മേലുദ്യോഗസ്ഥരിൽ ഒരാളെയോ സഹപ്രവർത്തകരെയോ, വാക്ക് കൊണ്ടോ പ്രവൃത്തികൊണ്ടോ രാജ്യത്ത് നിയമപ്രകാരം ശിക്ഷിക്കാവുന്ന ഏതെങ്കിലും തരത്തിലുള്ള ആക്രമണം നടത്തിയാൽ.
.ഒരു വർഷത്തിനിടയിൽ 20 ഇടവിട്ടുള്ള ദിവസങ്ങളിൽ കൂടുതൽ അല്ലെങ്കിൽ തുടർച്ചയായി ഏഴ് ദിവസത്തിൽ കൂടുതൽ, നിയമാനുസൃതമായ കാരണമോ തൊഴിലുടമ അംഗീകരിച്ച ഒഴികഴിവുകളോ ഇല്ലാതെ തൊഴിലാളി ജോലിക്ക് ഹാജരാകാതിരുന്നാൽ.
.ഒരു ജീവനക്കാരൻ വ്യക്തിപരമായ നേട്ടങ്ങൾക്കായി നിയമവിരുദ്ധമായ രീതിയിൽ തന്റെ ജോലി സ്ഥാനം ചൂഷണം ചെയ്താൽ.
* നിയമപരമായ നിയന്ത്രണങ്ങളും നടപടിക്രമങ്ങളും പാലിക്കാതെ തൊഴിലാളി മറൊരുസ്ഥാപനത്തിൽ’ ചേരുകയാണെങ്കിൽ.
